Lv 23:2 - Chuj San Sebastian Bible

² Al jun tzo'n̈ tic 'a eb' et israelal: Atn jun tzo'n̈ q'uin̈ tic to wic an Jehová in, ata tzeyam e b'a yic tzex 'och 'emmquilal 'ayin.

Chuj San Mateo Bible

² Al d'a eb' etisraelal to a in sval icha tic: A juntzan̈ q'uin̈ tic, valnaccani to vicn̈ej yaji, aton yic tze molb'an e b'a yic tzin eyic'anchaan̈.

Lv 23:2 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 10:20

Yuj cha, 'ix ya'n Jehú alxc 'eli to tzchax sq'uin̈l Baal yuj yijx chan̈ sb'i, 'ixtnta x'aj sb'o'i.

1 Cr 23:31

yet' yic tz'ajx tz'a xajmb'al to tz'a smasnil 'a Jehová 'a sc'ul 'iljelal, yet' 'a yic tznax sq'uin̈l yic tzpac' 'uj, yet' pax jun tzo'n̈ xo q'uin̈ caw niwn yel'chi. Tz'a'wn̈ej servil eb' 'a Jehová, a tzyal sb'isl eb', yet' munljel tz'ajx sb'o eb'.

2 Cr 2:3

Xlajw cha, 'ix yaln 'at win 'a Hiram sreyl Tiro 'ixtic: ¿Tzac' am te c'ute 'ayin, 'icha otjnac a'n te 'a in mam, atn David, yic sb'on chan̈ yatut 'aj 'ix 'aj cajan?

2 Cr 30:5

Yuj cha, 'ix smol aln eb' to tz'at eb' checb' yet' ch'an̈ carta 'a smasnil yol yic Israel, chajto 'at 'a chon̈b' Beerseba masnto 'a chon̈b' Dan. 'Ix 'awtx eb', sec tzjaw eb' 'a Jerusalén yic tznax jun q'uin̈ cha. Yujto a 'a yic yaln̈taxi, man̈ niwnoc eb' tzyam sb'a yic snan eb' jun q'uin̈ cha, 'icha yaj stz'ib'xcani.

Esdras 3:5

'A junjn c'u tzya'n eb' smasnil xajmb'al 'icha stzolil, tzya'n pax eb' xajmb'al yic tznan eb' q'uin̈ yic tzpac' 'uj yet' jun tzo'n̈ xo xajmb'al yic smasnil q'uin̈ to niwn yel'ch 'a Jehová. Tzya'n pax eb' smasnil xajmb'al to tz'el 'a sc'ojl eb' 'anma ya'ni.

Salmos 81:3

A yic tzpac' 'uj tzcutz'nec qui trompeta, tzcutz'nec pax 'a yic tzc'ojn sb'a 'uj, yujto niwquil q'uin̈ jun chi 'ayn̈ec.

Ex 32:5

A yic xyiln Aarón to wach' 'ix 'aj jun yechl wacx cha, yuj cha, 'ix sb'on jun yet'l xajmb'al 'a yojltac jun yechl cha. Xlajw cha, caw 'ip 'ix 'awj cha'an̈, xyaln 'ixtic: —A q'uic'an tzqui nac sq'uin̈l jun tic, yuj qui'nec chan̈ sb'i Jehová, xchi.

Is 33:20

'Iltec wal Sión, atn jun chon̈b' to yic qui q'uin̈c yaji, ax eyiln pax swach'l yilx Jerusalén jun 'ejm xo, atn jun chon̈b' may tas tzna'a; 'icha junc mantiado matz xuyxcha'an̈, matz to'x q'uet yistacail, matz n̈i'chj junc sch'an̈il, 'ixta 'oj 'ajoc.

Lm 1:4

A jun tzo'n̈ b'e yic Sión, caw wal cusltac yilxi, toc 'ayt mach tzjaw 'ilj q'uin̈. A spuertail chon̈ab', cusltac yilxi. Ax ewin ya'mal 'och qui ti 'a Dios, caw wal tz'oc' eb' si'mb'il. A eb' 'ix cob'stac 'ix tzb'itn 'a yatut Dios caw wal tacn̈c sc'ojl eb' 'ix. A jun chon̈b' tic, caw wal tzyab' syal si'mb'il.

Ez 44:24

An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.

Os 2:11

'Oj wac' lajwc stzaljc'ojlal, ax wa'n lajwc sq'uin̈ tzna 'a yic tzpac' 'uj, yet' sq'uin̈ yic sc'ul 'iljelal, yet' smasnil jun tzo'n̈ xo q'uin̈ tzna'a.

Jl 1:14

'Awtjec cot smasnil eb' 'anma', 'ochn̈ec 'a c'ajb'c'ojlal yet' eb'. Molb'tzejec e b'a 'a yatut Jehová qui Diosal, yet' smasnil eb' yichmtac wincal chon̈ab', yet' smasnil eb' 'anma 'a jun nacion̈ tic yic tzex tew 'a Jehová.

Jl 2:15

'Utz'jec q'uen trompeta 'a tzaln Sión sec tzyam sb'a smasnil eb' 'anma', 'ochn̈ec e masnil 'a c'ajb'c'ojlal.

Lv 23:1

'Ix yaln Jehová 'a Moisés 'ixtic:

Lv 23:21

A 'a jun c'u cha, yowlal tzeyam e b'a yic tzex 'och 'emmquilal 'ayin, may pax junc mach tztac' smunlji. A jun tic ley tz'ajcn 'a e cal yet' 'a eb' eyin̈tl b'aq'uin̈, yaln̈ej 'aj 'ayx 'eq'ui.

Lv 23:37

(Atn jun tzo'n̈ q'uin̈ tic checl tz'ajcn 'ayx wu'uj, atnta smoj eyoch 'emmquilal 'ayin. A pax ta tzeyac' tz'a e xajmb'al 'a wojltac, tzeyi'n 'el eyofrenda 'a 'ixm sat trigo mto 'ixm cebada, yet' pax yal uva, a tzyal sc'ul 'aj smoj yajxi.

Lv 23:4

Atn pax jun tzo'n̈ q'uin̈ tic to niwn yel'chi yic tzeyi'n chan̈ in b'i, tze yamn e b'a yuj eyoch 'emmquilal 'ayn an Jehová in, atn jun tzo'n̈ c'u alb'ilx wu'uj:

Lv 23:44

'Ixta pax 'ix yutj Moisés ya'n yojcoc 'el eb' yit israelal cha, yuj sc'ul jun tzo'n̈ niwc q'uin̈ tz'ochi yuj yijx chan̈ sb'i Jehová.

Nahúm 1:15

Ex 'aj Judá, 'iltec, sjaw win alm 'el 'ab'x yic junc'ojlal 'a sjolm eb' lum tzalan. 'A'c 'och e q'uin̈, 'a'c 'el'choc 'aj eya'jnac can e ti'. Man̈x 'a b'a'n̈ 'oj ex yixtc eb' tu snab'en, tox 'ix lajw 'el eb' 'a jun 'ejmn̈ej.

Nm 10:10

An Jehová e Diosal in, an tzwala: A yic sc'ul 'ay e tzaljc'ojlal cha, 'icha 'a yic sc'ul q'uin̈, mto 'a yic tzpac' 'uj, tzeyutz'j q'uen trompeta cha, 'a yic tzeya'n tz'a e xajmb'al, mto xajmb'al yic junc'ojlal, sec 'oj ex in na coti, xchi Dios.

Nm 29:39

Atn jun tzo'n̈ xajmb'al tic yowlal tz'ajx 'ayn 'a yic q'uin̈al, to checl yaj sc'ual. A yet' jun tzo'n̈ tic, tztac' eya'n pax eyofrenda to ta'wb'il eyu'uj, mto ton̈j tz'el 'a e c'ojl eya'ni, toxn̈ej no xajmb'al, mto harina, mto yal uva, mto xajmb'al yic junc'ojlal, xchi Dios.

Jn 5:1

Xlajw cha, 'ix 'atx Jesús 'a Jerusalén, x'at yilnoc jun sq'uin̈ eb' yit israelal.

A Scarta San Pablo D'a Eb' Aj Colosas 2:1

Tzin nib'ej, tznachj 'el eyu'uj, chajtlto caw tzwac' 'ip ex wa'n servil, yet' eb' 'ay 'a chon̈b' Laodicea. Tzwa'n pax servil jantcn̈ej eb' creyente mant 'a 'aj tzin 'ilni.

A Scarta San Pablo D'a Eb' Aj Colosas 2:16

Yuj cha, toto 'ay mach tzex b'eyc'ojlan yuj tas tze c'uxu, mto tzeyuq'uej, man̈ e cha yal eb' 'ayex. Toto tznib'j eb' yal 'ayx yuj jun tzo'n̈ sq'uin̈, mto 'a yic tzpac' 'uj, yet' sc'ul 'iljelal, man̈ e cha yal eb' 'ayex.