Lv 19:10 - Chuj San Sebastian Bible

¹⁰ An Jehová e Diosal in, an tzwala. Man̈ e mitz'c sat te uva 'awb'il eyu'uj, man̈ e si'chan̈ te sat chi tzlaj 'em 'a yich. 'Actjec can yico'oc eb' meb'a', yet' eb' chuc chon̈b'al.

Chuj San Mateo Bible

¹⁰ Ayic tze molan sat te' uva, man̈ ex meltzaj e say eyil d'a schaelal, man̈ e sic'q'ue sat sc'ajb'anemi. A juntzan̈ chi' canocab'i, yicxo eb' meb'a' yed' eb' ch'oc chon̈ab'il yaji. A in ton Jehová e Diosal in svala'.

Lv 19:10 ပူးပေါင်းရင်းမြစ်များ

Is 17:6

Jaywn̈xoj eb' 'oj can 'a schon̈b' cha, 'icha pax tzyac' junc te 'awb'en olivo tz'ijx 'emt sat, t'un̈ctac xoj tz'ajcn chab' 'oxe'oc sat chi 'a sn̈i 'el sc'ab', mto cojxn chan̈ o'e'oc sat chi tzcan 'a jun te chi smasnil, 'ixta 'oj 'aj eb', xchi Jehová, atn sDiosal chon̈b' Israel.

Is 24:13

'Ixtan̈ej 'oj 'aj 'a smasnil nacion̈ 'ay 'a sat lum lum tic; jaywn̈xoj 'anma 'oj canoc. 'Icha wal xoj tz'ajcn junjnoc sat te olivo mto sat te uva yic tox 'ix 'ec' ch'inxoc sat te 'a scha'ejmal, 'ixta 'oj 'ajcn eb' 'anma cha.

Jeremías 49:9

A 'a yic tzch'inx sat te uva, 'ay 'aj tzcan junjn xo c'ojlab' sat te'. A yic tzc'och eb' 'elc'm 'a 'ac'wal, cojn tas 'ay tz'och yuj eb', cojn tzyij eb'.

Lv 11:44

An tic Jehová e Diosal in, yuj cha, 'ijec 'el e b'a 'a jun tzo'n̈ tas man̈ wach'c cha. Yowlal wach'n̈j tzeyutj e b'a, yujto an tic, caw wach'nn̈ej. Yuj cha, caw matz tac' eyixtn 'el e b'a yuj jun tzo'n̈ no noc' cha.

Lv 19:11

Man̈ ex 'elc'woc, man̈ eyac' 'es, man̈ eyixtc paxti e b'a junjn ex.

Lv 19:25

Ax pax 'a yol ab'il, eyic xo yaj te sat cha, tztac' e lon sat smasnil te 'awb'ente cha. Toto 'oj eyiclc jun tic, yel xo wal 'oj yac' te sat. An Jehová e Diosal in, an tzwala.

Lv 19:9

A yic tze molnchan̈ sat smasnil tas tzeyawej, man̈ si'snioc tzeyutj e si'nchan̈ sat eyawb'en chi tz'elcn 'a sat lu'um. Man̈ e mitz'c sjolm e trigo tzlaj can eyu'uj.

Lv 23:22

A yic tzc'och stiempoal e poln e cebada mto e trigo, man̈ e pol 'ixm 'ayc' 'a stitac, man̈ e sic' pax 'ixm schon tzlaj can eyu'uj. A jun tzo'n̈ cha, tzeya'cn yico'oc eb' meb'a', yet' eb' chuc chon̈b'al 'ayc' 'a e cal. An Jehová e Diosal in, an tzwala, xchi Dios.

Lv 25:6

A tas mun tz'el-l 'a sat lum lum cha, yic 'aycn lum 'iljoc, colb'il 'oj e c'ux yet' eb' e checab', eb' 'ix e ya'mal servil, eb' e munljum, eb' chuc chon̈b'al cajn 'a e cal,

Abdías 1:5

Toto 'ac'wl tzjaw eb' 'elc'um, matz yij eb' smasnil tas. Toto tz'ec' eb' ch'inm sat 'awb'ente', 'ayt 'aj tzcan junjn xo yuj eb'. A eb' 'ajc'ojl yajch 'ayex, man̈x 'a junc ex 'oj e can yuj eb'.

Miqueas 7:1

Yuj cha, xwaln 'ixtic: ¡'Oltacn wali! lajn in xoj 'icha eb' tz'ec' sayj sat uva yet' sat higo 'a yic man̈x stiempoaloc. Palta man̈x 'a sat te xcani, man̈x 'a te sb'ab'l sat caw nib'b'il sloxi.

Dt 24:19

A yic tzex polw trigo, yic tze si'n syam sb'a 'ixim, toto tzcan jun yuchc 'ixm 'a scal yoc eyu'uj, man̈ ex meltzjoc 'a e patc e sayx 'ixim. Can cab' 'ixim, sec a eb' chuc chon̈b'al 'ayc' 'a e cal, mto eb' meb'a 'unn chamnc smam, mto eb' 'ix 'ix chamnc yichmil, a eb' 'oj 'ec' si'nc 'ixim, sec 'oj yac' Jehová qui Diosalec syaxil 'a yib'n̈ smasnil tas tze b'o'o.

Dt 24:20

A yic tze ch'inn sat te olivo, man̈ ex meltzjoc e mitz'c te sat chi 'a sc'ab'. A te tzcan eyuj cha, can cab' te yico'oc eb' chuc chon̈b'al, yico'oc eb' meb'a 'unn chamnc smam yet' yuj eb' 'ix 'ix chamnc yichmil.

Dt 24:21

A yic tze ch'inn sat te uva 'awb'il eyu'uj, man̈ ex meltzjoc 'a e patc e mitz'c te sat cha. A te tzcan eyuj cha, can cab' te yico'oc eb' chuc chon̈b'al, yico'oc eb' meb'a 'unn chamnc smam, yet' yuj eb' 'ix 'ix chamnc yichmil.

Jueces 8:2

'Ix ta'w 'a eb' 'ixtic: —¿Tom tze na'a to niwn yel'ch tas xqui b'o 'a yib'n̈ eyic on̈? A tas xe b'o 'a slajb' xo tic, yelxo niwn yel'ch 'a yib'n̈ tas xqui b'o 'a b'ab'l on̈.

Rt 2:2

Ax 'ix Rut cha, 'ix yal 'ix 'a 'ix Noemí 'ixtic: —Tzin tew 'ayach, to tzac' in permiso tzin 'at 'a 'aj wan yoch polj cebada, toq'ue 'ay junc polm cebada tzchaj sc'ojl in si'n chac sjolm quic 'a spatctaquil, xchi 'ix. —'Ixc 'an, xchi 'ix Noemí cha.