Lv 11:39 - Chuj San Sebastian Bible

³⁹ Q'uinloc 'ay mach 'aj tzcham junc no noc', no to tzchix xoni; a mach tzyamn sniwnal no chamnc noc' cha, man̈ wach'c tz'ajcn jun 'anma chi yuj no', masnto yic tzq'uic'b'i.

Chuj San Mateo Bible

³⁹ Q'uinaloc scham junoc noc' noc' to schiji, a mach syaman noc', man̈ vach'oc tz'ajcani masanto sq'uic'b'icanemi.

Lv 11:39 ပူးပေါင်းရင်းမြစ်များ

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Lv 11:24

Toto tzeyam jun tzo'n̈ no noc' tic, caw man̈ wach'c tzex 'ajcni. Tzann̈j mach tzyamn sniwnal junc chamnc noc', caw man̈ wach'c tz'ajcn yu'uj, masnto yic tzq'uic'b'i.

Lv 11:28

'Ixta pax junc mach tzsi'n chan̈ sniwnal junc no chamnc noc' cha, yowlal tzju'l spichul, palta man̈ wach'c tz'ajcn yu'uj, masnto yic tzq'uic'b'i, yujto man̈ wach'c jun tzo'n̈ noc' cha.

Lv 11:31

A smasnil no tic, man̈ wach'c no'. Tzann̈j mach tzyamn junc no noc' tic 'a yic chamnc xo, man̈ wach'c tz'ajcni, masnto yic tzq'uic'b'i.

Lv 11:38

Palta q'uinloc a jun c'ajoc 'in̈t lab'b'il xo 'aj tz'em junc no chamnc noc' chi 'a yib'an̈, a jun tzo'n̈ 'in̈t cha, man̈x wach'oc.

Lv 11:40

A mach tzchin schib'jal no chamnc noc' cha, a jun cha, yowlal tzju'l spichul, yujto man̈ wach'oc, masnto yic tzq'uic'b'i. A mach tz'i'n 'el jun chamnc noc' cha, yowlal tzju'l pax spichul, yujto man̈ wach'c tz'aj yuj no' masnto yic tzq'uic'b'i.

Lv 14:46

Tzann̈j mach tz'och 'a yol jun n̈a chi 'a yol uque c'u cha, 'a yic tox 'ix yal win ya'mal 'och sti eb' 'anma to tzmacx cani, a jun cha, caw man̈ wach'c tz'ajcn 'icha yaln sleyal, masnto yic tzq'uic'b'i.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.

Lv 15:5

Tzann̈j mach tzyamn junc waynub' chi 'aj tzway jun winc cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 15:7

Tzann̈j mach tzyamn junc winc to 'ay tas tz'el 'a swincal cha, yowlal tzju'l spichul, tz'achn paxi, palta mant wach'oc masnto yic tzq'uicb' 'ejmi.

Lv 16:26

Ax win tz'at 'a'noc can no chiwo chi 'a lum cusltac lum cha, a yic tzjawi, yowlal tzju'l win spichul, tz'achn paxi. 'Ixta to b'i'an, tztac' yochx win 'a yol camplamento.

Lv 17:15

Tzann̈j israelal mto chuc chon̈b'al tzchin schib'jal junc no noc' mun tzchami, mto a junc no calte'al noc' tzmilni, yowlal tzju'l jun 'anma chi spichul, tz'achn paxi, palta mant wach'oc masnto yic tzq'uic'b' 'ejmi. Tz'e'cn jun cha, 'ixta to b'i'an tzb'ox can paxi.

Lv 22:4

May cab' junc eb' yin̈tl Aarón 'aych lepra 'a sniwnal, mto tztob' yin̈tl 'a swincal, tzc'uxn tas to wic yaji, palta masnto tzb'ox sc'ojol, 'ixta to b'i'an, tztac' sc'uxni. Toto 'ay mach tzyamn junc tas man̈ wach'oc, yuj junc chamnc 'anma', mto tzyam junc mach tztob' yin̈tl 'a swincal,

Lv 22:6

Toto man̈ wach'c yaji, matz tac' sc'uxn tas to wic yaji, masnto yic tzq'uic'b' 'ejmi, tz'achn can paxi.

Lv 22:8

An Jehová in, an tzwala. Matz tac' schin schib'jal no noc' mun tzchami, mto junc no tzmilx cham yuj junc no calte'al noc', sec wach' matz yixtj 'el sb'a yuj no chib'j cha.

Nm 19:11

A mach tzyamn sniwnal junc chamnc 'anma', a jun cha, man̈ wach'c tz'ajcn 'a uque c'ual, 'icha wal yaln ley.

Nm 19:16

A mach tzyamn sniwnal junc chamnc 'anma yec' 'a sti 'el chon̈ab', junc tzmilx chamoc mto mun tzchami, mto junc sb'acl chamnc 'anma', mto pax junc yet'l junc chamnac, a jun tzyamn cha, man̈ wach'c tz'ajcn 'a uque c'ual.

Nm 19:7

Tzlajw cha, tzju'n 'el win spichul, tz'achn paxi, 'ixta to b'i'an, tztac' yoch 'a yol camplamento cha, wach'xam mant wach'c wal 'icha yaln ley, to masnto 'a yic tzq'uic'b'i.