Lv 23:14 - Chuj San Sebastian Bible

¹⁴ Man̈ e comn wac 'ixm 'ac' cebada mto 'ixm tzb'olxi, mto 'ixm tzeyax c'uxej, masnto cab' tzeyac' 'ixm jun yuchn̈ chi ofrendail 'ayn an e Diosal in, 'ixta to b'i'an, tztac' e c'uxn 'ixim. A jun tic, ley tz'ajcn 'ayx yet' 'a eyunnal b'aq'uin̈, yaln̈ej 'aj 'ayx 'eq'ui.

Chuj San Mateo Bible

¹⁴ A ixim ac' trigo sjochchaj chi', max yal-laj e vaan ixim d'a panil. Max yalpaxlaj e b'olan ixim e c'uxu', ma eyax c'uxani, masanto d'a jun sc'ual a tzeyac'an ixim b'ab'el manoja ofrendail d'ayin e Diosal in. A jun tic ley tz'ajcan d'ayex d'a masanil tiempo yaln̈ej b'aj ayex eq'ui.

Lv 23:14 ပူးပေါင်းရင်းမြစ်များ

Nehemías 9:14

'Ix a cuyn eb', sec tzyiclj eb' sc'ul 'iljelal yuj ach yi'n chan̈ eb'. 'Ix a'n a checnb'il, a cuynb'il caw yel yet' a ley 'a win a checb' Moisés, sec tzyiclj eb'.

Salmos 19:8

A tas tzyala caw wach'n̈j smasnil, yujto tzyij cot tzaljc'ojlal 'a qui pixnec. A sley caw tojln̈ej yaji, tzjaw qui nab'enec yu'uj.

Ex 27:21

Ax Aarón yet' eb' yunnal, a eb' tz'och 'ajcuentail ya'n 'och sc'a'l jun tzo'n̈ cantil cha, sec 'ayn̈j 'och sc'a'l 'a wojltac an Jehová in tic yic tz'ec' 'ac'wl 'a yojl in Mantiado, atn 'a yojltac 'elt te cortina 'aych yen̈loc scaxail in trato. A jun tic, ley tz'ajcn 'ayx yet' 'a eb' eyin̈tl b'aq'uin̈, xchi Dios.

Ex 34:26

Smasnil sb'ab'l sat 'awb'en tz'el 'a sat lum lum cha, yowlal tzeyij cot 'a watut an Jehová e Diosal in. Man̈ e tz'an̈ e no cotc chiwo 'a scal yal yim no snun, xchi Dios.

Lv 10:11

Yowlal tze cuy pax eb' eyit israelal 'a jun tzo'n̈ ley xwac' yal Moisés 'ayex, xchi 'a Aarón.

Lv 2:14

Toto tz'ajx junc ofrenda 'ayn an Jehová in yuj b'ab'l sat 'awb'en, yowlal a jaye'oc 'ixm jolm trigo caw 'ec'um, a tz'ajx c'anb'oc 'a scal c'ac', yaxto wali tzb'uchx 'eli.

Lv 23:31

May xon junc mach tzmunlj 'a tzann̈j munljel-l 'a jun c'u cha. A jun tic ley tz'ajcn 'a e cal, yet' 'a scal eb' eyin̈tl 'a smasnil tiempo, yaln̈ej 'aj 'ayx 'eq'ui.

Lv 23:41

'A junjn ab'il, yic tz'och jun yucl 'uj cha, tze nan jun q'uin̈ tic 'a uque c'ual, yic tzeyi'n chan̈ in b'i. A jun tic ley tz'ajcn 'a e cal yet' 'a eb' eyin̈tl b'aq'uin̈.

Lv 3:17

Man̈ e chi xepual no noc' yet' schic'l no'. A jun tic ley tz'ajcn 'ayex yet' 'a eb' eyin̈til, yaln̈j 'ajtil 'ayx 'eq'ui, xchi Dios 'a Moisés.

Dt 16:12

Nac coti chajtlto 'e'nc on̈c mosoal 'a eb' 'aj Egipto. Yuj cha, yowlal tze b'eylb'ej pax jun tzo'n̈ ley tic.