Lv 12:3 - Chuj San Sebastian Bible

³ Ax 'a yucb'ixial yalj jun winc 'unn cha, tz'ajx circuncidar.

Chuj San Mateo Bible

³ D'a val yucub'ixial yaj jun vinac unin chi', tz'ac'ji circuncidar.

Lv 12:3 ပူးပေါင်းရင်းမြစ်များ

Ex 22:30

'ixta pax sb'ab'l 'une e wacax, mto e calnelu. Tztac' tzcan no uque'oc c'u yet' snun, ax 'a yic swajxq'uejial xo yalj no', tzeya'n no 'ayin.

Lv 12:4

Ax 'ix nunb'il cha, 33 to c'u man̈ wach'c tz'ajcn 'ix. Matz tac' syamn 'ix junc tas to wic yaji, matz tac' pax wul yalnc sb'a 'ix 'ayn 'a in cajnub' ya' sb'a mantzac tz'acw stiempoal sacb'tzan sb'a 'ix.

Lv 15:3

Q'uinloc tz'eln̈j jun chi 'a smasnil tiempo mto 'ay 'aj tzmacchj yel junc tiempoal, tzlajw cha, tzyamn pax 'och yelxi, a jun winc cha, man̈ wach'c yaj 'icha yaln sleyal.

Lc 1:59

Yucb'ixial xo yalji, xc'och eb' 'a yatut Zacarías, yic x'ajx 'och jun senya circuncisión 'a sniwnal jun 'unn cha. 'Ix snib'j eb' xyac' sb'ic Zacarías, yic tz'och sq'uexloc smam cha.

Lc 2:21

Yucb'ixial xo yalj jun 'unn cha, 'ix 'ajx 'och jun senya circuncisión 'a sniwnal. 'Ix ya'n eb' sb'ic Jesús. Atn jun sb'i tic yaljnac can jun ángel 'a María, yic mantzac pitzw 'a 'ix.

A Tas Sc'ulejnac Eb' Schecab' Jesús Hechos 15:1

A 'a yic jun tiempoal cha, 'ay jun tzo'n̈ winc 'ix cot 'a yol yic Judea, 'ix c'och eb' 'a chon̈b' Antioquía. 'Ix syamn 'och eb' yaln 'ixtc 'a eb' creyente: —Toto ma'oj e cha jun senya circuncisión 'a e niwnal, 'icha yutjnac yaln can Moisés, toxn ma'oj stac' e colchji, xchi ewinac.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

Gl 3:17

Atn jun tic tzin nib'j tzwalb't 'ayex, to a Dios, ya'jnac strato yet' Abraham, sch'oxjnac to yowlal 'oj 'el'choc. Lajwnacx 430 ab'il ya'n can jun strato cha, yic yajx jun ley yic Moisés. Palta matz juw xon jun trato chi yuj jun ley cha. A jun tas alb'il can yuj Dios, yic ya'n sti', ma'ix 'ec' yuj jun ley cha.

Gl 5:3

Tzwaln 'at junx tic 'ayex. Tzann̈j mach tzya'ch jun circuncisión chi yipc sc'ojol, yowlal tzyiclj jantcn̈ej tas tzyal ley yic Moisés.

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

A Scarta San Pablo D'a Eb' Aj Filipos 3:5

Yucb'ixial xo walji, wajx circuncidar, yujto israel in. Yin̈tl in can Benjamín. Hebreo in, yujto hebreo pax in mam in nun. Caw yiclum in 'a smasnil ley yic Moisés, yujto fariseo in paxi.

A Scarta San Pablo D'a Eb' Aj Colosas 2:11

'Ac'b'iln̈ec circuncidar ticnec, yujto junn̈j cajc yet' Cristo. Man̈oc jun caw circuncisión yic qui niwnal tic tzwala. Palta on̈ colchjec 'elt 'a yol sc'ab' qui tu nab'enalec. Atn jun tic, tzyal 'el'chi, to on̈ 'ajxec circuncidar yuj Cristo.