Lv 13:45 - Chuj San Sebastian Bible

⁴⁵ A mach ya'ay yuj lepra cha, yowlal jatquixtac spichl tzya'chi, tz'el pax sc'oxl sjolom, tzmacx sat yic tz'at 'a scal 'anma'. Yowlal tz'el yaw tz'eq'ui. 'Ixtcn̈ej tzyutj yalni: 'Aych yab'il 'ayin, man̈ ex jawc 'a in tz'ey, xchi.

Chuj San Mateo Bible

⁴⁵ A mach penaay yuj lepra, yovalil a pichul n̈ic'chimtac syac'ochi, malaj smusil sjolom syac'q'uei, smusan nan̈aloc sat. Tato sb'at d'a scal anima, tz'el yav, syalan icha tic: Elan̈ec, chuc vaji, chuc vaji, xchi.

Lv 13:45 ပူးပေါင်းရင်းမြစ်များ

Gn 37:29

Ax yic xmeltzj Rubén x'at yilnc pax 'a sti jun xab' cha. Ax 'ix yilni man̈x 'a win José 'ayc' ta', yuj cha, stzilnjat spichul, yic tzch'oxn 'eli to tzcus yuj jun yu'tac cha.

A Ch'an̈ Schab'l Libro Samuel 13:19

'Ix ya'n q'ue 'ix stan̈il c'ac' 'a sjolom. Stzilnjat 'ix te spichl wach' yilx cha, xya'n q'ue 'ix sc'ab' 'a sjolom, caw ji'jmtac yoc' 'ix yic xpax 'ix 'a yol b'e.

A Ch'an̈ Schab'il Libro Yic Yab'ixal Eb' Rey 7:3

A yic cha, 'ayc' chan̈wn̈ winc 'aych lepra 'a 'a, ata 'ayc' eb' 'a sti spuertail chon̈b' cha, 'ix laj yal-lanc eb' 'a junjn 'ixtic: —¿Tas tzwul qui b'oc 'a tic? Ton̈j chotn on̈c 'ec' qui tan̈wni qui chami.

Job 1:20

Yajn̈ej 'ix q'ue wan win Job, caw xcus win si'mb'il, stzilnjat win spichl yuj scusc'ojlal cha, sjoxn 'el win xil sjolom, 'ix 'em cumn win 'a sat lu'um yic tzyaln sb'a win 'a Dios.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Salmos 51:3

yujto 'ix wojquej 'eli, to x'och in paltail. A jun in mul cha, caw matz sat 'a in c'ojol.

Salmos 51:5

Wal yel a yic in 'alji, toxnto may in ch'olnil. Yictax 'aynto 'ec' 'a yol sc'ojl in nun, man̈ in wach'oc.

Is 52:11

'Eln̈ecta, 'eln̈ect 'a yol schon̈b' eb' 'aj Babilonia, man̈ eyam tas man̈ wach'c 'ay 'a jun chon̈b' cha. A mach tz'i'nb'ey jun tzo'n̈ yamc'ab' yic Jehová, man̈x eya't e b'a 'a scal maysch'olnil.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Jeremías 3:25

'Oj quic' 'ejm qui b'a yuj qui q'uixwc'ojlal on̈, yujto an̈ tic yet' eb' qui mam quichm on̈, caw wal x'och qui mul 'aych Jehová qui Diosal on̈. Yictax quelm on̈t 'unn on̈, masnto ticnec, caw wal ma'ix qui yiclj tas 'ix al 'ayn̈ on̈, xchi eb'.

Jeremías 36:24

Wach'xam xyab' win rey chi yet' smasnil eb' 'aych 'a yopiso yet'oc, yuj tas xyal ch'an̈ un̈ cha, palta caw ma'ix xiw xon jac eb', ma'ix sch'oxl eb' toto ya yalx tzyab' eb'.

Lm 4:15

Tz'awj cot eb' 'anma chi 'a eb' 'ixtic: Man̈ ex jawc 'a qui tz'ey, yujto caw wal tu eyilxi. Man̈ ex 'och yamn 'ayon̈, yujto man̈ smojc 'ayx 'ec' 'a schon̈b' Dios, xchi eb' 'a eb'. Yuj cha, 'ix 'elcn eb' 'a yol schon̈ab', tz'ec' eb' 'a junjn chon̈ab', palta may mach tzchan eb'.

Ez 24:17

Tza c'ultac 'ab'j syail, palta man̈ a ch'oxl a cusc'ojlal chi 'icha tzyac' eb' 'anma yuj mach tzcham 'a 'a. Man̈ e'l sc'oxl a jolom, man̈ e'l a xan̈ab', man̈ a mac a sat yic tza ch'oxn 'el a cusc'ojlal, man̈ a c'ux jun tzo'n̈ tas tzc'uxx yuj cusc'ojlal, xchi 'ayin.

Ez 24:22

Ax xo tic, 'oj e b'o 'icha xwutj in ch'oxn 'ayx tic; man̈ e mac e sat yic tze ch'oxn 'el e cusc'ojlal cha, man̈ e c'ux tas tzc'uxxi yic 'ay chaml tz'ochi.

Jl 2:13

Man̈ colb'ilc ton̈j tze tziljat e pichul, palta cus cab' e c'ojl yuj e mul. Meltzjan̈c 'a Jehová qui Diosalec, yujto caw wach' snab'en 'ayn̈ec. Caw tz'o'ch sc'ojol, 'ay sniwnc'ojlal, 'ay pax schamc'ojlal, tzchaj sc'ojl yi'n 'el jun yailal tic 'a quib'n̈ec.

Lv 10:6

Yajn̈j wal cha, xyaln Moisés 'a Aarón, yet' 'a Eleazar yet' pax 'a Itamar, atn eb' yunnal Aarón pitznto cha: —Man̈ eyi'l sc'oxl e jolom, man̈ e tzil-l pax e pichul yic tze ch'oxn 'el e cusc'ojlal, axta laj x'aji, tzex chami. Nab'a 'oj cot yowl Jehová 'a quib'n̈ qui masnil an̈ israel on̈ec tic. Palta a smasnil eb' quit chon̈b'ec tic, tztac' scus eb' yuj ewin x'ajx cham yuj Jehová yet' te c'ac' tic.

Lv 21:10

A win sat ya'mal 'och sti eb' 'anma', 'ay yopiso win ya'n 'och te pichl ya'ilb'il yaj sb'o'i, yujto 'ac'b'ilq'ue perjuma 'a sjolom yic si'x can 'ochi. Yuj cha, matz tac' scomn 'em tzicn xil sjolom, mto tziljat spichul yic tzch'oxn 'el junc scusc'ojlal.

Miqueas 3:7

A wal jun tzo'n̈ checb' to 'a'm 'es cha, yet' eb' tztac' snan 'el paxti chi yalni, caw 'oj q'uixwc can 'el eb', sictac xoj 'oj 'ajcn eb' smasnil, yujto may jac spac 'oj scha eb' 'a Dios.

Nm 5:2

Al 'a eb' et israelal cha, to tz'ijx 'el eb' 'anma ya'ay yuj lepra 'a spatc 'el camplamento yuj eb', eb' tztob' yin̈tl yuj junc yailal 'aych 'a 'a, mto eb' tzyamn junc chamnc 'anma'.

Lc 17:12

Ax yic wan sc'och 'a jun aldea, 'ay lajn̈wan̈ winc 'ayc' 'a yol b'e, ya'ay ewin yuj lepra. Yuj cha, ma'ix jaw ewin 'a stz'ey.

Lc 5:8

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.