Lv 12:6 - Chuj San Sebastian Bible

⁶ A yic tz'acw jun tzo'n̈ sc'ul 'a yic tzb'ox can 'el'ch sc'ojl 'ix, wach'xam winc 'unin, mto 'ix 'unn jun yune 'ix cha, yowlal tzyij cot 'ix nunb'il chi junc no quelm calnelu jun ab'il sq'uinal yet' junc no cowojte', mto junc no parama. Tzya'n 'ix no 'a win ya'mal 'och sti eb' 'anma', yic tz'a no xajmb'al-l 'a yojltac Mantiado 'a 'aj tzin chaj in b'a eyet'oc.

Chuj San Mateo Bible

⁶ Ayic stz'acvi juntzan̈ c'ual yic sacb'itan sb'a ix yuj yune' ix alji chi', vach'chom vinac unin ma ix unin, yovalil syic'cot junoc noc' quelem calnel jun ab'il sq'uinal ix silab'il yed' junoc noc' yaln̈ej macan̈il paramuch, syac' ix silab'il yuj yac'ji tup smul. A juntzan̈ chi' tz'ac'ji d'a junoc vin̈ sacerdote d'a yichan̈ mantiado.

Lv 12:6 ပူးပေါင်းရင်းမြစ်များ

Gn 15:9

Yuj cha, 'ix yaln Dios 'a 'a: —'Ij cot junc no cob's wacx 'ayin, yet' junc no chiwo, yet' junc no mam calnelu. 'Oxe ab'il sq'uinl junjn e no', tze'n cot pax junc no cowojte', yet' junc no parama, xchi Dios.

Lv 12:2

Al yab' smasnil eb' et israelal to an tzwal jun tzo'n̈ tic: Toto 'ay junc 'ix 'ix tz'alj junc swinc 'unin, man̈ wach'c tz'ajcn 'ix 'a uque c'ual, 'icha yaln sleyal yic tzyiln 'ix a a 'a junjn 'ejem.

Lv 12:5

Palta toto 'ix 'unn jun yune 'ix chi tz'alji, man̈ wach'c 'ix 'a chan̈lajn̈e c'ual, 'icha xon tz'aj 'a yic tzyiln 'ix a a 'a junjn 'ejem. Tzlajw cha, 66 to c'u tzcan 'ix yic tzsacb'tzan sb'a 'ix.

Lv 12:7

Ax win ya'mal 'och sti eb' 'anma chi tz'a'n 'och no xajmb'al-l 'a wojltac an Jehová in, yuj yajx lajwoc mul. 'Ixta tz'aj sacb'tzan sb'a 'ix yuj syailal cha. Atn jun tzo'n̈ cuynb'il tic, 'a yic tz'alj eb' winc 'unin, mto 'ix 'unin.

Lv 14:22

Tzyi'n cot pax chawn̈oc no cowojte', mto chawn̈oc no parama, a tzyal tas tztechj yuj junc 'anma cha, jun no tz'ajx xajmb'al-l yuj yajx lajwc smul, ax junx no tz'ajx tz'a smasnil xajmb'alil.

Lv 15:14

Ax 'a yucb'ixial, yowlal tzyij cot chawn̈oc no cowojte', mto chawn̈oc no parama, tzlajw cha, tzc'och 'a yamq'uil Mantiado 'aj tzin chaj in b'a eyet'oc, tzya'n 'a win ya'mal 'och sti eb' 'anma', ax win tz'a'n 'och no 'a wojltac an Jehová in.

Lv 15:29

Ax 'a yucb'ixial, tzyi'n cot 'ix chawn̈oc no cowojte', mto chawn̈oc no parama, tzlajw cha, tzya'n 'ix e no 'a win ya'mal 'och sti eb' 'anma chi 'a yamq'uil Mantiado 'a 'aj tzin chaj in b'a eyet'oc.

Nm 6:10

Ax 'a swajxquil c'ual, tzyi'n 'at chawn̈oc no cowojte', mto chawn̈oc no cotc parama 'a win ya'mal 'och sti eb' 'anma', 'a 'aj tzex 'och 'a yol Mantiado 'aj tzin chaj in b'a eyet'oc.

Lc 2:22

A sb'eyb'al eb' israel, yowlal 'ay jun tiempoal tzsacb'tzej sb'a eb' 'ix 'ix tz'alj yune', 'icha tzyal ley yic Moisés. Yuj cha, yic 'ix lajw stiempoal sacb'tzan sb'a 'ix María, 'ix yi'n 'at eb' jun tz'ulc 'unn chi 'a Jerusalén, x'at ya'nc eb' 'a Cajlil.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.