Lv 19:15 - Chuj San Sebastian Bible

¹⁵ Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Chuj San Mateo Bible

¹⁵ Man̈ e b'o tas man̈ tojoloc ayic tze b'oan yaj junoc lolonel. Man̈ eyac'och e b'a yed' eb' meb'a', man̈ eyac'paxoch e b'a yed' eb' nivac yelc'ochi. Te tojoln̈ej tzeyutej e b'oanel tas yaj eb'.

Lv 19:15 ပူးပေါင်းရင်းမြစ်များ

Job 13:8

¿Tom 'oj stac' eya'n e b'a yuj Dios, yic tzcob' eya'lnoc e colni?

Job 32:21

An tic man̈ chucchcoc yel 'anma 'a in sat; palta lajnn̈ej yel'ch eb' smasnil 'ayin.

Job 34:19

A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.

Salmos 82:2

Xyaln 'ixtc 'a eb': ¿B'a'n̈ to wal tzeyactj e coln eb' 'anma maysch'olnil tas tzb'o'o? 'In ata tzeya'ch e b'a yet' eb' maysch'olnil cha.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Pr 18:5

Man̈ wach'oc toto a eb' 'ay smul, a eb' tz'ajx niwnc'ojlal yuj eb' juez, ax eb' may smul, matz chax 'ab'xc tas tzyal eb'.

Pr 24:23

An̈jtona pax jun tzo'n̈ xo tic, a eb' 'ay snab'en 'ix aln cani: Caw man̈ wach'oc toto chucchc yilx eb' 'anma 'a sat win yajal yic tzb'onyaj win eb'.

Pr 31:9

'Ac' ep a b'onyaj eb' 'a stojlal; col eb' meb'a', yet' eb' 'emmquilal yeq'ui, xchi 'ix 'a winac.

Lv 19:35

Man̈ eyixtc eb' 'anma yet' eyechtab' tze c'anlb'ej, atn ch'an̈ lu'um, libra yet' 'almu.

Jn 7:24

Ax tic, man̈ e comn b'eyc'ojloc junc mach 'a 'ichn̈j ta'. Toto 'ay mach tze b'eyc'ojlej, caw wach'n̈j tzeyutj e b'eyc'ojlani, xchi Jesús 'a eb'.

A Tas Sc'ulejnac Eb' Schecab' Jesús Hechos 23:3

Ax yic xlajw sma'xi, xyaln Pablo 'a win Ananías chi 'ixtic: —¡A Dios 'oj a ma'n jun xo, yujto chab'sat ach! Wocn ach 'ejm in a b'eyc'ojloc, 'icha tzyal ley yic Moisés. 'In tzin ac' ma'xoc, palta may sleyl tza b'o 'ixta', xchi 'a winac.

Dt 1:17

A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.

Dt 10:17

yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a.

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Dt 27:19

Catb'tzaxc cab' eb' tzb'on junc tas man̈ tojloc 'a eb' chuc chon̈b'al, mto 'a junc 'ix chamnc yichmil, mto pax 'a junc meb'a 'unn chamnc xo smam, xchi eb' levita. 'Ixta cab' tz'aji, 'oj xchic eb' chon̈ab'.