Lv 13:7 - Chuj San Sebastian Bible

⁷ Palta toto a jun yab'il cha, to tzb'eyi, wach'xam tox 'ix yal win ya'mal 'och sti eb' 'anma cha to man̈ lepraoc, yowlal tzc'ochx jun 'anma chi 'a win jun 'ejm xo, yic tzyiln pax win jun yab'il cha.

Chuj San Mateo Bible

⁷ Palta tato a jun yab'il d'a snivanil junoc anima chi' sb'at leb'eb'oc, vach'chom toxo ix yal vin̈ sacerdote to man̈ lepraoc, yovalil scotxi d'a vin̈ sacerdote chi' yic sayanxi yil vin̈.

Lv 13:7 ပူးပေါင်းရင်းမြစ်များ

Salmos 38:3

Yuj wal yowl a c'ojl 'a wib'an̈, yuj cha, smasnil in niwnal tic, caw ya yaji, may junc in b'acl wach', yujto 'ay in mul.

Lv 13:2

Toto 'ay junc 'anma tzmal chan̈ sniwnal, mto tzq'ue pochn̈joc yalil, mto c'on yab'il tzq'ue 'a 'a, mto tzchacb' chan̈ yu'uj, toq'ue lepra jun yab'il cha. Yowlal tz'ijx cot 'a Aarón, mto 'a jun tzo'n̈ xo eb' ya'mal 'och sti eb' 'anma', atn eb' yin̈tl Aarón.

Lv 13:27

Ax yic tzlajw uque c'u cha, tzyiln pax winac; toto tzb'ey 'a stz'umal jun 'anma cha, ax win tzalni to ya xo 'ay jun 'anma chi yuj lepra, yuj cha, man̈xtzac stac' jun tz'aj yet' yit 'anma'il.

Lv 13:6

Ax yic tzlajw pax uque xo c'u cha, tz'ilx pax yuj win ya'mal 'och sti eb' 'anma chi jun 'ejm xo. Toto a jun yab'il cha, wan xo sati, matz b'ey 'a stz'umal, toto 'ixta', tzyaln winac to man̈ lepraoc jun yab'il cha, comn yab'iln̈ej. Tzju'n 'el jun 'anma chi spichul. 'Ixta to b'i'an, tztac' yochx 'a scal eb' yit chon̈ab'.

Lv 13:8

Toto ax tzyiln winac to tzniwtj paxi, tztac' yaln winac to lepra jun yab'il cha.

Lv 14:39

Ax 'a yucb'xial cha, tz'at yilnc pax win jun 'ejm xo. Toto an̈j 'ijnoc sb'ey jun c'uxmtac chi 'a sat yich n̈a cha,