Lv 16:26 - Chuj San Sebastian Bible

²⁶ Ax win tz'at 'a'noc can no chiwo chi 'a lum cusltac lum cha, a yic tzjawi, yowlal tzju'l win spichul, tz'achn paxi. 'Ixta to b'i'an, tztac' yochx win 'a yol camplamento.

Chuj San Mateo Bible

²⁶ Axo vin̈ b'at ac'ancan noc' mam chiva d'a taquin̈ lum chi', ayic sjax vin̈, sjuq'uel spichul vin̈, sb'icanpaxel sb'a vin̈. Ichato chi' syal yochta vin̈ d'a yol campamento.

Lv 16:26 ပူးပေါင်းရင်းမြစ်များ

Lv 11:24

Toto tzeyam jun tzo'n̈ no noc' tic, caw man̈ wach'c tzex 'ajcni. Tzann̈j mach tzyamn sniwnal junc chamnc noc', caw man̈ wach'c tz'ajcn yu'uj, masnto yic tzq'uic'b'i.

Lv 11:25

Tzann̈j mach tzsi'n chan̈ sniwnal junc no chamnc noc', yowlal tzju'l spichul, palta man̈ wach'c tz'ajcn yu'uj masnto yic tzq'uic'b'i.

Lv 11:27

Tzann̈j noc'l to chan̈e yoc, niwn pax sc'ab', a jun tzo'n̈ noc' cha, may sleyl tze chi no'. A mach tzyamn junc no noc' chi 'a yic chamnc xo no', caw man̈ wach'c tz'ajcni, masnto yic tzq'uic'b'i.

Lv 11:28

'Ixta pax junc mach tzsi'n chan̈ sniwnal junc no chamnc noc' cha, yowlal tzju'l spichul, palta man̈ wach'c tz'ajcn yu'uj, masnto yic tzq'uic'b'i, yujto man̈ wach'c jun tzo'n̈ noc' cha.

Lv 11:31

A smasnil no tic, man̈ wach'c no'. Tzann̈j mach tzyamn junc no noc' tic 'a yic chamnc xo, man̈ wach'c tz'ajcni, masnto yic tzq'uic'b'i.

Lv 11:32

Q'uinloc 'ay junc tas 'aj tz'em no chamnc noc' chi 'a yib'an̈, a jun tzo'n̈ cha, man̈ wach'c tz'ajcn yuj no'. 'Icha junc te yamc'ab', junc pichul, junc tz'u'um, junc coxtal, junc yamc'ab' yic munljel. A jun tzo'n̈ cha, yowlal tzlab'x 'ejm 'a yol a', yujto man̈ wach'c tz'ajcn yu'uj, masnto tzq'uic'b'i; tzlajw to chi b'i'an tzb'ox cani.

Lv 11:39

Q'uinloc 'ay mach 'aj tzcham junc no noc', no to tzchix xoni; a mach tzyamn sniwnal no chamnc noc' cha, man̈ wach'c tz'ajcn jun 'anma chi yuj no', masnto yic tzq'uic'b'i.

Lv 11:40

A mach tzchin schib'jal no chamnc noc' cha, a jun cha, yowlal tzju'l spichul, yujto man̈ wach'oc, masnto yic tzq'uic'b'i. A mach tz'i'n 'el jun chamnc noc' cha, yowlal tzju'l pax spichul, yujto man̈ wach'c tz'aj yuj no' masnto yic tzq'uic'b'i.

Lv 14:8

A mach 'aj tz'ec' jun yab'il cha, yowlal tzju'l spichul, tz'achni, tzjoxn pax 'el sb'a, yic tzb'ox can 'el'chi, sec tztac' yochx 'a yol camplamento, palta uque to c'u tzcan 'a spatc 'el smantiado.

Lv 15:27

Tzann̈j mach tzyamn jun tzo'n̈ cha, man̈ wach'c tz'aji, yuj cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 16:10

Ax junx no chiwo cha, pitznto cab' no', tzya'n 'och 'a wojltac, tzyaln 'ejm smul eb' chon̈b' 'a yib'n̈ no', tzlajw cha, tz'actx can 'at no 'a cusltac lum yet' smul eb' chon̈b' cha.

Lv 16:25

A xepual no xajmb'al tz'ajx yuj ya'n lajwc mul cha, tz'a smasnil 'a yib'n̈ yet'l xajmb'al.

Lv 16:28

A win tz'a'n tz'a no cha, yowlal tzju'l win spichul, tz'achn paxi, 'ixta to b'i'an, tztac' yochx 'a yol camplamento cha.

Lv 16:8

Axta tzya'ch suerte 'a yib'n̈ e no chiwo chi schawn̈il: Jun no 'oj 'och wico'oc, ax junx no 'oj pechx can 'at 'a cusltac lu'um.

Nm 19:21

A jun tic ley tz'aj 'a smasnil tiempo. A mach tzicn 'och a a chi 'a junc xo mach, yowlal to tzju'l spichul. A mach tzyamn a a tzsacb'tzan 'anma', a jun cha, man̈ wach'oc masnto yic tzq'uic'b'i.

A Ch'an̈ Carta D'a Eb' Hebreo 7:19

May junc tas xb'o 'el'ch yuj jun ley cha. Palta 'ay junx yel xo caw wach', 'ix 'ochx can sjeloc, atn jun 'aych yipc qui c'ojlec. Yuj wal jun cha, tztac' qui nitznec 'och qui b'a 'a stz'ey Dios.