Lv 17:4 - Chuj San Sebastian Bible

⁴ toto man̈oc ta tzmil 'a yamq'uil Mantiado 'aj tzin chaj in b'a eyet'oc, a jun 'anma cha, yowlal tz'ijx 'el 'a e cal. A jun chi tzcochcn smuloc, yujto ton̈j tz'elcn schic'l no noc' chi yuj ta'.

Chuj San Mateo Bible

⁴ palta max yic'cotlaj noc' d'a stielxo in cajnub' b'aj tzin ch'ox in b'a, yovalil man̈xa yalan yic d'a e cal. A jun chi' scotcan d'a yib'an̈, yujto ton̈ej stob'canem schiq'uil noc' ta'.

Lv 17:4 ပူးပေါင်းရင်းမြစ်များ

Gn 17:14

Tzann̈j wincal to may jun yechl chi 'aych 'a 'a, yowlal tzeyij 'el 'a e cal, yujto matz yiclj jun in trato 'ix wac' eyet'oc, xchi Dios.

Salmos 32:2

A eb' x'och spaltail, toto man̈xtzac 'och jun chi smulc eb' yuj Jehová, caw wal wach' yic eb', atn eb' man̈xtzac snalb'ej smacn sat yit 'anma'il.

Ex 12:15

Uque c'u 'oj e wa 'ixm pan may yich cha. A 'a yic b'ab'l c'u, tze julcn 'el smasnil yich pan 'ayc' 'a eyatut junjn ex. Toto 'ay junc mach tzwan 'ixm pan 'ay yich 'a e cal 'a jun c'u cha, yowlal tz'ijx 'el 'a e cal.

Ex 12:19

A 'a jun uque c'u cha, may cab' junc mach 'ayc' yich pan yuj 'a yatut. Toto 'ay junc mach tzwan 'ixm pan 'ay yich, junc chuc chon̈b'al mto eyit israelal; a jun cha, yowlal tz'ijx 'el 'a e cal.

Ex 30:33

Toto 'ay mach tzb'on junc xo perjuma 'icha wal jun cha, mto tzcomn tzicj 'och 'a junc comn 'anma', a jun mach 'ixta tzb'o cha, 'ijx cab' 'el 'a e cal, xchi Dios.

Ex 30:38

A mach tzb'on junc xo incienso 'icha jun cha, secn̈ej to wach' yec' sjab' tzyab'i. A jun cha, 'ijx cab' 'el 'a e cal, xchi Dios.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Ez 20:40

An Jehová Yajl in, an tzwal 'ixtc 'a smasnil eb' israel: A lum niwquil tzaln wic yaj 'a chon̈b' Israel, ata 'oj wul eya'x 'ejm e b'a 'ayin. 'Oj ex in cha ta', 'oj in c'an jun tzo'n̈ ofrenda 'ayx ta', ax eyi'n cot sb'ab'l sat tas 'awb'il eyu'uj, yet' smasnil tas to wic xon yaji.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 17:10

Caw wal 'ay yowl in c'ojl 'a yib'n̈ eb' israel mto eb' chuc chon̈b'al cajn 'ec' 'a e cal, eb' tzchin schic'l no noc', yaln̈ej tas tzyutj eb' schini. An 'oj woch 'ajc'ojlal 'a eb', ax in satn 'el eb' 'a e cal.

Lv 17:14

Yujto a chic', a tz'a'n sq'uinl smasnil tas pitzn 'a yolyib'n̈q'uinl tic. Yuj cha, xwalni to matz chix schic'l no noc', yujto sq'uinl no yaji. Tzann̈j mach tzchin schic'l no noc', yowlal tz'ijx 'el 'a e cal.

Lv 17:3

Tzann̈j israelal tzmiln junc no wacax, junc calnelu, mto junc no chiwo 'a spatquil 'eli mto 'a yojl 'oxt camplamento yic tzya'n xamb'al-l 'ayn snani,

Lv 17:5

'Ixta tzwutj walni, sec man̈xtzac e comn milj cham no noc' 'a spatc 'el camplamento, palta to tzeyij cot no 'a yamq'uil Mantiado cha, ax win ya'mal 'och sti eb' 'anma', a win tz'a'n 'och no xajmb'al-l yic junc'ojlal 'a wojltac.

Lv 17:9

toto matz yij cot 'a yamq'uil Mantiado 'aj tzin chaj in b'a eyet'oc, yic tz'ajx 'och 'a wojltac an Jehová in, a junc mach 'ixta tzb'o cha, yowlal tz'ijx 'el 'a e cal.

Lv 18:29

Tzann̈j mach tz'ec' 'a yib'n̈ sb'on jun tzo'n̈ tas yajb'entac tic, tojln̈ej satx 'el 'a e cal.

Lv 20:16

Toto 'ay pax junc 'ix 'ix tzmuln yet' junc no noc', a jun 'ix cha, yowlal tzchami, tzcham pax no noc' cha. Mun wal a eb' tz'i'n cot chaml 'a yib'an̈.

Lv 20:18

Tzann̈j junc winc tzway yet' junc 'ix 'ix 'aj stiempoal yel a a', tzmuln win yet' 'ix, may yel'ch jun chi 'a winac. An̈jtona', tzyal sc'ojl 'ix sch'oxn 'el syailal cha. A eb' cha, yowlal tz'ijx 'el eb' schawn̈il 'a e cal.

Lv 20:3

'Ay yowl in c'ojl 'a yib'n̈ junc 'anma 'ixta tzb'o'o, yuj cha, 'oj in satl 'a scal eb' yit chon̈ab', yujto tzyixtj 'el in cajnub'. Tzin spatquiln can pax 'eli, yujto tzyac' yunnal chi xajmb'al-l 'a Moloc.

Lv 3:2

A mach tz'a'n jun xajmb'al cha, tzyij cot 'a yamq'uil Mantiado 'a 'aj tzin chaj in b'a eyet'oc. Tzyac' q'ue sc'ab' 'a sjolm no', tzlajw cha, tzmiln cham no'. Ax junc eb' yunnal Aarón, a tzicn 'och schic'l no 'a schan̈paq'uil jun yet'l xajmb'al cha.

Lv 7:18

A mach tzchin no xajmb'al chi 'a schab'jial, a jun xajmb'al cha, man̈xtzac chaxi, man̈xtzac 'och yopiso. A jun cha, man̈ wach'c tz'ajcn 'a in sat, yuj cha, a mach tzchin jun chib'j cha, tzcan jun mul chi 'a yib'an̈.

Jn 10:7

'Ix yaln pax Jesús 'ixtc 'a eb': —Wal yel tzwal 'ayex, 'icha sti jun col-l 'aj tz'och no calnelu, 'ixta 'in.

Jn 10:9

An tic, lajn in yet' sti colal. A eb' tz'och wu'uj, 'oj colchjoc 'el eb'. 'Icha junc calnelu tz'och 'a yol scolal, tz'el paxta, tz'at saync wa sb'a, 'ixta 'oj 'aj eb'.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Ro 4:6

A David yaljnac cani, to caw wach' yic eb' 'aj tzyal Dios to wach' 'a sat, palta man̈ yujoc tas wach' tzb'o eb', tzyaln Dios 'ixta'.

Ro 5:13

A 'a yic mant 'a xon ley yic Moisés, 'ochnc xo smul eb' 'anma 'a Dios. Palta a smul eb' cha, ma'ix can wal 'a yib'n̈ eb', yujto mant 'a ley ta'.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

Dt 21:8

Mamin Jehová, 'ac' wal niwnc'ojlal 'a quib'n̈ an̈ a chon̈b' on̈ tic, yujto ach on̈ a col 'elta, man̈ a'ch jun mul tic 'a quib'n̈ yuj schic'l jun 'anma 'ix cham tic, sec man̈x 'a tas 'oj 'ajxoc yowlal, 'oj schic eb'.