Lv 22:13 - Chuj San Sebastian Bible

¹³ Palta toto chamnc xo yichmil 'ix, mto spojjnac sb'a 'ix yet' yichmil cha, may pax yune 'ix yic tzc'ochx can 'ix 'a yatut smam, 'icha xon 'a yic cob'sto 'ix, to 'ixta', tztac' cab' sc'uxn 'ix tas tzc'ux smam cha. Palta ax eb' comn 'anma', matz tac' sc'uxn eb' tas tzc'ux winac.

Chuj San Mateo Bible

¹³ Palta tato chamnacxo vin̈ yetb'eyum ix, mato spucnac sb'a ix yed' vin̈ yetb'eyum chi', malaj pax junoc yune' ix, meltzajnac ix yic scajnajxi ix yed' vin̈ smam chi', ichataxon ayic cob'esto ix, syal svaan svael vin̈ smam ix chi'. Axo pax juntzan̈xo eb' man̈ yin̈tiloc eb' sacerdote, max yal-laj svaan eb'.

Lv 22:13 ပူးပေါင်းရင်းမြစ်များ

Gn 38:11

Xlajw cha, xyaln win Judá 'a 'ix yalb' chi 'ixtic: —A ticnec, wach' tzach paxx can yet' a mam a nun; may junc xo winc tztac' e'ni. At yic 'oj c'och sq'uinl ni wunnal Sela, atta 'oj ec' a b'a yet' na, xchi cob' Judá. Yujto sna Judá lemb'il tzcham pax win Sela, 'icha x'aj eb' yu'tac chi schami. 'Ixta x'aj 'ix Tamar spaxcn 'a yatut smam cha.

Esdras 2:63

Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

Ex 12:43

'Ix yaln Jehová 'a Moisés yet' 'a Aarón 'ixtic: —Tic tzwalcni tas sleyl q'uin̈ yuj snanb'il cot eyel 'a libre tic: May junc eb' chuc chon̈b'al tztac' schin no xajmb'al.

Ex 29:33

'Oj sc'ux eb' jun tzo'n̈ cha, yujto a jun xajmb'al chi tz'a'n lajwc can smul eb' yic tzsi'x can 'el eb', mto yic tzchan can eb' yopiso ya'malc 'och sti eb' 'anma 'ayin. Palta may wal junc comn 'anma tztac' scomn c'uxn jun tzo'n̈ cha, yujto wicn̈ej yaji.

Ez 44:8

Ma'ix eyiclj sleyl tas to wic yaji, palta a 'a yol sc'ab' jun tzo'n̈ chuc chon̈b'al cha, ata xeya'cn eyopiso.

Lv 10:14

A no xepu tzeyac' tz'a'oc, junn̈j tzeyutj eyi'n 'och no yet' no sn̈i sc'ojl tzb'achx 'och 'a yojltac Jehová cha, yet' no xub'. A no sn̈i sc'ojol yet' no xub' cha, eyic yaj no'. Ata tza chi no yet' eb' onnal yet' eb' esl 'a junc lugar to wach' yaji, yujto a jun tzo'n̈ cha, eyic yaj 'a no xajmb'al yic junc'ojlal tzyac' smasnil eb' israel. A chac'aj no chib'j cha, ec yaj no 'a smasnil tiempo yet' eb' onnal, 'icha 'ix yutj Jehová yaln 'ayin, xchi Moisés cha.

Lv 22:10

May wal junc 'anma to may yuj sb'a yet' win ya'mal 'och sti eb' 'anma chi tztac' sc'uxn tas to wic yaji. Eb' ton̈j cajn 'ec' 'a 'a, mto eb' ton̈j 'ayc' munljoc 'a 'a, matz tac' pax sc'uxn eb' tas to wic yaj cha.

Lv 22:12

Toto 'ay junc yisl win ya'mal 'och sti eb' 'anma cha, tzyij sb'a yet' junc win chuc wincal 'a scal eb' ya'mal 'och sti eb' 'anma cha, caw matz tac' sc'uxn 'ix jun tzo'n̈ ofrenda chi tz'ajx 'a eb' ya'mal 'och sti eb' 'anma cha.

Dt 24:2

A yic tox spoj sb'a 'ix yet' win cha, tztac' snupn pax 'ix yet' junc xo winac.

A Ch'an̈ B'ab'el Libro Samuel 21:7

A 'a yic jun c'u cha, 'ayc' jun win schecb' Saúl 'a stz'ey jun scajnub' Jehová cha, edomita winac, tzcuch Doeg, syajlil eb' yilmal scalnelu Saúl yaj winac.