Lv 16:6 - Chuj San Sebastian Bible

⁶ Tzyi'n cot Aarón no quelm wacx yic tz'och no xajmb'al-l yuj smul yet' yuj eb' yic 'ayc' 'a yol yatut.

Chuj San Mateo Bible

⁶ Syic'ancot noc' quelem vacax chi' vin̈aj Aarón chi' yic tz'och noc' silab'oc yuj smul. A jun noc' chi' yic noc' vin̈, yuj yac'ji tup smul vin̈ yed' masanil eb' ayec' d'a yol spat.

Lv 16:6 ပူးပေါင်းရင်းမြစ်များ

Job 1:5

A yic tzlajw yec' q'uin̈ chi 'a junjn eb', tzyawtn win Job chi smasnil eb' yunnal cha yic tzsacb'tzan sb'a eb' 'a sat Dios. Ax 'a junx c'u, tzseb' q'ue wan win yac' tz'a xajmb'al yuj junjn eb' yunnal cha, yujto lemb'il tzlaj 'och smul eb' sb'uchwj 'a Dios snan winac. Yuj cha, 'ixtan̈ej tzyutj sb'a win 'a junjn 'ejem.

Ez 43:19

An Jehová in, an tzwal 'ixtic: A eb' ya'mal 'och sti eb' 'anma', atn eb' yin̈tl can win Sadoc, eb' tzin 'a'n servil, a eb' tz'a'n tz'a junc no quelm wacx xajmb'al-l 'ayn yuj ya'n lajwc mul.

Ez 43:27

Ax 'a swajxquil c'u cha, ata 'oj 'el yich ya'n tz'a eb' ya'mal 'och sti eb' 'anma e xajmb'al tz'ajx tz'a'oc yet' e xajmb'al yic junc'ojlal. 'Ixta to b'i'an, ax ex in chan pax wico'oc. An Jehová in, an tzwala, xchi Dios.

Lv 16:3

A yic 'oj 'och Aarón 'a yol jun cuarto cha, yowlal tzyij cot junc no quelm wacx xajmb'al-l 'ayn yuj ya'n lajwc smul, tzyi'n cot pax junc no mam calnelu yic tz'a no xajmb'alil.

Lv 16:7

Tzlajw cha, tzyi'n cot e no mam chiwo chi schawn̈il 'a wojltac an Jehová in, 'a yojltac Mantiado cha.

Lv 9:7

Xlajw cha, xyaln Moisés 'ixtc 'a Aarón: Nitz cot a b'a 'a stz'ey yet'l xajmb'al tic, tza'n no noc' chi a xajmb'alc yuj a mul yet' no xajmb'al tz'a'i, yic tz'ajx lajwc a mul cha. Tza'n pax no xajmb'al yuj yajx lajwc smul eb' quit israelal, 'icha wal xyutj Jehová yalni, xchi Moisés 'a Aarón.

A Ch'an̈ Carta D'a Eb' Hebreo 7:27

Man̈ lajnoc 'icha eb' sat ya'mal 'och sti eb' quit chon̈b'ec 'a Dios. Yujto a eb' cha, yowlal tzyac' eb' jun tzo'n̈ xajmb'al 'a junjn c'u. Tzb'ab'l 'a'j eb' yuj smul, tzya'n pax eb' yuj smul eb' yit 'anma'il. Ax Jesús, jun 'ejmn̈ej ya'jnac xajmb'al-l sb'a yuj qui mulec, yic ya'n cham sb'a.

A Ch'an̈ Carta D'a Eb' Hebreo 9:12

'Ochnc xo Cristo 'a jun Lugar to cojn Dios 'ay yico'. Palta man̈oc schic'l no quelm chiwo, no quelm wacx ya'jnac xajmb'alil. Caw a schic'l ya'jnac xajmb'alil. Yuj cha, yochcn c'och ta 'a jun 'ejmn̈ej. Ya'jnac ganar qui colnb'ilec 'a jun 'ejmn̈ej.

A Ch'an̈ Carta D'a Eb' Hebreo 9:7

Palta ax 'a jun schab'l cuarto cha, cojxn jun sat ya'mal 'och sti eb' 'anma 'a Dios 'ochnac. Cojn jun 'ejm tz'och 'a junjn ab'il. A yic tz'ochi, yowlal yet' schic'l no noc', yic tzya'n yuj smul, yet' pax yuj smul eb' quit chon̈b'ec.