Lv 14:10 - Chuj San Sebastian Bible

¹⁰ Ax 'a yucb'ixial, tzyi'n cot chawn̈oc no quelm calnelu, yet' pax junc no cob's calnelu jun ab'il sq'uinal, e no may spaltail. Tzcot pax 'oxlajn̈ec libra 'ixm harina caw wach' calb'il yet' aceite, tz'ajx ofrendail, yet' pax 'oxe'oc octavo aceite.

Chuj San Mateo Bible

¹⁰ Axo d'a junxo c'u, syic'ancot chavan̈oc noc' quelemtac calnel yed' junoc noc' cob'es calnel, jun ab'il sq'uinal junjun noc', malaj jab'oc spaltail noc'. Scotpax nan̈al yuquil libra ixim harina te vach' calab'il yed' aceite, tz'ac'ji ofrendail yed' pax oxeoc octavo aceite.

Lv 14:10 ပူးပေါင်းရင်းမြစ်များ

Ex 29:40

A yet' no tza b'ab'l 'a'j tz'a cha, tzac' tz'a pax chan̈e'oc libra 'ixm harina caw wal wach'. Caln tzotj yet' junc litro yaceiteal te olivo. Tza secn pax 'ejm junc litro yal uva ofrendail 'a yib'an̈.

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 14:11

Ax win ya'mal 'och sti eb' 'anma cha, a win tzchecn 'och lin̈n junc 'anma chi yet' jun tzo'n̈ yofrenda chi 'a wojltac, 'a yamq'uil Mantiado 'a 'aj tzin chaj in b'a eyet'oc.

Lv 14:12

Tzlajw cha, tz'ijx cot junc no quelm calnelu chi yet' 'oxe octavo aceite cha, tzb'achx 'och 'a wojltac an Jehová in. A jun cha, xajmb'al yuj stojl mul.

Lv 14:15

An̈jtona', tzyi'n pax cot win jac aceite, tzsecn 'ejm 'a yol sc'ab' 'a surito.

Lv 14:21

Toto meb'a junc 'anma chi 'aj tz'ec' jun yab'il cha, may stumn ya'n no xajmb'al cha, cojn cab' junc no quelm calnelu tzyij coti, yic tz'ajx xajmb'alil, yic tz'ajx lajwc smul, yet' chan̈e'oc libra 'ixm harina caw wach', calb'il yet' aceite, yet' pax 'oxe'ocx octavo aceite cha.

Lv 2:1

Toto 'ay junc mach tz'i'n cot 'ixm harina ofrendail 'ayn an Jehová in, a cab' 'ixm caw wach' tzyij coti, ax 'a yib'an̈, ata tz'ajx 'ejm aceite yet' incienso.

Lv 2:11

A smasnil jun tzo'n̈ ofrenda tz'ajx 'ayn 'a tas tzc'uxxi, may cab' yich, 'ixta pax no yal chab', matz tac' yajx tz'a no 'icha xajmb'al-l 'a wojltac.

Lv 2:13

A smasnil ofrenda tz'ijx 'el 'a 'ixm sat trigo mto 'ixm cebada, yowlal tz'em yatz'mil. May junc ofrenda chi matz 'em yatz'mil, yujto a tzch'oxn cot in trato in b'ojnac eyet' an e Diosal in tic.

Lv 23:13

Tzeya'n pax b'aln̈e'oc libra 'ixm harina caw wach' yet' no', caln tz'aj yet' aceite, sec ax yic tz'ajx tz'a 'a wojltac, su'q'ui cab' yec' sjab'. Tzeya'n junc litro yal uva ofrendail yet' jun tzo'n̈ cha, sec a tzsecx q'ue 'a yib'an̈.

Lv 4:32

Toto calnelu no tzyij cot jun mach tz'a'n jun xajmb'al cha, a junc no nun calnelu may spaltail tzyij coti.

Lv 9:1

Ax 'a yucb'ixial yoch Aarón 'a yopiso, 'ix 'awtx yuj Moisés yet' eb' yunnal, yet' eb' yichmtac wincal chon̈b' Israel.

Nm 28:20

A yet' jun tzo'n̈ xajmb'al cha, tz'ajx pax harina calb'il yet' aceite. 'Ixtc wal tz'aj yajxi: lajchwe libra harina tz'ajx yet' junjn no quelm wacax, wajxque libra tz'ajx yet' junjn no mam calnelu,

Nm 6:14

Tzlajw cha, tz'ajx tz'a junc no quelm calnelu xajmb'alil, no jun ab'il sq'uinal, no may spaltail. An̈jtona', tz'ajx pax junc no cob's calnelu jun ab'il sq'uinal, no may spaltail, a jun cha, xajmb'al yic tz'ajx lajwc mul. Tz'ajx pax junc no mam calnelu xajmb'al-l yic junc'ojlal 'ayn an Jehová in.

Mt 8:4

Xlajw cha, xyaln pax 'a winac: —'Ab'i, 'ayt 'aj xal-l jun tic. Palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés. 'Ixta 'oj 'aj scheclj 'eli, chajtlto ach b'ox cani, xchi Jesús 'a winac.

Mr 1:44

—'Ab'i, 'ayt 'aj xal-l jun tic, 'ixic, 'at ch'ox a b'a 'a win ya'mal 'och qui ti 'a Dios, 'at 'ac' junc a ofrenda 'a Dios, 'icha yaj yaln can Moisés, sec man̈x 'a a paltail 'a sat ley. 'Ixta 'oj 'aj scheclj 'eli, chajtlto ach b'ox cani, xchi 'a winac:

Lc 5:14

Xlajw cha, xyaln Jesús 'a win 'ixtic: —'Ayt 'aj xal-l jun tic, palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés, sec man̈x a paltail 'a sat ley, 'ixta 'oj 'aj scheclj 'eli, chajtlto ach b'ox cani, xchi Jesús 'a winac.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Jn 6:33

Yujto a jun wal tzyac' Dios tic, a 'a satchan̈ 'emncta. 'Ay eb' 'ay 'a yolyib'n̈q'uinl tic 'oj scha sq'uinl 'a jun 'ejmn̈ej yu'uj, xchi Jesús 'a eb'.

Jn 6:51

An ton tic cotnc in 'a satcha'an̈, 'icha wal in, yujto 'a'm in q'uinl 'a jun 'ejmn̈ej. Yuj cha, a eb' tzwan jun tic, pitzn eb' 'a smasnil tiempo. A jun 'icha wal tzwac' waxoc tic, atn in chib'jal, xchi Jesús 'a eb'.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.