Lv 17:5 - Chuj San Sebastian Bible

⁵ 'Ixta tzwutj walni, sec man̈xtzac e comn milj cham no noc' 'a spatc 'el camplamento, palta to tzeyij cot no 'a yamq'uil Mantiado cha, ax win ya'mal 'och sti eb' 'anma', a win tz'a'n 'och no xajmb'al-l yic junc'ojlal 'a wojltac.

Chuj San Mateo Bible

⁵ Icha chi' tz'aj valani yic mantzac e comon milej noc' noc' silab'il d'a spatiquel campamento, palta to tzeyic'cot noc' d'a stiel in cajnub', axo junoc vin̈ sacerdote tz'ac'anoch noc' silab'il yic junc'olal d'a vichan̈.

Lv 17:5 ပူးပေါင်းရင်းမြစ်များ

Gn 21:33

A 'a Beerseba cha, ata 'ix yawj Abraham jun te te tzcuch tamarisco. Ata tz'och Abraham chi 'emmquilal 'a Jehová, atn jun Dios 'ayc' 'a smasnil q'uinal.

Gn 22:13

Xlajw cha, xyiln 'at Abraham to sut'n can sch'ac jun no calnelu 'a scal q'ui'ix. Yuj cha, 'ix 'at yi'nc cot win no calnelu cha, 'ix ya'n tz'a win no xajmb'al-l sjelc win Isaac.

Gn 22:2

'Ix yaln Dios 'a Abraham 'ixtic: —'Ij 'at jun c'otn̈ win onnal Isaac, win caw chamc'ojlb'il o'oj, tzach 'at 'a lum Moriah. A yic tzach c'och 'a sjolm lum tzaln 'oj in ch'ox 'ayach, tza'n tz'a win xajmb'al-l 'ayin, xchi Dios 'a winac.

Gn 31:54

Sb'on Jacob jun xajmb'al 'a sjolm jun tzaln cha, xyawtn cot eb' yican wac yet'oc. Xwa eb' smasnil, ax 'a sjolm jun tzaln chi x'ec' 'ac'wl yuj eb'.

A Ch'an̈ B'ab'el Libro Yic Yab'ixal Eb' Rey 14:23

'Ix sb'o pax eb' yet'l 'emmquilal 'a lum jolmctac witz, yet' 'a yich smasnil te te caw pim xi'il. Tzlin̈n chan̈ eb' q'uen q'uen yechloc, yet' te te sch'oxnb'il comn dios tzcuch Asera.

A Ch'an̈ B'ab'el Libro Yic Yab'ixal Eb' Rey 3:2

A 'a yic jun tiempoal cha, ata tz'at yac' eb' 'anma xajmb'al 'a jolmctac witz, yujto mantzac b'o yatut Jehová.

A Ch'an̈ B'ab'el Libro Yic Yab'ixal Eb' Rey 3:3

Caw wal tzchamc'ojlej Salomón Jehová, tzyiclni ley alb'il can yuj David 'a 'a, atn smam. Locn pax tz'at yac' xajmb'al yet' incienso 'a jolmctac witz,

A Ch'an̈ Schab'il Libro Yic Yab'ixal Eb' Rey 16:4

An̈jtona', 'ix yac' xajmb'al, 'ix sn̈usntz'a incienso 'a jun tzo'n̈ macsej 'ay 'a jolmctac witz, yet' 'a yich eb' te te pim xi'il.

A Ch'an̈ Schab'il Libro Yic Yab'ixal Eb' Rey 17:10

An̈jtona', sb'on pax chan̈ eb' jun sch'oxnb'il sdiosal tzcuch Asera 'a jolmctac witz yet' 'a yich smasnil te te pim xi'il.

2 Cr 28:4

An̈jtona', 'ix ya'n xajmb'al, 'ix ya'n pax tz'a incienso 'a jun tzo'n̈ macsej 'ay 'a jolmctac witz, yet' 'a lum tzalan, yet' pax 'a yich eb' te te pim xi'il.

Ex 24:5

Yajn̈j wal cha, 'ix yaln 'a jun tzo'n̈ eb' quelmtac winac to tzmil cham eb' no quelm wacax, yic tz'och no xajmb'alil, yet' xajmb'al yic junc'ojlal tz'ajx 'a Jehová.

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Ez 22:9

An Jehová in, an tzwala, a 'a scal eb' cha, til wal eb' tz'a'n 'och 'es 'a yib'n̈ junc xo mach sec tzchami. 'Ay pax eb' tzlaj xit'c 'a jolmctac witz wa'oc yic tzya'n eb' 'emmquilal 'a jun tzo'n̈ yechl comn dios, caw yajb'entac tas tzlaj sb'o eb'.

Ez 43:27

Ax 'a swajxquil c'u cha, ata 'oj 'el yich ya'n tz'a eb' ya'mal 'och sti eb' 'anma e xajmb'al tz'ajx tz'a'oc yet' e xajmb'al yic junc'ojlal. 'Ixta to b'i'an, ax ex in chan pax wico'oc. An Jehová in, an tzwala, xchi Dios.

Ez 44:15

Palta ax eb' ya'mal 'och sti eb' 'anma 'ayin, atn eb' levita yin̈tl can Sadoc, eb' an̈ja in ya'n servil 'a watut yic xyi'n 'el sb'a eb' et israelal 'ayin, cojn eb' chi 'oj stac' in ya'n pax servil. A eb' 'oj 'ochlc 'a wojltac yet' xepual no noc', yet' schic'l no xajmb'al.

Lv 17:4

toto man̈oc ta tzmil 'a yamq'uil Mantiado 'aj tzin chaj in b'a eyet'oc, a jun 'anma cha, yowlal tz'ijx 'el 'a e cal. A jun chi tzcochcn smuloc, yujto ton̈j tz'elcn schic'l no noc' chi yuj ta'.

Lv 17:6

A win ya'mal 'och sti eb' 'anma chi tzicn 'och schic'l no 'a yib'n̈ yet'l xajmb'al 'a wojltac, jun 'ay 'a yojltac 'elt Mantiado cha. Tzlajw cha, tz'ajx tz'a xepual no xajmb'al chi 'a wojltac an Jehová in, yujto caw wach' sjab' tzwab'i.

Dt 12:2

Ma'c poj smasnil yet'l 'aj tzlaj yal sb'a eb' 'anma chi 'oj 'em eyuj cha; tze ma'n juwc smacsej eb' 'ay 'a lum jolmctac witz, 'a tzalctac, yet' pax jun tzo'n̈ xo 'ay 'a yich te niwc te caw pim xi'il.