Lv 23:10 - Chuj San Sebastian Bible

^10-11 Al jun tzo'n̈ tic 'a eb' et israelal: A yic tox ex c'och 'a sat lum lum tzwac' eyico'oc, a yic 'oj e polnc e cebada, a jun yuchn̈ 'ixm tze b'ab'l polj cha, tzeyij can 'eli. Ax yic yewial xo yec' sc'ul 'iljelal, tzeyi'n cot 'a win ya'mal 'och sti eb' 'anma', ax win tz'a'n 'och 'ixm ofrendail 'a wojltac, sec wach' chab'il wuj 'ayex.

Chuj San Mateo Bible

¹⁰ Al d'a eb' etisraelal icha tic: Ayic ayexxo ec' d'a sat lum luum ol vac' chi' d'ayex, ayic ol e chaanel yich e jochan ixim e trigo, a jun b'ab'el manoja tze joch chi', tzeyic'cot d'a eb' vin̈ sacerdote.

Lv 23:10 ပူးပေါင်းရင်းမြစ်များ

Ex 22:29

Man̈ e tench wan e b'a eya'n eyofrenda 'ayin: Atn ofrenda yic smasnil sb'ab'l sat eyawb'en. A eb' e b'ab'l winc 'unin, yowlal tzeyac' eb' 'ayin,

Ex 23:16

Tze nan pax sq'uin̈l yic tz'el-l sb'ab'l sat smasnil tas 'awb'il eyuj 'a jun ab'il cha. An̈jtona', tze nan pax sq'uin̈l yic tzlajw e moln chan̈ sat smasnil tas 'awb'il eyuj cha.

Ex 23:19

A wal sb'ab'l sat eyawb'en wach' tz'el-l 'a sat lum lu'um, a tzeyij cot 'a watut an Jehová e Diosal in tic. Man̈ e tz'an̈ no cotc chiwo 'a scal yal yim no snun.

Ex 34:22

Tze na pax jun q'uin̈ yic tzlajw uque seman yic snanb'il cot eyel 'a libre, yet' sq'uin̈l 'ixm trigo tzb'ab'l c'anb'i. Tze na junx q'uin̈ 'a yic tzlajw chan̈ 'ixm trigo chi 'a yic tzlajw ab'il.

Ex 34:26

Smasnil sb'ab'l sat 'awb'en tz'el 'a sat lum lum cha, yowlal tzeyij cot 'a watut an Jehová e Diosal in. Man̈ e tz'an̈ e no cotc chiwo 'a scal yal yim no snun, xchi Dios.

Ez 44:30

A eb' 'oj chanc jun tzo'n̈ ofrenda yic sb'ab'l sat 'awb'en yet' smasnil tas tzyac' eb' eyit israelal 'ayin. Ax yic 'oj e b'onc 'ixm harina panil, a wal 'ixm caw wach' 'oj eyac' 'a eb', sec 'oj wac' in yaxilal 'a eyib'an̈.

Lv 14:34

A yic 'ayx xo 'ec' e masnil 'a lum Canaán, atn lum 'oj wac' eyico'oc, toq'ue 'oj wa't tas c'uxmtac syab'ilc yol n̈a 'a e chon̈b' cha,

Lv 23:17

Junjn n̈a'il tzyij cot chab'oc 'ixm niwc pan ofrendail, 'ixm wach' yaj sb'o 'a 'ixm 'ac' harina, tz'em yich, chan̈e libra harina tz'och 'a jun jun. A jun cha, ofrenda tz'ajx 'och 'a wojltac an Jehová in, yuj sb'ab'l sat 'awb'en.

Lv 23:9

'Ix yaln Jehová 'a Moisés 'ixtic:

Nm 15:2

Al jun tzo'n̈ tic 'a eb' et israelal, to an tzwal 'ixtc 'a eb': A yic tzex c'och 'a sat lum lum tzwac' eyico'oc, lum 'aj 'oj eyaj cajn cha,

Nm 28:26

A yic tox 'ix 'ec' uque seman yec' q'uin̈ yuj e nan cot eyel 'a libre, yic tzeya'n eyofrenda 'a 'ayn yuj sb'ab'l sat eyawb'en tze mol cha, ata tzeyamx e b'a e masnil, yuj eyochx 'emmquilal 'ayin. A 'a jun c'u cha, may xon junc mach tzmunlji.

Ro 11:16

A eb' sb'ab'l mam 'ichm eb' israel, cojxn Dios 'ay yic eb'. Yuj cha, 'ixta pax eb' yin̈tl eb', yic Dios pax eb'. 'Icha junc te te', toto yic Dios yaj sch'an̈lyib', an̈jtona sc'ab' te', yicn̈ej paxi, 'ixta yaj eb'.

Dt 16:9

A yic tz'el yich e poln e trigo, ata tzeyij 'el yich e b'isn uque seman.

Santiago 1:18

On̈ laj yac' 'aljoc 'a scha'ejmal yet' spaxti caw yel, yujto 'ixta x'el 'a sc'ojol. 'Ixta tzon̈ yutjec, sec wach' yel xo wal xajn on̈c yuj 'a yib'n̈ smasnil jun tzo'n̈ xo tas b'ob'il yu'uj.

Josué 3:15

A 'a jun tiempoal cha, a a Jordán cha, caw wal b'ut'n a', tzlaj pultz'j 'el a 'a sb'e cha, (atn 'a stiempoal spolx 'ixm trigo 'a jun lugar cha.) A yic xc'och eb' 'et'jnac te caxa chi 'a sti 'a, cojn wal xya'n 'ejm eb' yoc 'a yojl a', 'ix 'och wan a'.

Apoc 14:4

A eb' cha, may xon jun 'ejmoc sayjnac eb' yix. May xon 'aj 'ochnc smul eb'. Tza'nn̈ej 'och eb' yuj jun tzcuch Calnelu 'a 'ajtc tz'eq'ui. 'Ix colchj 'el eb' 'a scal eb' 'anma'. Yuj cha, lajn eb' 'icha junc sb'ab'l sat 'awb'en tz'ajx 'a Dios, yet' 'a jun tzcuch Calnelu cha.

Rt 1:22

'Ixtnta x'aj spaxt 'ix Noemí yet' 'ix yalib', atn 'ix Rut 'aj Moab. Spet eb' 'a yol yic Moab, 'ix jaw eb' 'a Belén. A yic wan yel yich spolx 'ixm cebada xjaw eb' ta'.