Lv 17:11 - Chuj San Sebastian Bible

¹¹ Yujto a smasnil no noc' yet' eb' 'anma', a schic'l eb' 'a 'aych sq'uinloc eb'. An 'ix wala to tz'ajx 'och chic' 'a yib'n̈ yet'l xajmb'al, sec a tz'a'n lajwc e mul 'a eyib'an̈, a yopiso chic' cha, to colnb'il yaji.

Chuj San Mateo Bible

¹¹ Yujto masanil noc' noc' yed' anima, a yuj schiq'uil pitzan, yuj chi' ix vala' to stob'jioch schiq'uil noc' d'a spatictac altar yic slajvicanel mul. Yujto a d'a schiq'uil noc' chi' ay sq'uinal yuj chi' syal yac'an tup mul chi'.

Lv 17:11 ပူးပေါင်းရင်းမြစ်များ

Gn 9:4

Palta 'ay jun tas ma'oj e chi', atn no chib'j 'ayt 'och schiq'uil, yujto a schic'l no cha, a 'aych sq'uinloc no'.

Lv 1:5

Tzlajw cha, tzmiln cham no 'a wojltac an Jehová in, ax eb' yunnal Aarón, atn eb' ya'mal 'och sti eb' 'anma', a eb' tz'i'n cot schic'l no', tzicn 'och eb' 'a schan̈paq'uil jun yet'l xajmb'al 'ayc' 'a yojltac Mantiado.

Lv 16:11

A yic lista xo yaj no smasnil, tzmiln Aarón no quelm wacx cha yic tzya'n no xajmb'al-l yuj smul, yet' pax yuj yic eb' 'ayc' 'a yol yatut, sec 'oj 'ajxc lajwc smul eb'.

Lv 17:12

Yuj cha, tzwaln 'ixtc 'ayx ax israel ex tic: May cab' junc ex mto eb' chuc chon̈b'al cajn 'a e cal, tzchin schic'l no noc'.

Lv 17:14

Yujto a chic', a tz'a'n sq'uinl smasnil tas pitzn 'a yolyib'n̈q'uinl tic. Yuj cha, xwalni to matz chix schic'l no noc', yujto sq'uinl no yaji. Tzann̈j mach tzchin schic'l no noc', yowlal tz'ijx 'el 'a e cal.

Lv 4:25

Tzlajw cha, ax junc win ya'mal 'och sti eb' 'anma chi tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'a 'aj tz'a xon no cha. A jantc to schic'l no tzcani, tzsecx can 'ejm 'a yich jun yet'l xajmb'al cha.

Lv 4:26

Tz'ajx tz'a smasnil xepual no 'a yib'n̈ yet'l xajmb'al, 'icha wal tz'aj no yic junc'ojlal. 'Ixta tzyutj win ya'mal 'och sti eb' 'anma sb'on no xajmb'al chi yuj smul win yajl cha, ax smul win cha, 'oj 'ajxoc can lajwoc.

Lv 8:15

Smiln cham Moisés no', 'ix yi'n 'at jab' schic'l no yet' yune sc'ab', sb'on̈n 'och 'a sch'ac jun yet'l xajmb'al 'aych 'a schicn schan̈il, sec wach' chab'il yuj Dios. Ax jantc to chic' xcani, 'ix seccn 'ejm 'a yich yet'l xajmb'al cha. 'Ixta x'ajcn jun chi yochcn yico'oc Dios, sec wach' tz'ajx can lajwc mul.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Mt 26:28

Yujto a jun tic in chiq'uil. Yuj in chic'l tic, 'oj 'el'choc jun strato Dios tzat yac' 'ayex. 'Oj 'elcn in chic'l tic, sec wach' til wal mach 'oj 'ajxoc can lajwc smul yu'uj.

Mr 14:24

'Ix yaln pax 'a eb' 'ixtic: —Atn jun tic in chiq'uil, yu'uj, 'oj 'el'choc jun strato Dios tzat yac' 'ayex. 'Oj 'elcn in chic'l tic sec wach' til wal mach 'oj colchjoc yu'uj.

Ro 3:25

A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

Ro 5:9

Al ticnec, wach'n̈ecx 'a sat Dios, yujn̈ej to xcham Cristo qui jeloc. Yuj cha, yu'uj, ax qui wach' colchjec 'el 'a jun niwn yailal tot 'oj jawc yuj yowl sc'ojl Dios.

Ef 1:7

Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

Dt 12:23

Matz tac' e chin no chib'j chi yet' schiq'uil, yujto a schic'l no', a chi sq'uinl no yaji. Yuj cha, man̈ e chi no chib'j yet' sq'uinal.

A Scarta San Pablo D'a Eb' Aj Colosas 1:14

Atn Yunnal chi on̈ colnec 'eli, [yujto xcham cujec.] A 'ix 'a'n lajwc can qui mulec.

A Scarta San Pablo D'a Eb' Aj Colosas 1:20

Tznib'j pax Dios, yuj Cristo junxn̈ej 'oj 'aj smasnil tas yet'oc, eb' 'ay 'a satcha'an̈, yet' eb' 'ay 'a yolyib'n̈q'uinl tic. Yuj wal cha, xcham Cristo 'a spenc te culus. 'Ix 'elcn schiq'uil, sec wach' junc'ojlal xoj 'oj 'aj smasnil yet' Dios.

A Ch'an̈ Carta D'a Eb' Hebreo 13:12

An̈jtona', 'ixta 'ajnc Jesús yab'n syal scham pax 'a sti 'el chon̈ab', sec wach' yuj wal schiq'uil, tz'elcn smul eb' 'anma'.

A Ch'an̈ Carta D'a Eb' Hebreo 9:22

Tztac' calnec, to yuj jun ley cha, yowlal tzsacb'tzax smasnil tas yet' chic'. May junc mach tzlajw can smul, toto may chic' tz'el yuj smul cha.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.