Lv 11:41 - Chuj San Sebastian Bible

^41-42 Man̈ e chi smasnil no noc' tzjucsb'a 'a sat lu'um, wach'xam no tzb'ey yet' schan̈l yoc, mto no niwn yoc. A jun tzo'n̈ noc' cha, yajb'il 'el no'.

Chuj San Mateo Bible

⁴¹ Man̈ e chi juntzan̈ noc' noc' sn̈ervi, ma sjachvi d'a sat luum, yujto man̈ vach'oc noc'.

Lv 11:41 ပူးပေါင်းရင်းမြစ်များ

Gn 1:20

Xyaln pax Dios 'ixtic: Yune'oc cab' sb'a smasnil no noc' 'a yoltc a a', yet' smasnil no ch'ic tz'ec' jen̈n̈oc 'a yib'n̈ lum lum tic, xchi. 'Ixta x'aji.

Gn 7:21

'Ixta 'ix 'aj xcham smasnil 'anma 'ay 'a sat lum lum tic, yet' smasnil no noc', no ch'ic, no cajb'en noc', no calte'al noc', yet' no tzjuc sb'a 'a sat lu'um.

Lv 11:20

Yet' pax smasnil no cotc noc' tzjen̈wi mto tzb'ey xecxnoc 'a sat lu'um, may sleyl tze chi no', yowlal tzeyojquej 'eli chajtlto yajb'il 'el no'.

Lv 11:23

Palta ax smasnil no cotc noc' tz'ec' jen̈n̈oc mto tzb'ey 'a sat lu'um, a no cha, may sleyl tze chi no', yowlal tzeyojquej 'eli chajtlto yajb'il 'el no'.

Lv 11:29

An̈jtona smasnil no noc' tzjucsb'a 'a sat lu'um, caw man̈ wach'c no', atn no tic: no chaclajway, no ch'o'ow, no pajtza' yet' smasnil no tzjucsb'a, no q'uix'uchum, no 'ayin, no lagarto, no 'intam, no patix, yet' no tzaljcab'.