Lv 21:9 - Chuj San Sebastian Bible

⁹ Toto a junc yisl win ya'mal 'och sti eb' 'anma cha, tzyixtj 'el sb'a 'a 'ajmulal, a jun cha, tzyij 'el sq'uixwel smam, yowlal tz'ajx tz'a'oc.

Chuj San Mateo Bible

⁹ Tato ay junoc eb' ix yisil junoc eb' sacerdote chi' tz'och d'a ajmul ixal, syac' q'uixvelal smam ix chi', yovalil sn̈usjitz'a ix.

Lv 21:9 ပူးပေါင်းရင်းမြစ်များ

Gn 38:24

'Oxe xo am 'ujal, x'at alxoc 'ixtc 'a win Judá cha: —A 'ix alb' Tamar, 'ay am junc winc sc'umj 'ix, yuj cha, to yet'x 'ix yune ticnec, xchi eb' 'a winac. —'Ijec 'el 'ix 'a sti 'el chon̈ab', tzlajw cha, tze n̈usntz'a 'ix, xchi winac.

Ex 31:14

A jun c'u cha, niwn cab' yel'ch 'a e sat. A mach matz yiclni jun sc'ul 'iljelal cha, tojln̈ej schami. An̈jtona', toto 'ay mach tzmunlj 'a jun c'u cha, 'ajx cab' 'och 'a yol sc'ab' chamel.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Lv 19:29

Man̈ eyixtc 'el eyisil yic tzeya'n sb'o eb' 'ajmulal 'a yatutal jun tzo'n̈ comn dios. Toto ma'ay, 'oj juwc 'el e chon̈b' yuj jun tzo'n̈ comn dios yet' pax yuj 'ajmulal.

Lv 20:14

A mach tz'i'n junc 'ix 'ix, tzyi'n pax win snun 'ix, a jun cha, caw wal maysch'olnil. Pitznto win yet' eb' 'ix 'ix cha, tz'ajx tz'a eb' 'a scal c'ac' yoxwn̈il, sec man̈x 'aj 'oj b'inaxc jun b'eyb'al chi 'a e cal.

Malaquías 2:3

Eyuj wal ax tic, ax wa'nto yowl in c'ojl 'a eb' eyin̈til. A no noc' tzeyij cot xajmb'alil, 'oj in julch stza no 'a e sat. Junn̈j 'oj eyaj e julx 'el ax tic yet' stza no cha.

Dt 22:21

to 'ixta', tz'ijx 'at 'ix 'a sti 'el yatut smam cha, ax eb' winc smasnil 'a jun chon̈b' cha, a eb' tzjuln cham 'ix yet' q'uen q'ue'en, yujto sb'o 'ix jun niwquil mul 'a scal eb' quit chon̈ab', tzyi'n pax 'el 'ix sq'uixwel smam. 'Ixta wal tz'aj satl jun maysch'olnil 'a e cal.

Tito 1:6

Tic 'oj walb't 'ayach, tas yowlal tzb'eylb'ej eb' tz'och ancianoal cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Ax yunnal eb', yowlal creyente cab' eb' smasnil, man̈ comnoc tzb'o eb' 'unnab'il chi maysch'olnil, man̈ tenmtacc tzyutj sb'a eb', yiclum cab' tzyutj sb'a eb' 'a smam snun cha.

Josué 7:15

A mach tz'ilchj yet' tas 'ayc' 'a cha, atn jun tzo'n̈ xwal to tzsatli, a jun cha, milx cab' chamoc, tzlajw cha, tz'ajx tz'a yet' yunnal yet' pax smasnil tas 'ay 'a 'a, yujto 'ix yij 'och tas maysch'olnil 'a scal yit chon̈ab', ma'ix syiclj strato wet'oc, xchi Jehová, xa chi, xchi Dios.

Josué 7:25

'Ix yaln Josué 'a 'ixtic: —¿Tas wal yuj 'ix 'ej cot jun cusc'ojlal tic 'a quib'n̈ec?. Ax ticnec, a cab' Jehová tza'n cot yailal 'a eb'an̈, xchi. Xlajw yaln jun tzo'n̈ paxti tic, ax smasnil eb' 'anma cha, 'ix syamn 'och eb' sjul q'uenan win Acán yet' eb' yunnal. Xlajw scham eb', 'ix 'ajx tz'a eb' yet' smasnil tas 'ay 'a 'a.

A Ch'an̈ B'ab'el Libro Samuel 2:17

Yuj jun cha, caw wal niwquil jun tzo'n̈ smul eb' yunnal Elí chi tz'och 'a yojltac Jehová, yujto may yel'ch tzyutj eb' no xajmb'al tz'ajx cha.

A Ch'an̈ B'ab'el Libro Samuel 2:34

A jun tic 'oj 'och ch'oxnb'ilal 'ayach, to a chawn̈ eb' onnal, atn win Hofní yet' win Finees, to junn̈j c'u 'aj 'oj cham eb' schawn̈il.