Lv 14:18 - Chuj San Sebastian Bible18 Ax jacx aceite tzcant 'a yol sc'ab' winac, tzwach' sucj can q'ue 'a sjolm jun 'anma cha, sec 'ixta tz'aj yajx can lajwc smul 'a wojltac. အခန်းကိုကြည့်ပါ။Chuj San Mateo Bible18 Axo jab'ocxo aceite tz'ac'jicanq'ue d'a sjolom jun anima chi'. Icha chi' tz'aj stupcan smul d'a yichan̈ Jehová. အခန်းကိုကြည့်ပါ။ |
Tz'ijx 'el smasnil xepual no', 'icha wal tz'aj yijx 'el yic no tz'ajx xajmb'al-l yic junc'ojlal. Tz'ajx tz'a xepual no 'a yib'n̈ yet'l xajmb'al. Junn̈j tz'aj stz'a yet' jun tzo'n̈ xo xajmb'al tz'ajx xon tz'a 'a wojltac an Jehová in. 'Ixta tzyutj jun ya'mal 'och sti eb' 'anma chi sb'on jun xajmb'al cha, sec tz'ajx lajwc smul jun 'anma cha.
A jun 'anma cha, yowlal tzyac' sjel tas 'aj 'ix 'och smul 'a tas to wicn̈ej yaj cha. Yowlal tztoj junc xo yomacn̈il 'a 'icha stojol, tzya'n 'a junc win ya'mal 'och sti eb' 'anma cha. Junn̈j tzyutj ya'n yet' no calnelu tzyac' xajmb'al-l yuj smul cha. Ax win ya'mal 'och sti eb' 'anma chi tzb'on no xajmb'al cha. 'Ixta to b'i'an, tz'ajx can lajwc smul cha.