Lv 22:19 - Chuj San Sebastian Bible

¹⁹ yowlal a junc no smam tzyac'a. Junc no may spaltail a tzyac'a, sec chab'il 'a 'a. Tztac' ya'n junc no quelm wacax, mto junc quelm calnelu, mto junc no chiwo,

Chuj San Mateo Bible

¹⁹ yovalil a junoc noc' smam malaj jab'oc spaltail tzeyac'a' yic vach' tzin cha jun silab' chi'. A junoc noc' toro, ma junoc noc' ch'ac calnel, ma junoc noc' mam chiva tzeyac'a',

Lv 22:19 ပူးပေါင်းရင်းမြစ်များ

Ex 12:5

A no noc' cha, yowlal cab' jun ab'il xo sq'uinl no', no may spaltail 'a sniwnal, wach'xam chiwo mto calnelu, cojn toto smam no'.

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.

Lv 1:2

Al yab' eb' et israelal, to an tzwal jun tzo'n̈ checnb'il tic: Toto 'ay junc mach tz'i'n cot junc no noc' xajmb'al-l 'ayn an Jehová in, a cab' 'a scal swacax, mto 'a scal scalnelu, mto 'a scal schiwo tzyij 'elt no noc' cha.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 21:18

May wal junc eb' 'ay tas palta 'a sniwnal tztac' yoch 'a jun 'opiso tic: atn eb' matz uj yilni, eb' coxo, eb' palta sn̈i', eb' tu schiquin, eb' wecchjnac sc'ab', mto yoc; eb' n̈ojn sb'eyi, eb' tzapn sc'ab', eb' c'ochn yoc, eb' 'ay sac 'a yol sat, eb' 'ay yab'il 'a sniwnal, eb' 'ay q'ue c'on yab'il 'a 'a, yet' eb' pojl sq'ue'en.

Lv 4:32

Toto calnelu no tzyij cot jun mach tz'a'n jun xajmb'al cha, a junc no nun calnelu may spaltail tzyij coti.

Mt 27:19

Yic wocn to 'ejm win Pilato chi 'a sdespacho, 'ix c'och sti 'ix yistl win 'a 'a, xyal 'ix 'ixtic: Caw may jac tza'ch 'a yib'n̈ win tojl snab'en cha, yujto xin waychej jun chi q'uiq'ui, caw in xiw yuj jun in waych cha, xchi 'ix.

Mt 27:24

Ax 'ix yiln win Pilato cha, to matz yac' ganar win scoln Jesús, ton̈j xwach' q'ue somnjoc eb' 'anma chi yaln yu'uj. Yuj cha, xya'n win 'ijxc cot jab' ya'al, 'ix sb'icn 'el win sc'ab' 'a sat eb' 'anma chi smasnil. 'Ixta xyutj win sch'oxn 'a eb', to man̈ locnoc xon win yet' eb', 'ix yaln pax win 'a eb' 'ixtic: —An tic, may waln wic 'a schaml jun tojl snab'en tic. A jun tze b'o tic, mun eyic e ch'ocoj, xchi win 'a eb'.

Mt 27:4

Yuj cha, xyaln 'ixtc 'a ewinac: —Caw x'och in mul, yujto xwa'ch jun winc chi 'a yol sc'ab' chamel, palta may jac smul, xchi 'a ewinac. Palta xyaln ewin 'ixtic: —An̈ xo tic on̈ jun, ¿tom 'ay caln quic 'a a mul chi 'on̈? Mun 'oj a na', tas tzotj a b'a yuj jun ec cha, xchi ewinac.

Mt 27:54

Ax ewin soldado tztan̈wni cha, yet' win syajlil ewinac, 'ix yab' ewin yec' jun quixcab' cha. 'Ix yiln pax ewin jun tzo'n̈ xo tas 'ix uji, yuj cha, caw xiw ewinac, 'ix yaln ewin 'ixtic: A jun win xcham tic, caw yel yunnal Dios, xchi ewinac.

Lc 23:14

'Ix yaln 'elt win 'a scal eb' 'ixtic: —A win xwul eyac' 'ayn tic, xeyalni to tzsomchj 'el eb' 'anma yu'uj. Palta 'in e sat xin c'anb'n wab' 'a 'a, may jac smul tzcheclj 'icha xeyutj eya'n 'och 'a yib'an̈.

Lc 23:41

An̈ tic, smoj wal tzcab' syal qui chan spac qui mul. Palta a jun tic, may jac tas tu x'el sb'oni, xchi winac.

Lc 23:47

Ax win capitan̈, 'ix yiln tas 'ix uji. 'Ix yaln win wach' paxti 'a Dios 'ixtic: —Wal yel, a jun winc tic, caw tojl snab'en, xchi winac.

Jn 19:4

Xlajw cha, 'ix 'el paxt win Pilato 'aj 'aycn eb' 'aj Judea chi 'a sti'. 'Ix yaln pax 'elt win 'ixtc 'a scal eb': —'Iltec, tic tzin ch'ox 'elt win 'ayex, sec tzeyojquej 'eli, to may jac smul tz'ilchj wu'uj, xchi win 'a eb'.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Ef 5:27

'Ixta on̈ yutjec an̈ yiglesia on̈ec, sec caw wach'n̈ec 'a sat, yic 'oj qui c'ochc 'a yojltac. Yuj cha, a wal ta', man̈x 'a qui tu'al, qui maysch'olnilal. Man̈x 'a junc tas 'aych 'a qui pixnec. An̈j wal 'a 'oj ca'c 'och qui nab'en. Man̈x 'a jac qui paltailec ta'.

Dt 15:21

Palta toto 'ay spaltail no', coxo, mto may yol sat no', mto 'ay tas palta 'a sniwnal no cha, man̈ eyac' no xajmb'al-l 'a Jehová qui Diosalec.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.