Lv 22:4 - Chuj San Sebastian Bible

⁴ May cab' junc eb' yin̈tl Aarón 'aych lepra 'a sniwnal, mto tztob' yin̈tl 'a swincal, tzc'uxn tas to wic yaji, palta masnto tzb'ox sc'ojol, 'ixta to b'i'an, tztac' sc'uxni. Toto 'ay mach tzyamn junc tas man̈ wach'oc, yuj junc chamnc 'anma', mto tzyam junc mach tztob' yin̈tl 'a swincal,

Chuj San Mateo Bible

⁴ Malaj pax junoc yin̈tilal vin̈aj Aarón chi' syal svaan tastac to vic yaji tato ay lepra d'ay, ma ay tas tz'el d'a svinaquil, palta ato yic vach'xo yaji icha yalan ley, ichato chi' syal svaani. Tato syam junoc tas to man̈ vach'oc, junoc chamnac, ma junoc vinac tz'el yin̈atil, man̈ vach'oc tz'ajcani.

Lv 22:4 ပူးပေါင်းရင်းမြစ်များ

Lv 11:39

Q'uinloc 'ay mach 'aj tzcham junc no noc', no to tzchix xoni; a mach tzyamn sniwnal no chamnc noc' cha, man̈ wach'c tz'ajcn jun 'anma chi yuj no', masnto yic tzq'uic'b'i.

Lv 15:17

Tzann̈j nipal, mto tz'um 'aj tztob' 'ejm yin̈tl win cha, yowlal tzb'icx 'el yet' a a', palta mant wach'oc masnto yic tzq'uic'b' 'ejmi.

Lv 2:10

Ax jacx jun ofrenda tzcan cha, yic Aarón tz'ajcn yet' eb' yunnal. Caw niwn yel'ch jab'x cha, yujto yitb'eymn̈ej sb'a yet' jun tzo'n̈ ofrenda tz'ajx tz'a 'a wojltac cha.

Lv 2:3

Ax jacx ofrenda tzcan cha, yic Aarón tz'ajcn yet' eb' yunnal. Caw niwn yel'ch jab'x cha, yujto yitb'eymn̈ej sb'a yet' jun ofrenda tz'ajx tz'a 'a wojltac.

Lv 21:1

'Ix yaln Jehová 'a Moisés 'ixtic: Al jun tzo'n̈ tic 'a eb' ya'mal 'och sti eb' 'anma', atn eb' yin̈tl can Aarón, tzal 'a eb', to matz yixtj 'el sb'a eb' 'a sat ley, yic tzc'och eb' 'a stz'ey junc chamnc 'anma 'a yol schon̈ab'.

Lv 21:22

Tztac' sc'uxn eb' jun tzo'n̈ ofrenda cha, yet' smasnil jun tzo'n̈ xo tas to wic yaji,

Hageo 2:13

Yuj cha, xin c'anb'n pax 'ixtc 'a eb': Q'uinloc 'ay junc mach tzyamn sniwnal junc chamnc 'anma', man̈ wach'c tz'ajcn yuj 'icha yaln ley, ax tz'aji tzyamn jun tzo'n̈ xwal tic, ¿tom man̈ wach'c tz'ajcn jun tzo'n̈ cha, mto ma'ay? xin chi 'a eb'. 'Ix ta'w eb' ya'mal 'och sti eb' 'anma cha: Yel toni, man̈ wach'c tz'ajcni, xchi eb'.

Nm 18:19

Smasnil ofrenda tzyac' eb' eyit chon̈b' wico'oc an Jehová in, an tzwac' pax 'ayach, 'a eb' onnal, 'a eb' esil yet' 'a smasnil eb' 'ayc' et'oc. A jun tic ley tz'ajcn 'ayx 'a smasnil tiempo. A jun trato tic, may tz'aj sjelmj 'a jun 'ejmn̈ej, yujto an tzin b'o et'oc yet' pax 'a smasnil en̈til, xchi Dios.

Nm 18:9

Smasnil jun tzo'n̈ 'ixm harina tz'ajx ofrendail 'ayn yuj eb' israel, 'ixm tzyac' eb' yet' no xajmb'al tz'a'i, no tz'a'n lajwc mul, yet' no yic stojl mul, a jun tzo'n̈ xajmb'al tic, caw niwn yel'chi, palta an tzwac' 'aych yet' eb' onnal.

Nm 19:20

Toto 'ay junc 'anma matz sacb'tzej sb'a 'icha yaln ley, a jun 'anma cha, tztac' yijx 'el 'a scal eb' yit chon̈ab', yujto tz'och smul 'a in cajnub' an Jehová in, yujto matz tzicx 'och a a chi 'a 'a, a tzsacb'tzan 'anma', yuj cha, man̈ wach'c tz'ajcni.