Lv 13:57 - Chuj San Sebastian Bible

⁵⁷ Toto tzcheclj pax chan̈ jun sc'uxmtac chi jun 'ejm xo, a jun cha, yowlal tz'ajx tz'a b'i'an.

Chuj San Mateo Bible

⁵⁷ Palta tato scheclajxiq'ue sc'ustumtaquil jun chi', yovalil sn̈usjitz'aoc.

Lv 13:57 ပူးပေါင်းရင်းမြစ်များ

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Lv 13:48

a tzyala tas yaj sb'o'i, to ch'umb'il mto jalb'il, mto junc no tz'um yamc'ab', mto junc xo tas tz'um yaj sb'o'i,

Lv 13:56

Palta toto ax yic tzyiln winac, to wan xo sati, to 'ixta', tzlot'x 'eli, mto tzpolx 'el 'a jun pichl cha, mto 'a jun yamc'ab' cha.

Lv 13:58

A pax jun tzo'n̈ tas 'aj tzsat jun tzo'n̈ c'uxmtac cha, yowlal tzb'icx 'el pax jun 'ejm xo, sec tzb'ox can 'el junc yamc'ab' mto junc pichl cha, xchi Dios 'a Moisés yet' 'a Aarón.

Mt 22:7

Ax win rey cha, caw xcot yowl winac. Yuj cha, 'ix checn 'at win jun tzo'n̈ eb' soldado 'at smil cham eb', ax jun schon̈b' eb' cha, 'ix n̈usx can tz'a'oc.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Dt 24:8

Toto 'ay mach 'aj tzpitzw jun yab'il tzcuch lepra, yowlal tzeyiclj sleyl tzyal eb' ya'mal 'och sti eb' 'anma 'a Dios, atn eb' yin̈tl Leví. Tzeyiclj smasnil jun tzo'n̈ checnb'il 'ix walcn 'ayex, yet' pax 'a eb' levita cha.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.