Lv 13:6 - Chuj San Sebastian Bible

⁶ Ax yic tzlajw pax uque xo c'u cha, tz'ilx pax yuj win ya'mal 'och sti eb' 'anma chi jun 'ejm xo. Toto a jun yab'il cha, wan xo sati, matz b'ey 'a stz'umal, toto 'ixta', tzyaln winac to man̈ lepraoc jun yab'il cha, comn yab'iln̈ej. Tzju'n 'el jun 'anma chi spichul. 'Ixta to b'i'an, tztac' yochx 'a scal eb' yit chon̈ab'.

Chuj San Mateo Bible

⁶ Ayic slajvi uquexo c'ual chi', sayjixi iljoc jun anima chi' yuj vin̈ sacerdote chi'. Tato a jun yab'il chi' vanxo sateli, maxtzac b'eyb'at d'a stz'umal jun anima chi', ichato chi' syalan vin̈ sacerdote chi' to man̈ lepraoc tz'ic'ani, comon yab'iln̈ej. Slajvi chi' sjuc'anel spichul jun penaay chi', vach'xo tz'ajxicani.

Lv 13:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:45

tzab' tas tzcal 'aych 'a satcha'an̈, ach xo 'oj ac' cac' ganar on̈.

Salmos 19:12

May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

Pr 20:9

May junc mach tztac' yalni to caw wach' snab'en, to may xon jac smul.

Ec 7:20

Palta may junc on̈ec caw tojl qui b'eyb'al 'a yolyib'n̈q'uinl tic, yic to may 'aj tz'och qui mulec.

Is 42:3

'Ay wal eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta eb'. Palta a 'oj colwjoc 'a eb', ma'oj yixtc eb', wal yel 'oj yac' tojlal 'a eb'.

Lv 11:25

Tzann̈j mach tzsi'n chan̈ sniwnal junc no chamnc noc', yowlal tzju'l spichul, palta man̈ wach'c tz'ajcn yu'uj masnto yic tzq'uic'b'i.

Lv 11:28

'Ixta pax junc mach tzsi'n chan̈ sniwnal junc no chamnc noc' cha, yowlal tzju'l spichul, palta man̈ wach'c tz'ajcn yu'uj, masnto yic tzq'uic'b'i, yujto man̈ wach'c jun tzo'n̈ noc' cha.

Lv 11:40

A mach tzchin schib'jal no chamnc noc' cha, a jun cha, yowlal tzju'l spichul, yujto man̈ wach'oc, masnto yic tzq'uic'b'i. A mach tz'i'n 'el jun chamnc noc' cha, yowlal tzju'l pax spichul, yujto man̈ wach'c tz'aj yuj no' masnto yic tzq'uic'b'i.

Lv 13:2

Toto 'ay junc 'anma tzmal chan̈ sniwnal, mto tzq'ue pochn̈joc yalil, mto c'on yab'il tzq'ue 'a 'a, mto tzchacb' chan̈ yu'uj, toq'ue lepra jun yab'il cha. Yowlal tz'ijx cot 'a Aarón, mto 'a jun tzo'n̈ xo eb' ya'mal 'och sti eb' 'anma', atn eb' yin̈tl Aarón.

Lv 13:5

Ax yic tzlajw uque c'u cha, tz'ilx pax jun 'anma chi yuj win jun 'ejm xo. Toto a jun yab'il cha, yajn̈j yaji, matz b'eyi, tzmacx can pax jun 'anma chi uque'ocx c'u.

Lv 13:7

Palta toto a jun yab'il cha, to tzb'eyi, wach'xam tox 'ix yal win ya'mal 'och sti eb' 'anma cha to man̈ lepraoc, yowlal tzc'ochx jun 'anma chi 'a win jun 'ejm xo, yic tzyiln pax win jun yab'il cha.

Lv 14:8

A mach 'aj tz'ec' jun yab'il cha, yowlal tzju'l spichul, tz'achni, tzjoxn pax 'el sb'a, yic tzb'ox can 'el'chi, sec tztac' yochx 'a yol camplamento, palta uque to c'u tzcan 'a spatc 'el smantiado.

Ro 14:1

'Ay eb' creyente mant 'a ste'nal, yujto mantzac nachj 'el wal scuynb'il Cristo yuj eb'. A eb' 'ixta cha, chajec 'och eb' eyet'oc. Palta man̈ comnoc tze tej e b'a yet' eb' yuj jun tzo'n̈ tas mantzac nachj 'el yuj eb'.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

Dt 32:5

Ex wit chon̈ab', caw may e ch'olnil, tenmtac ex, x'och e mul 'a Dios, caw man̈ e mojc tzex 'och yunnaloc.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

Santiago 3:2

Yujto qui masnil, til wal 'ejm tz'och qui mulc 'a Dios. Toto may 'aj tz'och qui mulc yuj tas tzcala, caw wach'n̈ec 'a sat Dios, tztac' qui tennec pax 'och wan qui niwnal smasnil.