Lv 18:24 - Chuj San Sebastian Bible

²⁴ Man̈ eyixtc 'el e b'a yet' jun tzo'n̈ tic, yujto a yet' jun tzo'n̈ tic, xyixtj 'el sb'a jun tzo'n̈ nacion̈ 'oj in satl 'a eyojltac.

Chuj San Mateo Bible

²⁴ Malajocab' mach syixtejb'at sb'a yed' juntzan̈ tic, yujto a d'a smasanil juntzan̈ tic, syixtejb'at sb'a juntzan̈ anima ol viq'uel d'a eyichan̈ tic.

Lv 18:24 ပူးပေါင်းရင်းမြစ်များ

Gn 15:16

Chan̈ macn̈ xo 'in̈tal tox x'eq'ui, 'ixta to b'i'an ax smeltzj pax eb' jun 'ejm xo 'a tic, yujto mantzac tz'acw smul eb' amorreo tic, xchi Dios.

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

2 Cr 33:2

Palta caw maysch'olnil x'el sb'on 'a sat Jehová, yujto 'ix sb'eylb'ej stu b'eyb'alil jun tzo'n̈ nacion̈ yijnac 'el Jehová yic mantzac c'och eb' israel 'a lu'um.

Esdras 9:1

'Ix ec' jun tiempoal, ax eb' yajl yaj wuj 'a scal eb' chon̈b' cha, 'ix jaw eb' 'ayin, xyaln eb' 'ixtic: A eb' quit israelal, yet' eb' ya'mal 'och qui ti 'a Dios, yet' pax jun tzo'n̈ xo eb' levita, matz pojl sb'a eb' 'a scal eb' chuc chon̈b'al cajn 'a jun nacion̈ tic, 'in to tzb'eylb'ej eb' stu b'eyb'al eb' cananeo, eb' hitita, eb' ferezeo, eb' jebuseo, eb' amonita, eb' moabita, eb' egipcio yet' eb' amorreo.

Salmos 106:39

'Ixta xyutj eb' sjun 'el sb'a, 'ix laj 'och eb' 'ajmulal yuj tas xlaj sb'o cha.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Ez 36:17

Ach 'anma', a yic 'ayt 'ec' eb' e mam eyichm 'a slu'um, caw wal xyixtj 'el slum chi yuj stu b'eyb'al. A jun sb'eyb'al eb' cha, caw wal yajb'il 'el wu'uj.

Lv 18:3

Man̈ e b'eylb'oc sb'eyb'al eb' 'aj Egipto, atn jun nacion̈ 'aj 'e'nc ex cajan. Man̈ e b'eylb'oc pax sb'eyb'al eb' 'aj Canaán, atn 'aj wan ex wi'n 'ati.

Lv 18:30

Yuj cha, b'eylb'ejc in checnb'il, man̈ e b'eylb'oc jun tzo'n̈ b'eyb'al to yajb'entac, yujto a jun tzo'n̈ tic sb'eylb'ej eb' 'anma b'ab'l cajjnac lum lum chi 'ayex, man̈ eyixtc 'el e b'a yu'uj. An Jehová e Diosal in, an tzwala, xchi Dios.

Nm 35:34

Yuj cha, man̈ eyixtc 'el sat lum lum 'aj 'oj e c'och cajn cha, yujto an Jehová in tic, 'oj waj cajn pax eyet' 'a lum lum cha, xchi Dios.

1 Co 3:17

Toto 'ay mach tz'a'n juwc 'el yatut Dios cha, ax Dios 'oj satnc 'el jun cha. Yujto a yatut Dios, caw yicn̈ej yaji. A yatut tzwal tic, ax ton tic.

Dt 12:31

Man̈ 'ichaoc tzyutj sb'a eb' cha, man̈ 'ixta'oc tzeyutj e b'a 'a Jehová, yujto a jun tzo'n̈ cha, yajb'il 'el eb' yuj Jehová Dios. A jun tzo'n̈ yajb'il 'el yuj cha, atn sb'eylb'ej eb' 'anma cha, yic tzyi'n 'ejm sb'a eb' 'a sdiosal. 'Ay wal eb' yel may snab'en, xyac' eb' tz'a yunnal yet' yisl xajmb'al-l 'a sdiosal cha.

Dt 18:12

Yujto a eb' tzb'on jun tzo'n̈ tic, caw yajb'il 'el eb' yuj Jehová. Yuj wal to tzb'o eb' nacion̈ jun tzo'n̈ cha, yuj cha, a Jehová qui Diosalec, 'oj 'i'nc 'el eb' 'a eyojltac.

Dt 9:4

A yic tox xlajw 'el eb' 'anma chi 'a eyojltac yuj Jehová, 'ayx cob' 'oj eyal 'ixtic: Yuj wal qui wach'il, yuj cha, on̈ yi'nec cot Jehová 'a jun lugar tic, 'oj e chioc. Palta yuj smul eb' 'anma 'a jun lugar cha, yuj cha, tzsatn 'el Dios eb'.

Dt 9:5

Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.

Jueces 20:10

Ax pax 'a junjn lajn̈wan̈ 'a junjn 'in̈tal, tzcan 'a yib'n̈ eb' sayn tas tzqui c'ux an̈ soldado on̈c tic; an̈ xo qui masnil, tzon̈ 'at ca'c spac 'a eb' 'aj Gabaa yuj jun maysch'olnil sb'o eb' cha, xchi eb'.

Jueces 20:5

Ax 'a jun 'ac'wl cha, 'ix syamn sb'a eb' winc cajn 'a jun chon̈b' cha. Xyoyn sb'a eb' 'a spatquil te n̈a 'aj 'ayn 'ec' cha, yic tzin smiln cham eb' yalni. Ax x'aji, 'ix yixtn eb' 'ix wistzil cha, masnto xcham 'ix yuj eb'.

Jueces 20:6

Xlajw cha, xin me'n q'ue wan sniwnal 'ix, xin cotc poln 'ati. 'Ix wa't 'a smasnil yol qui macb'enec tic, sec wach' tzeyil e masnil tas jun mul caw wal maysch'olnil tic.