Lv 20:26 - Chuj San Sebastian Bible

²⁶ Ax tic, wach' cab' tzeyutj e b'a 'ayin, yujto an Jehová in tic, caw wach'nn̈ej. An ex in pojcn 'elt 'a scal jun tzo'n̈ xo chon̈ab', sec tzex 'och wico'oc.

Chuj San Mateo Bible

²⁶ Palta yovalil vach' tzeyutej e b'a d'a vichan̈, yujto vach' inn̈ej a in tic. A in Jehová in tic ix ex in siq'ueli, to ch'oc eyel d'a yichan̈ juntzan̈xo chon̈ab', yic vach' in chon̈ab' tzex aji.

Lv 20:26 ပူးပေါင်းရင်းမြစ်များ

Nehemías 10:29

'Ix syam sb'a eb' yet' eb' syajlil eb' to yicanto sb'a yet'oc. 'Ix yac' eb' sti', to 'oj sb'eylb'oc eb' sley Dios alb'il can yuj Moisés, win schecb' Dios, ax syiclni pax eb' smasnil schecnb'il, scuynb'il Jehová Dios, ax eb' ma'oj yiclnoc jun trato cha, 'oj jawc catb' 'a yib'n̈ eb'.

Salmos 99:5

Ex wit chon̈ab', ¡Calc wach' paxti 'a Jehová qui Diosalec, qui'c chan̈ sb'i! 'Em coyc cumn 'a yojltac, yujto Dios Cojxn̈ej Toni.

Salmos 99:9

Ex wit chon̈ab', ¡Calc wach' paxti 'a Jehová qui Diosalec! 'Em coyc cumn 'a yojltac 'a lum tzaln yic yaji, yujto a qui Diosalec, Dios Cojxn̈ej Toni.

Ex 33:16

Q'uinloc matz ach 'at quet' ticnec on̈, ¿tas wal 'oj 'aj scheclj 'eli, to tzach tzalj wet'oc, yet' 'a eb' a chon̈b' tic? Toto tzach 'at quet' on̈, 'ixtnta 'oj 'aj scheclj 'eli, to sic'b'iln 'el yet' eb' a chon̈b' tic oj 'a scal eb' chon̈b' 'a sat lum tic, xchi Moisés.

Is 30:11

'Eln̈ec 'a yol qui b'e 'on̈. A jun Dios To Cojxni, atn qui Diosal an̈ israel on̈, caw man̈ eyal cot 'ayon̈, xchi eb'.

Is 6:3

Xlaj yal-lanc eb' 'a junjn 'ixtic: A Jehová tzta'n̈j yuj smasnil, Dios caw Cojxni, checl stzictznil 'a smasnil yolyib'n̈q'uinal, xchi eb'.

Lv 11:44

An tic Jehová e Diosal in, yuj cha, 'ijec 'el e b'a 'a jun tzo'n̈ tas man̈ wach'c cha. Yowlal wach'n̈j tzeyutj e b'a, yujto an tic, caw wach'nn̈ej. Yuj cha, caw matz tac' eyixtn 'el e b'a yuj jun tzo'n̈ no noc' cha.

Lv 19:2

Al 'a eb' et israelal, to an tzwal jun tzo'n̈ checnb'il tic 'a eb': Wach' tzeyutj e b'a, yujto an Jehová in tic, caw wach'nn̈ej.

Lv 20:24

An wal wa'jnac can in ti', to 'oj wac' slum eb' chi eyico'oc. An 'oj ex wi'ch 'a sat lu'um, atn lum caw 'ay syaxil sat. An Jehová e Diosal in tic, an ex in poj 'elt 'a scal jun tzo'n̈ xo chon̈ab'.

Lv 20:7

Jun 'ejmn̈ej tzeya'ch e b'a 'a yol in c'ab', wach'n̈j tzeyutj e b'a, yujto an Jehová in, e Diosal in.

Lv 20:8

A wal in ley tze b'eylb'ej, tzeyiclni paxi, yujto an Jehová in tic, an tzex wij 'och wico'oc.

Dt 14:2

Yujto an̈ec tic, schon̈b' on̈c Jehová Dios. A 'on̈ si'n 'elt 'a scal jun tzo'n̈ xo chon̈b' 'ay 'a sat lum tic, sec tzon̈ 'ochcn schon̈b'oc.

Dt 7:6

Yujto an̈ec tic, sic'b'iln̈ec 'eli, yuj cochc schon̈b'oc Jehová qui Diosalec. Sic'b'iln̈ec 'elt 'a scal jun tzo'n̈ xo chon̈b' 'ay 'a sat lum lum tic, sec to yicn̈ej tzon̈ 'ajec.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Josué 24:19

Yuj cha, xyaln Josué 'a eb' chon̈b' chi 'ixtic: —Ax tic, ma'oj stac' eya'n servil Jehová, yujto caw matz techj yu'uj yic tzyiln 'och tas man̈ wach'oc. Caw wal ow toto tzex 'och 'emmquilal 'a jun tzo'n̈ comn dios, matz yac' niwnc'ojlal jun tzo'n̈ mul cha.

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic:

Apoc 4:8

A chan̈wn̈ eb' cha, waque sc'axl junjn eb'. Ax sniwnal eb', nab'a yol sat sb'a. Sc'ual yac'wlil yaln eb' 'ixtic: A Cajlilec, atn qui Diosalec, caw Cojxni, smasnil tas tzta'n̈j yu'uj. 'Ayc'n̈ej tax 'a yic pecti', 'ayc' ticnec, atn jun 'oj jawoc, xchi eb'.