Lv 2:14 - Chuj San Sebastian Bible

¹⁴ Toto tz'ajx junc ofrenda 'ayn an Jehová in yuj b'ab'l sat 'awb'en, yowlal a jaye'oc 'ixm jolm trigo caw 'ec'um, a tz'ajx c'anb'oc 'a scal c'ac', yaxto wali tzb'uchx 'eli.

Chuj San Mateo Bible

¹⁴ Tato tzeyac' junoc ofrenda d'a Jehová d'a sb'ab'el sat eyavb'en, yovalil a jayeoc jolom trigo sc'anb'i d'a scal c'ac', yaxto val svuchchajeli.

Lv 2:14 ပူးပေါင်းရင်းမြစ်များ

Gn 4:3

'Ix b'ey tiempo, 'ay jun c'ual, 'ix yij 'at Caín xajmb'al 'a Jehová, atn tas tzyij 'a smunljel.

A Ch'an̈ Schab'il Libro Yic Yab'ixal Eb' Rey 4:42

Xlajw cha, 'ix c'och jun win 'aj Baal-salisá 'a Eliseo, yet' win junc'l pan cebada 'a 'ixm b'ab'l sat cebada cha, yet' 'ixm sjolm trigo to 'unn to sat. 'Ix yaln Eliseo 'a win schecb' chi 'ixtic: —'Ac' wa eb' 'anma tic, xchi 'a winac.

Lv 2:15

A 'a yib'n̈ jun ofrenda cha, yowlal tz'em aceite yet' incienso, yujto ofrenda yic 'ixm trigo.

Lv 2:16

Ax junc eb' ya'mal 'och sti eb' 'anma', a tz'a'n tz'a jac 'ixm sat trigo cha, calb'il cab' yet' aceite yet' pax incienso, sec a tz'a'n naxc cot smasnil ofrenda chi tz'ajx 'ayin, xchi Dios.

Lv 22:29

A yic tzeya'n e xajmb'al yic alj yuj diosal 'ayn an Jehová in, tzeyac' 'ayn 'icha wal yaln ley, sec chab'il no wuj 'ayex.

Lv 23:10

Al jun tzo'n̈ tic 'a eb' et israelal: A yic tox ex c'och 'a sat lum lum tzwac' eyico'oc, a yic 'oj e polnc e cebada, a jun yuchn̈ 'ixm tze b'ab'l polj cha, tzeyij can 'eli. Ax yic yewial xo yec' sc'ul 'iljelal, tzeyi'n cot 'a win ya'mal 'och sti eb' 'anma', ax win tz'a'n 'och 'ixm ofrendail 'a wojltac, sec wach' chab'il wuj 'ayex.

Lv 23:13

Tzeya'n pax b'aln̈e'oc libra 'ixm harina caw wach' yet' no', caln tz'aj yet' aceite, sec ax yic tz'ajx tz'a 'a wojltac, su'q'ui cab' yec' sjab'. Tzeya'n junc litro yal uva ofrendail yet' jun tzo'n̈ cha, sec a tzsecx q'ue 'a yib'an̈.

Lv 23:20

Ax win ya'mal 'och sti eb' 'anma', a win tz'a'n 'och no calnelu, yet' 'ixm pan xajmb'al-l 'a wojltac, atn tas to wic yaji. Tzlajw cha, tzcancn 'a win ya'mal 'och sti eb' 'anma cha.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Nm 28:2

Al jun tic 'a eb' et israelal to matz yactj eb' ya'n yofrenda 'ayin. Checl stiempoal 'aj wach' ya'n eb' 'ixm pan yet' jun tzo'n̈ xajmb'al to tz'a'i. A jun tzo'n̈ cha, to wach' sjab' tzwab'i.

1 Co 15:20

Palta wal yel, pitzwnac Cristo 'a scal eb' chamnac. 'Icha junc b'ab'l 'ajn tz'el-li, 'ixta b'ab'l pitzwnac 'ayn̈ec, sec tzch'oxo, to 'oj qui pitzwec pax jun xo.

Dt 26:2

ax sb'ab'l sat eyawb'en, tzeyac' 'ejm 'a yol junc xu'uc, tzeyi'n 'at 'a jun lugar sic'b'il 'el yuj Jehová qui Diosalec, 'a 'aj tzex 'och 'emmquilal 'a 'a.

Apoc 14:4

A eb' cha, may xon jun 'ejmoc sayjnac eb' yix. May xon 'aj 'ochnc smul eb'. Tza'nn̈ej 'och eb' yuj jun tzcuch Calnelu 'a 'ajtc tz'eq'ui. 'Ix colchj 'el eb' 'a scal eb' 'anma'. Yuj cha, lajn eb' 'icha junc sb'ab'l sat 'awb'en tz'ajx 'a Dios, yet' 'a jun tzcuch Calnelu cha.