Lv 16:24 - Chuj San Sebastian Bible

²⁴ Tz'achn 'a jun lugar sic'b'il 'eli, tzlajw cha, tzya'n pax 'och spichl tzc'an xon 'a yopiso. Tzlajw cha, tzya'n tz'a no xajmb'al to mun yico', yet' pax no yic eb' chon̈b' cha, sec 'ixta tz'aj yajx lajwc smul yet' pax yic eb' chon̈b' chi smasnil.

Chuj San Mateo Bible

²⁴ An̈eja' d'a yol in cajnub' chi' sb'iquel sb'a vin̈, syac'anoch spichul vin̈ syac'taxonoch d'a yopisio. Slajvi chi', sn̈usantz'a silab' vin̈, aton yic vin̈ yed' silab' yic eb' israel chi' smasanil. Icha chi' tz'aj stupcanel smul vin̈ yed' yic eb' yetchon̈ab' chi'.

Lv 16:24 ပူးပေါင်းရင်းမြစ်များ

Ex 28:40

Tza'n b'o pax sjucn pichl eb' yunnal Aarón. Tzb'o pax sjal-l snan̈l spichl eb', yet' pax sc'oxl sjolm eb'. Wach' tz'aj sb'o'i, sec wach' yilx eb' yet' spichl cha, niwn cab' pax yel'ch eb' 'a sat 'anma'.

Ex 28:41

'Ixta wal 'oj otc a pichn o'tac Aarón yet' eb' yunnal. Tzlajw cha, tza secn can q'ue perjuma 'a sjolm eb'. 'Ixta tz'aj schan can eb' yopiso yic tzya'n 'och eb' sti eb' 'anma 'ayin.

Ez 42:14

A yic tz'och eb' ya'mal 'och sti eb' 'anma 'a yol yatut Dios, matz tac' scomn 'elt eb' 'a sti 'elt cha, mto b'eyc'oc 'a sti 'el 'amc' chi yet' spichl yic yopiso. Toto tz'elt eb', yowlal tzjelcn 'el eb' spichl 'a yojl 'och cha, chucx spichl eb' tzya'chi yic tz'elt eb' 'a scal eb' 'anma', xchi 'ayin.

Lv 14:9

Ax 'a yucl c'u cha, caw wach' tz'aj sjoxx 'el xil sjolm smasnil, wach' tzyutj yi'n 'el xil sti', tzjosn 'el xil sat yet' smasnil xil smatzab', tzju'n 'el spichul, tz'achn paxi, 'ixta to b'i'an, tztac' yochx 'a yol yatut.

Lv 16:25

A xepual no xajmb'al tz'ajx yuj ya'n lajwc mul cha, tz'a smasnil 'a yib'n̈ yet'l xajmb'al.

Lv 22:6

Toto man̈ wach'c yaji, matz tac' sc'uxn tas to wic yaji, masnto yic tzq'uic'b' 'ejmi, tz'achn can paxi.

Lv 9:7

Xlajw cha, xyaln Moisés 'ixtc 'a Aarón: Nitz cot a b'a 'a stz'ey yet'l xajmb'al tic, tza'n no noc' chi a xajmb'alc yuj a mul yet' no xajmb'al tz'a'i, yic tz'ajx lajwc a mul cha. Tza'n pax no xajmb'al yuj yajx lajwc smul eb' quit israelal, 'icha wal xyutj Jehová yalni, xchi Moisés 'a Aarón.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.