Lv 11:32 - Chuj San Sebastian Bible

³² Q'uinloc 'ay junc tas 'aj tz'em no chamnc noc' chi 'a yib'an̈, a jun tzo'n̈ cha, man̈ wach'c tz'ajcn yuj no'. 'Icha junc te yamc'ab', junc pichul, junc tz'u'um, junc coxtal, junc yamc'ab' yic munljel. A jun tzo'n̈ cha, yowlal tzlab'x 'ejm 'a yol a', yujto man̈ wach'c tz'ajcn yu'uj, masnto tzq'uic'b'i; tzlajw to chi b'i'an tzb'ox cani.

Chuj San Mateo Bible

³² Q'uinaloc ay junoc tas b'aj tz'em noc' chamnac noc' chi', a jun chi', man̈ vach'oc tz'ajcani, icha yalan ley: Vach'chom a junoc te te', junoc pichul, junoc tz'uum, junoc coxtal, ma junoc yamc'ab' yic munlajel, tato tz'em junoc noc' chamnac noc' chi' d'a yib'an̈, yovalil slab'chajem d'a scal a a'. Palta manto vach'oc tz'ajcani, masanto sq'uic'b'iemi, ichato chi' vach' tz'ajcani.

Lv 11:32 ပူးပေါင်းရင်းမြစ်များ

Lv 11:31

A smasnil no tic, man̈ wach'c no'. Tzann̈j mach tzyamn junc no noc' tic 'a yic chamnc xo, man̈ wach'c tz'ajcni, masnto yic tzq'uic'b'i.

Lv 14:46

Tzann̈j mach tz'och 'a yol jun n̈a chi 'a yol uque c'u cha, 'a yic tox 'ix yal win ya'mal 'och sti eb' 'anma to tzmacx cani, a jun cha, caw man̈ wach'c tz'ajcn 'icha yaln sleyal, masnto yic tzq'uic'b'i.

Lv 15:12

Toto 'ay junc lum chen tzyam jun winc 'ay tas tz'el 'a cha, yowlal tzma'x poj lu'um, toto te yamc'ab' jun, ton̈j tzb'icx 'eli.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.

Lv 16:26

Ax win tz'at 'a'noc can no chiwo chi 'a lum cusltac lum cha, a yic tzjawi, yowlal tzju'l win spichul, tz'achn paxi. 'Ixta to b'i'an, tztac' yochx win 'a yol camplamento.

Lv 17:15

Tzann̈j israelal mto chuc chon̈b'al tzchin schib'jal junc no noc' mun tzchami, mto a junc no calte'al noc' tzmilni, yowlal tzju'l jun 'anma chi spichul, tz'achn paxi, palta mant wach'oc masnto yic tzq'uic'b' 'ejmi. Tz'e'cn jun cha, 'ixta to b'i'an tzb'ox can paxi.

Lv 22:6

Toto man̈ wach'c yaji, matz tac' sc'uxn tas to wic yaji, masnto yic tzq'uic'b' 'ejmi, tz'achn can paxi.

Lv 6:28

An̈jtona lum chen 'aj tz'an̈x no xajmb'al cha, yowlal tzma'x poj lu'um. Palta toto a 'a yojl junc q'uen chen bronce tz'an̈xi, cojn to tzjosx 'el slumal, caw wach' tz'aj sb'icx 'eli.

Nm 19:15

Smasnil lum chen mto lum xalu, man̈ wach'c yaj q'ue smacl sti', an̈jtona man̈ wach'c tz'ajcni.

Nm 19:7

Tzlajw cha, tzju'n 'el win spichul, tz'achn paxi, 'ixta to b'i'an, tztac' yoch 'a yol camplamento cha, wach'xam mant wach'c wal 'icha yaln ley, to masnto 'a yic tzq'uic'b'i.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Tito 3:5

Yuj cha, on̈ colchj yu'uj. Man̈ yujoc junc tas wach' xqui b'o'o, on̈ colchji. Palta yujn̈ej to a Dios, 'ix 'o'ch sc'ojl 'ayon̈. A yic on̈ sacb'tzan yuj qui mul, 'icha to on̈ 'alj pax 'a scha'ejmal. Yuj Yespíritu 'ix jelmj qui nab'en.