Lv 14:34 - Chuj San Sebastian Bible

³⁴ A yic 'ayx xo 'ec' e masnil 'a lum Canaán, atn lum 'oj wac' eyico'oc, toq'ue 'oj wa't tas c'uxmtac syab'ilc yol n̈a 'a e chon̈b' cha,

Chuj San Mateo Bible

³⁴ Ayic ayexxo ec' d'a lum Canaán, aton lum ol vac' eyicoc, talaj svac'b'at junoc tas c'ustac yilji tz'el leb'eb'oc d'a yol e pat ta',

Lv 14:34 ပူးပေါင်းရင်းမြစ်များ

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 13:17

A ticnec, 'ixc muc'uc, tza b'eytzan smasnil ste'il, yet' sat jun lum tic, yujto 'oj wac' 'ayach, xchi Dios 'a Abram.

Gn 17:8

'Oj wac' smasnil lum Canaán tic 'ayach, yet' 'a eb' en̈tl 'a jun 'ejmn̈ej, ax woch sDiosalc eb', xchi Dios 'a Abraham cha.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Pr 3:33

Tzya' cot Jehová catb' 'a yib'n̈ eb' maysch'olnil, palta ax eb' wach' sb'eyb'al, a yaxilal tzya' cot 'a yib'n̈ eb'.

Is 45:7

An in b'ojnac sacq'uinal yet' q'uic'q'uinal, an tzwac' junc'ojlal, tzwa'n pax yailal. An Jehová in, an tzin b'o smasnil jun tzo'n̈ tic.

Lv 14:33

'Ix yaln pax Jehová 'a Moisés yet' 'a Aarón 'ixtic:

Lv 20:24

An wal wa'jnac can in ti', to 'oj wac' slum eb' chi eyico'oc. An 'oj ex wi'ch 'a sat lu'um, atn lum caw 'ay syaxil sat. An Jehová e Diosal in tic, an ex in poj 'elt 'a scal jun tzo'n̈ xo chon̈ab'.

Lv 23:10

Al jun tzo'n̈ tic 'a eb' et israelal: A yic tox ex c'och 'a sat lum lum tzwac' eyico'oc, a yic 'oj e polnc e cebada, a jun yuchn̈ 'ixm tze b'ab'l polj cha, tzeyij can 'eli. Ax yic yewial xo yec' sc'ul 'iljelal, tzeyi'n cot 'a win ya'mal 'och sti eb' 'anma', ax win tz'a'n 'och 'ixm ofrendail 'a wojltac, sec wach' chab'il wuj 'ayex.

Lv 25:2

Al jun tzo'n̈ checnb'il tic 'a eb' et israelal to an tzwal 'ixtic: A yic 'ayx xo 'ec' 'a sat lum lum 'oj wac' eyico'oc, yowlal 'oj eyac' 'iljoc lu'um, yuj eyi'n chan̈ in b'i an Jehová in.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Am 6:11

Yujto 'oj yac' Jehová ma'xoc 'ejm smasnil niwc n̈a yet' eb' te cotc n̈a, c'uxn 'oj satl smasnil.

Miqueas 6:9

Wan yawtn Jehová eb' schon̈ab'. Caw 'aych 'a snab'en eb' smaclni yab' 'a 'emmquilal tas tzyala. Tzyal Jehová 'ixtic: Jaw cab' e nab'en yuj yailal, 'ay cab' wel'ch 'a e sat, an ton tzwa'ch eyailal cha.

Zacarías 5:4

A Jehová tztac' yuj smasnil, a tzaln 'ixtic: An wal 'oj wa't jun yailal tic, sec wach' 'oj 'och 'a yol yatut eb' 'elc'um yet' eb' tzlocn in b'i yic tzya'n 'es, 'oj cann̈j jun yailal chi 'a junc n̈a cha, masnto 'oj lajwc 'ejm spatzb'il, man̈x 'a junc sq'uenal 'oj canoc, xchi Dios, xchi jun ángel cha.

Nm 32:22

'Ixtnta 'oj eyutc eyi'n can 'ec' lum lum chi yuj Jehová. A yic tox xlajw 'el eb' 'anma chi 'a sat lu'um, tztac' xo e meltzj paxta, yujto tzeyiclj tas 'aj tzeyac' e ti 'a Jehová yet' 'a eb' quit chon̈b' tic. 'Ixta to b'i'an, ax eyica'an lum lum tic yuj Jehová.

Nm 32:32

'Oj qui 'at 'a owl yet' qui yamc'ab' 'a lum Canaán cha. 'Oj qui yiclc tas tzyal Jehová 'ayon̈, palta b'i'an, quic tz'ajcn lum lum tic 'a sti 'a Jordán tic on̈, lum 'ay 'a stojlal 'aj tzq'uel c'u, xchi eb'.

Nm 35:10

Al jun tzo'n̈ tic 'a eb' et israelal: A yic tzex c'axw can 'ec' 'a a Jordán tic, yic tzex c'och 'a lum Canaán,

Dt 12:1

'Ix yaln pax Moisés 'ixtic: Atn wal jun tzo'n̈ ley yet' cuynb'il tic, to yowlal 'oj e b'eylb'oc 'a smasnil tiempo, yic 'ayx xo 'ec' 'a sat lum lum 'oj yac' Jehová 'ayex, atn jun qui Diosalec yet' eb' qui mam quichmec cha.

Dt 19:1

'Ix yaln pax Moisés 'ixtic: A yic tox satl Jehová qui Diosalec eb' 'anma 'a jun tzo'n̈ nacion̈ cha, ax ya'n slum eb' chi eyico'oc, ax e cajn schon̈b' eb' yet' pax yatut eb',

Dt 26:1

A yic tox ex c'och cajn 'a sat lum lum 'oj yac' Jehová qui Diosalec eyico'oc, a yic tzex munlj 'och 'a sat lu'um,

Dt 27:3

Tzlajw cha, tze tz'ib'n can 'och jun tzo'n̈ cuynb'il tzwalcn 'ayx tic 'a eb' q'ue'en. Tze b'o jun tic, yic tzex 'och 'a sat lum lum caw yax sat, lum 'oj yac' Jehová qui Diosalec yet' eb' qui mam quichmec eyico'oc, 'icha yutjnac yaln can 'a eb'.

Dt 32:49

'Ixc 'a lum switzl Abarim, tzach q'ue'ch 'a sjolm lum witz tzcuch Nebo, lum 'ay 'a yol yic eb' moabita, 'a yojltac Jericó. Ata tzelcn 'at lum Canaán, lum 'oj wac' yico'oc eb' et chon̈b' tic.

Dt 7:15

A Jehová 'oj e coln 'el 'a yol sc'ab' smasnil yab'il, 'icha wal jun tzo'n̈ eyiljnac ya'n 'och 'a yib'n̈ eb' 'aj Egipto. Palta a jun tzo'n̈ yab'il cha, cojn 'a yib'n̈ eb' 'ajc'ojl yajch 'ayex, ata 'oj ya'chi.

Josué 13:1

A yic caw 'ichm winc xo Josué, 'ix yaln Jehová 'a 'ixtic: Ach tic, caw 'ichm winc 'ach xo, palta caw niwn to lum lum mantzac eyij can 'eq'ui.

A Ch'an̈ B'ab'el Libro Samuel 2:6

Mamin Jehová 'aj q'uinl ach, ach tzej 'ec' qui q'uinl on̈, tza'n paxi. Tztac' tzon̈ 'a'cn 'ejm 'a yol sjul-l eb' chamnc 'anma', tzon̈ a coln pax q'ueta.