Lv 13:3 - Chuj San Sebastian Bible

³ Ax junc win ya'mal 'och sti eb' 'anma cha, yowlal a tz'iln jun yab'il cha. Toto tzsacb' xil jun 'anma chi 'aj tz'elt jun yab'il cha, an̈jtona', chequel toto man̈ cojnoc 'a stz'umal 'ay, palta 'ayx yich jun yab'il cha. Toto 'ixta', lepra jun cha. A yic tox x'ilx jun 'anma chi yuj win ya'mal 'och sti eb' 'anma cha, ax win tzalni chajtlto man̈xtzac stac' yaj 'a scal eb' yit chon̈ab'.

Chuj San Mateo Bible

³ Axo vin̈ sacerdote chi' tz'ilan jun yab'il chi'. Tato a xiil b'aj ay jun yab'il chi', sacxo, ma nivan chequel to man̈ocn̈ej d'a stz'umal ay jun yab'il chi', palta julxo yich, a jun yab'il chi' lepraxo. Ayic toxo ix ilji jun anima chi' yuj vin̈ sacerdote, a vin̈ tz'alani to maxtzac yal-laj yajec' jun anima chi' d'a scal yetanimail.

Lv 13:3 ပူးပေါင်းရင်းမြစ်များ

Gn 13:3

'Ix 'el paxt 'a Neguev cha, c'ojnc'ojnil 'ix japx 'a yol yic Bet-el, 'a 'aj 'e'nc 'a b'ab'el, atn 'a snan̈l Bet-el yet' Hai.

Ez 16:30

An Jehová Yajl in, an tzwal 'ixtic: Caw wal pec' 'a 'ajmulal, lajn wal tzyutj sb'a 'icha junc 'ix 'ajmul 'ix man̈xtzac q'uixwi.

Ez 44:23

A eb' ya'mal 'och e ti cha, to 'oj cuywjoc eb' 'a eb' in chon̈ab'. 'Oj yac' eb' 'ojcaxc 'eli, 'aj 'ay tas to sic'b'il 'el wico'oc yet' tas to comn yaji, yet' 'aj 'ay tas wach' yet' tas man̈ wach'oc.

Os 7:9

A eb' chuc chon̈b'al 'ix 'i'n 'el yip eb', palta matz yil cot sb'a eb'. 'Icha to sacx xil sjolm eb', palta matz yil sb'a eb'.

Lv 10:10

Man̈ e b'o jun tzo'n̈ cha, sec tznachj 'el eyu'uj 'aj 'ay tas wico', yet' pax jun tzo'n̈ tas comn yaji. Nachj cab' pax 'el eyu'uj, tas jun tzo'n̈ wach' yaj sacb'tzax 'icha yaln ley, yet' jun tzo'n̈ tas man̈ wach'oc.

Lv 13:10

Sec a win tz'ilni toto wan smali, sacx yilx stz'umal, wan xo pax sacb' xil cha, chacx yilx sat jun yab'il cha.

Lv 13:2

Toto 'ay junc 'anma tzmal chan̈ sniwnal, mto tzq'ue pochn̈joc yalil, mto c'on yab'il tzq'ue 'a 'a, mto tzchacb' chan̈ yu'uj, toq'ue lepra jun yab'il cha. Yowlal tz'ijx cot 'a Aarón, mto 'a jun tzo'n̈ xo eb' ya'mal 'och sti eb' 'anma', atn eb' yin̈tl Aarón.

Lv 13:20

Ax win tz'ilni toto man̈ cojnoc 'a stz'umal 'aychi. Toto sacx yilx xil yu'uj, ax win tzalni to lepra jun yab'il cha, man̈xtzac stac' jun tz'aj yet' yit 'anma'il.

Lv 13:4

Q'uinloc sac yilx sat stz'umal jun 'anma chi 'aj 'ay jun yab'il cha, mant 'a yich jun yab'il chi 'a stz'umal, man̈ sacc pax yilx xil cha, toto 'ixta', yowlal tzmacx jun 'anma chi yuj win ya'mal 'och sti eb' 'anma chi 'a uque'oc c'ual.

Lv 13:8

Toto ax tzyiln winac to tzniwtj paxi, tztac' yaln winac to lepra jun yab'il cha.

Lv 14:37

Toto a yic tzyiln 'och winac, to a 'a sat yich n̈a cha, 'ay tas petquixtac yilxi, mto chac yilxi, yelc'ojlal tz'at 'a xab',

Lv 14:54

Atn jun tzo'n̈ checnb'il tic 'a yib'n̈ jun yab'il tzcuch lepra, yuj tas tz'aj spitzw chan̈ 'a junc 'anma', junc ton̈j tzmal cha'an̈, mto c'on yab'il, mto sacjech', mto yuj sc'uxmtacl te pichul mto yuj tas petquixtac 'a te n̈a,

Lv 5:3

Q'uinloc 'ay mach tzyamn junc tas man̈ wach'c tz'el 'a sniwnal junc 'anma'. A mach tzyamn cha, man̈ wach'c tz'ajcn yu'uj, wach'xam matz yil cot sb'a muc'uc. Palta a yic tzyiln cot sb'a, a jun cha, tz'ochcn smuloc.

Hageo 2:11

C'anb'j 'ixtc 'a eb' ya'mal 'och sti eb' 'anma 'ayin, tas yaln in ley.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Mt 16:19

A 'aych 'oj wac' syaveal yic tz'och eb' 'anma 'a yol sc'ab' Dios 'aj satcha'an̈. Tzann̈j tas 'oj ala', to 'ay yowlal 'a yolyib'n̈q'uinl tic, 'ay pax yowlal 'a sat Dios. An̈jtona', tzann̈j tas 'oj ala', to may yowlal 'a yolyib'n̈q'uinl tic, may pax yowlal 'a sat Dios, xchi 'a 'a.

Jn 20:23

Toto 'ay eb' tzeyac' niwnc'ojlal yuj smul, an̈jtona Dios 'oj yac' niwnc'ojlal 'a eb' jun xo. Toto 'ay eb' matz eyac' niwnc'ojlal yuj smul cha, 'oj cann̈j smul eb' chi 'a yib'an̈, xchi Jesús 'a eb'.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

Ro 7:7

Palta ¿tas tze na'a? A ley yic Moisés, ¿tom maysch'olnil tze na'a? Caw ma'ay. Yujn̈ej jun ley cha, tznachj 'el cujec to maysch'olnil tas tzqui b'o'ec. Q'uinloc 'ay junc tas tzin nib'j 'och ticnec. Wojtac, to maysch'olnil wan in b'oni, yujto tzyal jun ley chi 'ixtic: Man̈ a nib'c 'och junc tas, xchi. Q'uinloc may tas tzyala, to 'ixta', man̈ wojcoc, toto maysch'olnil tas wan in nani.

1 Ti 1:20

'Ixta xyutj sb'a Himeneo yet' Alejandro. Yuj cha, xwa'n 'och eb' 'a yol sc'ab' win Satanás, sec tzyojquej 'el eb', to matz tac' qui comn b'uchwj 'a Dios.

2 Ti 3:13

Palta ax eb' maysch'olnil sb'eyb'al, yet' eb' tz'ixtn paxti yit 'anma'il, 'oj wach' 'atcn eb' 'a maysch'olnil. Tzyixtn paxti eb' junc xo mach. Palta tz'ixtx paxti pax eb' jun xo.

A Ch'an̈ Carta D'a Eb' Hebreo 13:7

Tze na cot eb' laj 'e'nc ex scuyu', eb' laj aljnac 'el spaxti Dios 'ayex. Tze na coti, tas 'ajnc eb' yuj swach' b'eyb'al. 'Icha yutjnac eb' ya'n 'och sc'ojl 'a Dios, 'ixta tzeyutj e b'a jun xo.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.