Lv 21:6 - Chuj San Sebastian Bible

⁶ Wach' cab' tzyutj sb'a eb' 'a in sat an sDiosal in eb' tic. Man̈ cab' yac' b'uchxoc eb' in b'i, yujto a eb' tz'a'n tz'a no xajmb'al, tzya'n pax 'och eb' 'ixm pan ofrendail 'a wojltac. Yuj cha, yowlal to wach'n̈j tzyutj sb'a eb'.

Chuj San Mateo Bible

⁶ Palta vach'n̈ejocab' syutej sb'a eb' yujto vicn̈ej yaj eb'. Mocab' chucoc in b'inaj yuj eb', yujto a eb' sn̈usantz'a silab', syac'an ixim pan eb' ofrendail d'ayin, yuj chi' yovalil vach'n̈ejocab' syutej sb'a eb'.

Lv 21:6 ပူးပေါင်းရင်းမြစ်များ

Esdras 8:28

Yajn̈ej xwaln 'a eb' 'ixtic: Ax tic sic'b'ilx 'el yico'oc Jehová, an̈jtona yic pax jun tzo'n̈ yamc'ab' tic: Q'uen plata, q'uen oro, yet' q'uen ofrenda siyx 'a Jehová atn qui Diosalec yet' eb' qui mam quichmec.

Ex 19:22

An̈jtona eb' ya'mal 'och sti eb' 'anma tz'ochl xon 'a in tz'ey an Jehová in, yowlal tzsacb'tzej sb'a eb'; toto ma'ay, xin milt cham eb', xchi.

Ex 28:36

Tza'n b'o pax junx q'uen placa nab'a oro tz'aji. Tza'n 'ajxoc 'och jun tzo'n̈ paxti tic 'a q'ue'en. Yicn̈ej Jehová yaji, xchi jun stz'ib'l cha. 'Icha wal junc seyo, 'ixta wal tz'aji.

Ex 29:44

Tz'ochcn jun Mantiado chi wico'oc yet' jun yet'l xajmb'al cha, yet' pax Aarón. Tzin si'cn 'och wico'oc yet' eb' yunnal, yic tzya'n 'och eb' sti eb' israel 'ayin.

Is 52:11

'Eln̈ecta, 'eln̈ect 'a yol schon̈b' eb' 'aj Babilonia, man̈ eyam tas man̈ wach'c 'ay 'a jun chon̈b' cha. A mach tz'i'nb'ey jun tzo'n̈ yamc'ab' yic Jehová, man̈x eya't e b'a 'a scal maysch'olnil.

Ez 44:7

Man̈x 'a yel'ch xeyutj watut, comn xoj xe chaj 'och eb' chuc chon̈b'al 'a yojol, eb' may yel'ch in trato 'a 'a, may pax yechl in trato 'a sniwnal eb'. 'Ixta xeyutj eyixtn 'el watut cha, wach'xam cob' to xeyac' e xajmb'al chi 'ayin, atn xepual yet' schic'l no noc' cha, palta xjuw 'el in trato chi eyet'oc.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Lv 18:21

An Jehová in, an tzwala. May cab' mach tzyac' yunnal xajmb'al-l 'a jun comn dios tzcuch Moloc. Toto tzyac' yunnal chi xamb'alil, tz'och smul 'ayin.

Lv 19:12

An Jehová in an tzwala. Man̈ e loc in b'i 'a scal 'es paxti tzeyala. Toto 'ixta tzeyutej, man̈x 'a wel'ch 'a e sat.

Lv 20:3

'Ay yowl in c'ojl 'a yib'n̈ junc 'anma 'ixta tzb'o'o, yuj cha, 'oj in satl 'a scal eb' yit chon̈ab', yujto tzyixtj 'el in cajnub'. Tzin spatquiln can pax 'eli, yujto tzyac' yunnal chi xajmb'al-l 'a Moloc.

Lv 21:17

Al jun tic 'a Aarón: Ticnec yet' 'a yic b'aq'uin̈, may wal junc eb' yin̈tl 'ay tas palta 'a sniwnal 'oj stac' ya'n 'och 'ixm pan 'a wojltac, 'ixm tz'ajx ofrendail 'ayin.

Lv 21:21

May wal junc eb' tic 'oj stac' ya'n 'och no xajmb'al tz'a 'a wojltac an Jehová in. Toto palta sniwnal cha, matz tac' ya'n 'och 'ixm pan ofrendail 'a wojltac.

Lv 21:23

palta matz tac' yochl eb' 'a 'aj 'ay te cortina, mto 'a stz'ey yet'l xajmb'al, sec wach' man̈ comnoc xoj tzyutj eb' in cajnub', yujto an Jehová in, an 'ay wic jun tzo'n̈ cha, xchi Dios, xa chi 'a Aarón cha, xchi Dios 'a Moisés cha.

Lv 21:8

'Ay cab' sjelpal eb' 'a e sat, yujto a eb' tz'a'n 'och 'ixm pan ofrendail 'a wojltac. Yuj cha, chuc cab' yel eb' 'a e sat, yujto an Jehová in tic, caw wach'nn̈ej, an xin si'cn 'el eb' sec caw wach' tz'ajcn eb'.

Lv 3:11

Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.

Nm 16:5

'Ix yaln 'ixtc 'a Coré yet' 'a smasnil eb' ajun yet' cha: —Q'ui'nto 'a yic sq'uin̈b'ial, 'oj sch'ox Jehová mach wal eb' yic cha, mach eb' to yel sic'b'il 'el yu'uj, eb' 'ay yaln yic yoch 'a yojltac yet' jun tzo'n̈ xajmb'al. A mach 'oj sch'ox 'a qui calec, atn jun chi 'oj 'a'noc 'och jun tzo'n̈ xajmb'al chi 'a yojltac.

Nm 28:2

Al jun tic 'a eb' et israelal to matz yactj eb' ya'n yofrenda 'ayin. Checl stiempoal 'aj wach' ya'n eb' 'ixm pan yet' jun tzo'n̈ xajmb'al to tz'a'i. A jun tzo'n̈ cha, to wach' sjab' tzwab'i.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.