Lv 16:4 - Chuj San Sebastian Bible

⁴ Yowlal tz'achn can b'ab'el, 'ixta to b'i'an, tzya'n 'och spichul: atn sjucn pichul, scutin wex, sjal-l snan̈al yet' pax sc'oxl sjolom. A jun tzo'n̈ pichl cha, linon̈ej smasnil, ya'ilb'il yaj sb'o'i.

Chuj San Mateo Bible

⁴ Syac'och spichul vin̈ nab'a lino, aton spichul vin̈ jucan, yol svex vin̈, c'apac stzec'ul snan̈al vin̈ yed' sb'ac'ul sjolom vin̈. A juntzan̈ pichul chi' te nivan yelc'ochi, yuj chi' b'ab'el sb'iquel sb'a vin̈ ichato chi' syac'anoch vin̈.

Lv 16:4 ပူးပေါင်းရင်းမြစ်များ

Ex 28:2

Tza'n b'o spichl o'tac Aarón. A te pichl to tzictzni yilxi, te yel xo wach', a te tzac' b'o'oc.

Ex 29:4

Tzlajw cha, tze'n 'at Aarón yet' eb' yunnal 'a yol sti Mantiado 'a 'aj tzin chaj in b'a eyet'oc, tzaln 'a eb' to tz'achn can eb' ta'.

Ex 30:20

'Oj mixnjoc can eb' ta', yic 'oj 'och eb' 'a yol Mantiado 'a 'aj tzin chaj in b'a eyet'oc. 'Oj mixnjoc pax eb' 'a yic 'oj c'och eb' 'a stz'ey yet'l xajmb'al yic tz'at ya'nc tz'a eb' ofrenda 'a wojltac, sec wach' ma'oj comn cham eb'.

Ex 40:12

Tze'n 'at Aarón yet' eb' yunnal 'a yol sti Mantiado cha, tzaln 'a eb', to tz'achn can eb' ta'.

Is 53:2

Yujto 'ix snib'j Dios to 'ix q'uib' jun schecb' cha, 'icha junc te wolte tz'ejm sch'an̈lyib' 'a lum tacn̈ lu'um. A jun cha, man̈ nib'b'ilc wal yilxi, may wal tas wach' yilx 'a 'a.

Ez 44:19

Ax yic mantzac 'elt eb' 'a junx 'amc' 'ay 'a sti 'elt 'aj 'ayc' eb' chon̈ab', yowlal tzyijcan 'el eb' spichl tzc'anlb'ej 'a yopiso cha. Ata tzyactj can eb' 'a yojl jun tzo'n̈ cuarto 'ay 'a yojl 'och watut cha. Chucx cab' spichl eb' tzya'chi, sec wach' matz 'och smay te pichl chi 'a eb' comn 'anma 'ayc' 'a sti cha.

Ez 9:2

'Ix wilni, 'ay wacwn̈ winc x'oxt 'a yol sti spuertail chon̈b' 'a stojlal norte, yet' eb' syamc'ab' tzyac' milwjoc. Ax 'a scal eb' cha, ata 'aych jun winc nab'a lino spichul, t'un̈n 'och stz'ib'lab' 'a snan̈al. 'Ix 'oxt eb', axta x'aj lin̈n eb' 'a stz'ey yet'l xajmb'al nab'a bronce.

Lv 16:23

Tzlajw cha, tz'och paxt Aarón 'a yol Mantiado, yic tzyi'n 'el spichl 'aych yu'uj, atn te nab'a lino, te 'aych yu'uj yic tz'ochx 'a yojl jun cuarto to wicn̈ej yaj cha, tzya'n can te ta'.

Lv 16:24

Tz'achn 'a jun lugar sic'b'il 'eli, tzlajw cha, tzya'n pax 'och spichl tzc'an xon 'a yopiso. Tzlajw cha, tzya'n tz'a no xajmb'al to mun yico', yet' pax no yic eb' chon̈b' cha, sec 'ixta tz'aj yajx lajwc smul yet' pax yic eb' chon̈b' chi smasnil.

Lv 16:32

Yuj cha, a yic 'oj cham win sat ya'mal 'och sti eb' 'anma cha, a junc yunnal, a 'oj 'ochx can sjeloc. 'Oj q'ue aceite 'a sjolom, ax ya'n junc xajmb'al yuj yochcn 'a yopiso cha, ax ya'n 'och te pichl lino, te ya'ilb'il yaj sb'o'i.

Lv 6:10

Ax 'a junx sq'uin̈b'ial, a junc win ya'mal 'och sti eb' 'anma cha, yowlal tzya'ch win spichl caw wach', yet' scutin wex b'ob'il 'a te lino. Tzlajw cha, tzmoln chan̈ win stan̈il no noc' tz'ajx tz'a 'a yib'n̈ yet'l xajmb'al cha, tzsecn 'ejm 'a junc spac'b'il jun yet'l xajmb'al cha.

Lc 1:35

—A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

A Scarta San Pablo D'a Eb' Aj Filipos 2:7

Yuj cha, xyactn can smasnil yic cha, xcoti, wul ya'nc 'och sb'a checb'al. Wul ya'nc 'aljoc sb'a 'anma'il.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.