Lv 15:24 - Chuj San Sebastian Bible

²⁴ Toto 'ay junc mach tzway yet' 'ix, tzb'on̈x yuj tas tz'el 'a 'ix, man̈ wach'c tz'ajcn 'a uque c'ual, 'ixta pax tz'ajcn swaynub' 'aj tzway cha.

Chuj San Mateo Bible

²⁴ Tato ay junoc vin̈ vinac svay yed' ix, sb'on̈chaj vin̈ yuj tas tz'el chi' d'a ix, man̈ vach'oclaj tz'ajcan vin̈ d'a uque' c'ual, an̈ejtona' man̈ vach'oc tz'ajcan vaynub' b'aj svay vin̈ vinac chi'.

Lv 15:24 ပူးပေါင်းရင်းမြစ်များ

Ez 18:6

Man̈ comnoc tzwa yet' eb' 'anma tz'at wac 'a lum jolmctac witz 'aj 'ay jun tzo'n̈ yechl comn dios yic eb' yit israelal; matz b'o 'ajmulal yet' yistzil yit wincal, man̈ comnoc tz'och 'a eb' 'ix 'ix 'aj stiempoal yel a a'.

Ez 22:10

'Ay eb' tzlaj mulnc yet' yistzil smam, 'ay eb' tz'och 'a eb' 'ix 'ix 'aj yujl yel a a'.

Lv 15:33

'Ixta pax 'a eb' 'ix 'ix 'aj stiempoal yel a a'. A jun tzo'n̈ checnb'il tic, yowlal tzyiclj eb' 'aj 'ay jun tzo'n̈ yailal cha, toxn̈ej winac, mto 'ix, yet' pax eb' tzway yet' eb' 'ix 'ix 'aj yujl yel a a cha.

Lv 18:19

May cab' mach tzway yet' 'ix 'ix to stiempoal yel a a 'a 'a.

Lv 20:18

Tzann̈j junc winc tzway yet' junc 'ix 'ix 'aj stiempoal yel a a', tzmuln win yet' 'ix, may yel'ch jun chi 'a winac. An̈jtona', tzyal sc'ojl 'ix sch'oxn 'el syailal cha. A eb' cha, yowlal tz'ijx 'el eb' schawn̈il 'a e cal.

1 Ts 5:22

Smasnil tas maysch'olnil, caw man̈ e cha eyab'i'.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.