Lv 14:21 - Chuj San Sebastian Bible

²¹ Toto meb'a junc 'anma chi 'aj tz'ec' jun yab'il cha, may stumn ya'n no xajmb'al cha, cojn cab' junc no quelm calnelu tzyij coti, yic tz'ajx xajmb'alil, yic tz'ajx lajwc smul, yet' chan̈e'oc libra 'ixm harina caw wach', calb'il yet' aceite, yet' pax 'oxe'ocx octavo aceite cha.

Chuj San Mateo Bible

²¹ Tato meb'a' jun anima b'aj ix ec' jun yab'il chi', malaj stumin yic syac' noc' silab' sc'anchaj chi', an̈ej junoc noc' quelem calnel syic'coti yic sb'achchajoch silab'il d'a yichan̈ Jehová yuj smul, chab'n̈ej libra ixim harina te vach' calab'il yed' aceite syac'a' yed' oxeoc octavo aceite.

Lv 14:21 ပူးပေါင်းရင်းမြစ်များ

Job 34:19

A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.

Pr 17:5

Toto tzon̈ b'uchwjec 'a eb' meb'a', 'icha wal to a 'a Dios wan qui b'uchwjec, atn jun b'ojnac eb'. Toto tzon̈ tzaljec yic tz'och syailal junc xo mach, 'oj jawc pax yailal 'a quib'n̈ec.

Pr 22:2

A eb' rico yet' eb' meb'a', lajnn̈ej yel'ch eb', a Jehová xb'on eb'.

Ez 46:7

Tz'ajx jun arroba harina ofrendail yet' no quelm wacx cha, 'ixta tz'ajx yet' no mam calnelu, ax pax yet' e no quelm calnelu cha, yaln̈ej jantc tz'ajxi, nan̈lschan̈l litro aceite yet' junjn arroba harina.

Lv 1:14

Toto ch'ic junc no xajmb'al tz'ajx tz'a 'a wojltac, yowlal a junc no cajb'il ch'ic, junc no cowojte', mto junc no parama tz'ajxi.

Lv 12:8

Toto a 'ix nunb'il cha, matz tac' ya'n 'ix junc no calnelu, tztac' tzyij cot 'ix chawn̈oc no cowojte', mto chawn̈oc no parama, ax win ya'mal 'och sti eb' 'anma chi tz'a'n tz'a junc no xajmb'alil, ax junc xo no tz'ajx xajmb'al-l yuj mul. 'Ixta tz'aj sacb'tzan sb'a 'ix sec tztac' sjapx 'ix yalsb'a 'ayn 'a in cajnub', xchi Dios 'a Moisés.

Lv 14:10

Ax 'a yucb'ixial, tzyi'n cot chawn̈oc no quelm calnelu, yet' pax junc no cob's calnelu jun ab'il sq'uinal, e no may spaltail. Tzcot pax 'oxlajn̈ec libra 'ixm harina caw wach' calb'il yet' aceite, tz'ajx ofrendail, yet' pax 'oxe'oc octavo aceite.

Lv 14:22

Tzyi'n cot pax chawn̈oc no cowojte', mto chawn̈oc no parama, a tzyal tas tztechj yuj junc 'anma cha, jun no tz'ajx xajmb'al-l yuj yajx lajwc smul, ax junx no tz'ajx tz'a smasnil xajmb'alil.

Lv 27:8

Palta toto caw meb'a junc 'anma cha, matz techj ya'n jun tojlb'al cha, a jun 'anma cha, tz'ijx cot 'a yojltac win ya'mal 'och sti eb' 'anma 'ayin, ax win tznani jantc wal tztechj ya'ni.

Lv 5:11

Q'uinloc may stumn jun 'anma chi smann chawn̈oc no cowojte', mto no parama cha, to 'ixta', yowlal tzyij cot chan̈e'oc libra 'ixm harina caw wach'. Matz 'ajx 'och aceite 'a scal, matz 'em pax incienso 'a yib'an̈, yujto xajmb'al yic mul yaji.

Lv 5:7

Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Lc 6:20

Ax Jesús, 'ix 'ec' q'uel-loc 'a eb' scuywum, 'ix yaln 'a eb' 'ixtic: —Ax meb'a ex, caw wach' eyico', yujto 'ayx 'och 'a yol sc'ab' Dios.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

A Ch'an̈ B'ab'el Libro Samuel 2:8

Ach tzej chan̈ eb' meb'a', tze'n pax chan̈ eb' c'anm limosna, sec tz'och yopiso eb' yet' eb' niwc winac. Yujto Jehová ach, ach 'ay ec jun tzo'n̈ sb'achnub'al yich lum lum tic, ach 'ix a b'achcn q'ue jun yolyib'n̈q'uinl tic 'a yib'an̈.