Lv 22:23 - Chuj San Sebastian Bible

²³ Toto ton̈j tz'el 'a e c'ojl eya'n junc xajmb'al, tztac' cab' eya'n junc no man̈ lajnocn̈ej yoc, palta toto xajmb'al yic tzeya'n 'el'choc junc e ti', a jun tzo'n̈ noc' cha, man̈ chab'ilc 'ayex.

Chuj San Mateo Bible

²³ A mach ex tz'el d'a e c'ol eyac'an junoc noc' silab' d'ayin, a junoc noc' vacax, ma junoc noc' calnel syal eyac'ani, vach'chom man̈ lajanoc steel yoc noc'. Palta tato a junoc silab' ix eyac' e ti' eyac'ani, max in chalaj noc' icha chi' yaji.

Lv 22:23 ပူးပေါင်းရင်းမြစ်များ

Ex 35:29

Smasnil eb' israel cha, yet' wal smasnil sc'ojl eb' xcolwj eb' 'a jun munljel xyac' Jehová b'o'oc, eb' winac yet' eb' 'ix 'ix, xcolwj eb' smasnil. Yuj cha, c'uxn 'ix yac' eb' yofrenda chi smasnil 'a Jehová.

Lv 21:18

May wal junc eb' 'ay tas palta 'a sniwnal tztac' yoch 'a jun 'opiso tic: atn eb' matz uj yilni, eb' coxo, eb' palta sn̈i', eb' tu schiquin, eb' wecchjnac sc'ab', mto yoc; eb' n̈ojn sb'eyi, eb' tzapn sc'ab', eb' c'ochn yoc, eb' 'ay sac 'a yol sat, eb' 'ay yab'il 'a sniwnal, eb' 'ay q'ue c'on yab'il 'a 'a, yet' eb' pojl sq'ue'en.

Lv 22:22

Man̈ eyac' junc no noc' may yol sat xajmb'al-l 'ayin, no lajwnac, no coxo, no cutin, no 'ay snoc'al, yet' no 'ay c'on yab'il 'a sniwnal. A jun tzo'n̈ noc' cha, matz tac' yajx tz'a no xajmb'al-l 'ayn an Jehová in 'a yib'n̈ yet'l xajmb'al.

Lv 22:24

An̈jtona no noc' 'elnc sq'ue'en, matz tac' eya'n e no xajmb'al-l 'ayin. Man̈ e b'eylb'oc eyi'n 'el sq'uen no 'a sat lum e lum cha.

Malaquías 1:8

¿Tom wach' tze na'a, to an̈j 'ijnocn̈ej eya'n no noc' 'ay spaltail xajmb'al-l 'ayin: atn no matz uj yilni, no wecchjnac yet' no ya'ay? Q'uinloc tzeyij 'at jun tzo'n̈ noc' chi e siylab'oc 'a eb' eyajlil, ax eyilni, toto 'oj tzaljoc eb' schan 'ayex.

Dt 15:21

Palta toto 'ay spaltail no', coxo, mto may yol sat no', mto 'ay tas palta 'a sniwnal no cha, man̈ eyac' no xajmb'al-l 'a Jehová qui Diosalec.

Dt 17:1

A no wacax, no calnelu mto no chiwo 'ay tas palta 'a sniwnal, man̈ eyac' no xajmb'al-l 'a Jehová qui Diosalec. A jun tzo'n̈ noc' cha, yajb'il no yuj Jehová.