Lv 19:11 - Chuj San Sebastian Bible

¹¹ Man̈ ex 'elc'woc, man̈ eyac' 'es, man̈ eyixtc paxti e b'a junjn ex.

Chuj San Mateo Bible

¹¹ Man̈ ex elc'anoc, man̈ eyal esal lolonel, man̈ eyac' musansatil eb' eyetanimail.

Lv 19:11 ပူးပေါင်းရင်းမြစ်များ

A Ch'an̈ Schab'l Libro Samuel 17:20

Yajn̈j wal cha, 'ix c'och ewin schecb' Absalón cha, sc'anb'n ewin 'a 'ix 'ix chi 'ixtic: —¿'Ajtil xc'och win Jonatán yet' win Ahimaas xe yila? xchi eb'. —At wal yec' ewin 'a tic, wan am sc'och ewin 'a sti a cha, xchi 'ix 'a ewinac. 'Ix 'at ewin sayc' cob' ewinac, palta ma'ix 'ilchj ewin yuj ewinac, xlajw cha, 'ix meltzj pax ewin 'a Jerusalén.

A Ch'an̈ B'ab'el Libro Yic Yab'ixal Eb' Rey 13:18

'Ix yaln pax jun 'ichm winc chi 'ixtc 'a winac, yic tzya'n 'es: —An̈jtona 'in, schecb' in Dios 'icha ach tic. A jun yángel Jehová 'ix aln 'ayn 'ixtic: 'At 'ij meltzjoc winac. Wa cab' win 'a atut, yu' cab' win a a 'a atut cha, xchi 'ayin, xchi winac.

Salmos 101:7

A eb' 'ixtm 'anma', ma'oj wa' yopiso eb' wet' 'a in despacho. Eb' 'a'm 'es, may wal junc eb' 'oj 'och in checb'oc.

Salmos 116:11

Yuj cha, 'a sji'lti'al xwalni to smasnil 'anma', 'a'm 'es eb'.

Ex 20:15

Man̈ ex 'elc'woc.

Ex 20:16

Man̈ eya'ch 'es 'a yib'n̈ eyit 'anma'il.

Ex 20:17

Man̈ e nib'c 'och yatut junc eyit 'anma'il, man̈ e nib'c 'och yistzil junc win winac, mto yichmil junc 'ix 'ix. Man̈ e nib'c 'och ewin smoso, eb' 'ix ya'mal servil, swacax, sb'uru, mto junc xo tas 'ay 'a 'a, xchi Dios.

Ex 22:1

Q'uinloc 'ay mach tz'elc'n junc wacax, mto junc calnelu yic tzmilni mto tzchon̈li, palta toto tz'ilchj yuj yelc'mal cha, toto 'ixta', 'own̈ xo tzyutj sjeln no wacx cha, toto calnelu, chan̈wn̈ xo tzyutj sjelni.

Ex 22:7

Q'uinloc 'ay mach tzyac' molxoc stumn yuj junc xo mach, palta ax tz'aji tz'el'x 'elt q'uen 'a yol yatut jun moljnac cha. Toto tz'ilchj jun 'elc'm cha, yowlal cha'ejm tzyutj sjeln jun tumn cha.

Ex 23:1

Man̈ eya'ch e b'a eyaln speclal eyit 'anma'il, man̈ eya'ch e b'a yet' junc mach tu snab'en, yic tzeya'n 'och e b'a testigoal 'a tas man̈ yeloc.

Pr 24:28

Man̈ eya'ch e b'a 'a junc paxti tz'ajx 'och 'a yib'n̈ eb' quit 'anma'il, man̈ eyal junc paxti man̈ yelc 'a spatc eb'.

Jeremías 6:13

Smasnil eb' niwc yel'chi, yet' eb' may yel'chi, cojxn̈ej tas tzyac' ganar eb' 'a maysch'olnil, axn̈ej chi tzna eb'. An̈jtona eb' in checab', yet' eb' ya'mal 'och sti eb' 'anma 'ayin, cojxn̈ej 'elc'l tzb'o eb' smasnil.

Lv 19:10

An Jehová e Diosal in, an tzwala. Man̈ e mitz'c sat te uva 'awb'il eyu'uj, man̈ e si'chan̈ te sat chi tzlaj 'em 'a yich. 'Actjec can yico'oc eb' meb'a', yet' eb' chuc chon̈b'al.

Ro 3:4

Caw wal tz'el'chi. Wach'xam junjn mach tzyac' 'es, ax Dios caw yel tzyac' 'el'choc jantcn̈ej tas tzyala. A 'a Ch'an̈ U'un̈, ata tzyal 'ixtic: Mamin, a yic tzach b'eyc'ojlwi, tzcheclj 'eli to caw yel tojl ach, matz tac' yalx tu paxti 'aych yuj jun a b'eyc'ojlal cha, xchi.

Ef 4:25

Yuj cha, man̈x laj eya'lac 'es. Junjn ex, an̈j wal junc caw yel tzlaj eyal-la'oc, yujto qui masnil, 'icha to junn̈j 'anmal xoj cajec.

Ef 4:28

Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.

Dt 5:19

Man̈ ex 'elc'woc.

A Scarta San Pablo D'a Eb' Aj Colosas 3:9

Man̈ eyac' 'es 'a junc xo mach. Man̈ e b'o jun tzo'n̈ xwal tic, yujto a wal qui nab'enec 'a yic yalan̈, yet' qui b'eyb'alec, tox xcactjec cani.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.