Lv 14:41 - Chuj San Sebastian Bible

⁴¹ Tzyaln pax winac, to yowlal tzjosx 'el sat smasnil yich n̈a chi 'a yojol, ax smasnil spoccal chi tzjosx 'elt cha, tz'at julxoc can 'el 'a 'aj 'ay junc lugar man̈ wach'c cha.

Chuj San Mateo Bible

⁴¹ Syalanpax vin̈ to sjoschajel masanil sattac yol te' pat chi', axo masanil spococal tz'el d'a yool chi', sb'at yumchajcan d'a junoc lugar man̈ vach'oc d'a stiel chon̈ab'.

Lv 14:41 ပူးပေါင်းရင်းမြစ်များ

Is 65:4

Ata tzlaj 'at 'em wocn eb' 'a scal eb' xi'lb'a 'a campusan, tzlaj sc'ub'n 'el sb'a eb' 'aj c'ultac yaji, ata tz'ec' 'ac'wl yuj eb' yic tzc'umn sb'a eb' yet' eb' chamnc chi snani. Tzchin eb' schib'jal no chitam, caw tzb'ut'j yuc'b' eb' yet' yalil no chib'j cha, atn jun tzo'n̈ tas man̈ wach'c 'a sat ley.

Ez 26:4

'Oj smac' 'ejm eb' 'anma chi smuroal a chon̈ab', ax sma'n lan̈chjoc eb' jun tzo'n̈ a torre. 'Oj lajwc cha, ax wa'n mesxoc 'el spococal, t'anmtac 'oj 'ajoc, 'icha yilx junc niwquil q'uen n̈el-li sat.

Lv 14:40

tzyaln winac to tzlipx 'elt smasnil q'uen q'uen 'ajtil 'ayx 'och jun petquixtac cha. Tzlajw cha, tz'at julxoc can 'el 'a 'aj 'ay junc lugar man̈ wach'c 'a sti 'el chon̈b' cha.

Lv 14:42

Tzlajw cha, chucx q'uen q'uen tz'ochx can sjelc q'uen tzlipx 'elt cha, chucx pax lum lum tz'ochx can spixloc, sec tzmacchj can pax 'el yich te n̈a cha.

Lv 14:45

Yuj cha, yowlal tzpojx 'ejmi, smasnil q'uen q'ue'en, yet' lum lum 'aych 'a 'a, tz'at julxoc can 'el 'a junc lugar man̈ wach'c 'a sti 'el chon̈ab'.

Mt 24:51

ax ya'n 'och win patron̈ chi jun niwn yailal 'a yib'n̈ eb', ax ya'n can 'at win eb' yet' eb' yit chab'satil cha. Ata 'oj 'oc' eb', caw 'oj juch'ch'oc ye eb' yab'n syail.

Mt 8:28

Xlajw cha, xc'och eb' 'a junx sc'axpil 'ec' a'. A jun lugar cha, Gadara sb'i. Ata 'ix cot chawn̈ winc 'a 'aj mucn eb' chamnac. 'Ix jaw eb' 'a Jesús. A eb' chawn̈ cha, 'aych ewin demonio 'a eb'. Yel xo wal caw 'ay smay eb'. Yuj cha, may mach tzb'ey 'a jun b'e tz'ec' 'a 'aj 'ayc' eb' cha.

1 Ti 1:20

'Ixta xyutj sb'a Himeneo yet' Alejandro. Yuj cha, xwa'n 'och eb' 'a yol sc'ab' win Satanás, sec tzyojquej 'el eb', to matz tac' qui comn b'uchwj 'a Dios.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.