Lv 11:27 - Chuj San Sebastian Bible

²⁷ Tzann̈j noc'l to chan̈e yoc, niwn pax sc'ab', a jun tzo'n̈ noc' cha, may sleyl tze chi no'. A mach tzyamn junc no noc' chi 'a yic chamnc xo no', caw man̈ wach'c tz'ajcni, masnto yic tzq'uic'b'i.

Lv 11:27 ပူးပေါင်းရင်းမြစ်များ

Lv 11:20

Yet' pax smasnil no cotc noc' tzjen̈wi mto tzb'ey xecxnoc 'a sat lu'um, may sleyl tze chi no', yowlal tzeyojquej 'eli chajtlto yajb'il 'el no'.

Lv 11:23

Palta ax smasnil no cotc noc' tz'ec' jen̈n̈oc mto tzb'ey 'a sat lu'um, a no cha, may sleyl tze chi no', yowlal tzeyojquej 'eli chajtlto yajb'il 'el no'.

Lv 11:26

A smasnil no noc' 'ay yech, man̈ chaxaln̈oc yech no cha, matz jax pax no yan̈, a jun tzo'n̈ noc' cha, yowlal tzeyojquej 'eli chajtlto may sleyl tze chi no'. Tzann̈j mach tzyamn no', caw man̈ wach'c tz'ajcni.

Lv 11:28

'Ixta pax junc mach tzsi'n chan̈ sniwnal junc no chamnc noc' cha, yowlal tzju'l spichul, palta man̈ wach'c tz'ajcn yu'uj, masnto yic tzq'uic'b'i, yujto man̈ wach'c jun tzo'n̈ noc' cha.

Lv 14:46

Tzann̈j mach tz'och 'a yol jun n̈a chi 'a yol uque c'u cha, 'a yic tox 'ix yal win ya'mal 'och sti eb' 'anma to tzmacx cani, a jun cha, caw man̈ wach'c tz'ajcn 'icha yaln sleyal, masnto yic tzq'uic'b'i.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.

Lv 16:26

Ax win tz'at 'a'noc can no chiwo chi 'a lum cusltac lum cha, a yic tzjawi, yowlal tzju'l win spichul, tz'achn paxi. 'Ixta to b'i'an, tztac' yochx win 'a yol camplamento.

Lv 17:15

Tzann̈j israelal mto chuc chon̈b'al tzchin schib'jal junc no noc' mun tzchami, mto a junc no calte'al noc' tzmilni, yowlal tzju'l jun 'anma chi spichul, tz'achn paxi, palta mant wach'oc masnto yic tzq'uic'b' 'ejmi. Tz'e'cn jun cha, 'ixta to b'i'an tzb'ox can paxi.

Lv 22:6

Toto man̈ wach'c yaji, matz tac' sc'uxn tas to wic yaji, masnto yic tzq'uic'b' 'ejmi, tz'achn can paxi.

Nm 19:7

Tzlajw cha, tzju'n 'el win spichul, tz'achn paxi, 'ixta to b'i'an, tztac' yoch 'a yol camplamento cha, wach'xam mant wach'c wal 'icha yaln ley, to masnto 'a yic tzq'uic'b'i.