Lv 20:14 - Chuj San Sebastian Bible

¹⁴ A mach tz'i'n junc 'ix 'ix, tzyi'n pax win snun 'ix, a jun cha, caw wal maysch'olnil. Pitznto win yet' eb' 'ix 'ix cha, tz'ajx tz'a eb' 'a scal c'ac' yoxwn̈il, sec man̈x 'aj 'oj b'inaxc jun b'eyb'al chi 'a e cal.

Chuj San Mateo Bible

¹⁴ Tato ay junoc vin̈ vinac tz'ic'an junoc ix ix, syic'anpaxq'ue snun ix ix chi' vin̈, te chuc tas sc'ulej eb' chi', yuj chi' a jun vin̈ vinac chi' yed' chavan̈ eb' ix ix chi', sn̈usjitz'a eb'. Yuj chi' man̈xa b'aj ol b'inaj jun b'eyb'al chi' d'a e cal.

Lv 20:14 ပူးပေါင်းရင်းမြစ်များ

Lv 18:17

A junc 'ix 'ix 'ay junc yune' mto yixchicn to wach'xo, toto 'ay mach 'a e cal tz'i'n 'ix yistziloc, matz tac' sb'on win 'ajmulal yet' 'ix schab'l 'isl cha, mto 'ix yixchicn 'ix yistzil win cha. A jun cha caw q'uixwel, yujto junn̈jto eb' 'ix.

Lv 21:9

Toto a junc yisl win ya'mal 'och sti eb' 'anma cha, tzyixtj 'el sb'a 'a 'ajmulal, a jun cha, tzyij 'el sq'uixwel smam, yowlal tz'ajx tz'a'oc.

Am 2:7

Caw tz'ixtx eb' meb'a yuj eb', man̈ wach'c tzyutj eb' sb'on yaj eb' tz'ixtx cha. Q'uixweltac in b'inax yuj eb', yujto a win mamb'il, yet' win 'unnab'il, junn̈j 'ix 'ix tzmuln ewin yet'oc.

Dt 27:23

Catb'tzaxc cab' eb' tzmuln yet' sn̈i', mto yet' yalib', xchi eb' levita. 'Ixta cab' tz'aji, 'oj xchic eb' chon̈ab'.

Josué 7:15

A mach tz'ilchj yet' tas 'ayc' 'a cha, atn jun tzo'n̈ xwal to tzsatli, a jun cha, milx cab' chamoc, tzlajw cha, tz'ajx tz'a yet' yunnal yet' pax smasnil tas 'ay 'a 'a, yujto 'ix yij 'och tas maysch'olnil 'a scal yit chon̈ab', ma'ix syiclj strato wet'oc, xchi Jehová, xa chi, xchi Dios.

Josué 7:25

'Ix yaln Josué 'a 'ixtic: —¿Tas wal yuj 'ix 'ej cot jun cusc'ojlal tic 'a quib'n̈ec?. Ax ticnec, a cab' Jehová tza'n cot yailal 'a eb'an̈, xchi. Xlajw yaln jun tzo'n̈ paxti tic, ax smasnil eb' 'anma cha, 'ix syamn 'och eb' sjul q'uenan win Acán yet' eb' yunnal. Xlajw scham eb', 'ix 'ajx tz'a eb' yet' smasnil tas 'ay 'a 'a.