Lv 11:25 - Chuj San Sebastian Bible

²⁵ Tzann̈j mach tzsi'n chan̈ sniwnal junc no chamnc noc', yowlal tzju'l spichul, palta man̈ wach'c tz'ajcn yu'uj masnto yic tzq'uic'b'i.

Lv 11:25 ပူးပေါင်းရင်းမြစ်များ

Salmos 51:2

B'icl in maysch'olnilal, sacb'tzej in 'a scal in mul,

Salmos 51:7

'Ijcan 'el in mul, sec tzin b'ox can 'el'chi. B'icn can 'eli, sec yel xo sac tzin 'ajcn 'icha q'uen sacb'acum.

Ex 19:10

Yuj cha, 'ix yaln Jehová 'ixtc 'a 'a: —'Ixic, 'at al 'a eb' chon̈b' cha, to tzb'o sb'a eb' ticnec, yet' q'uic'an, tzju'n pax 'el eb' spichul, yujto 'oj 'och eb' 'emmquilal 'ayin.

Ex 19:14

Xlajw cha, xpax 'emt Moisés 'a sjolm lum witz cha, 'ix wul yalnc 'a eb' yit chon̈b' cha, sec tzb'o sb'a eb', tzju'n pax 'el eb' spichul, yic tz'och eb' 'emmquilal 'a Dios.

Lv 11:24

Toto tzeyam jun tzo'n̈ no noc' tic, caw man̈ wach'c tzex 'ajcni. Tzann̈j mach tzyamn sniwnal junc chamnc noc', caw man̈ wach'c tz'ajcn yu'uj, masnto yic tzq'uic'b'i.

Lv 11:26

A smasnil no noc' 'ay yech, man̈ chaxaln̈oc yech no cha, matz jax pax no yan̈, a jun tzo'n̈ noc' cha, yowlal tzeyojquej 'eli chajtlto may sleyl tze chi no'. Tzann̈j mach tzyamn no', caw man̈ wach'c tz'ajcni.

Lv 11:28

'Ixta pax junc mach tzsi'n chan̈ sniwnal junc no chamnc noc' cha, yowlal tzju'l spichul, palta man̈ wach'c tz'ajcn yu'uj, masnto yic tzq'uic'b'i, yujto man̈ wach'c jun tzo'n̈ noc' cha.

Lv 11:40

A mach tzchin schib'jal no chamnc noc' cha, a jun cha, yowlal tzju'l spichul, yujto man̈ wach'oc, masnto yic tzq'uic'b'i. A mach tz'i'n 'el jun chamnc noc' cha, yowlal tzju'l pax spichul, yujto man̈ wach'c tz'aj yuj no' masnto yic tzq'uic'b'i.

Lv 13:6

Ax yic tzlajw pax uque xo c'u cha, tz'ilx pax yuj win ya'mal 'och sti eb' 'anma chi jun 'ejm xo. Toto a jun yab'il cha, wan xo sati, matz b'ey 'a stz'umal, toto 'ixta', tzyaln winac to man̈ lepraoc jun yab'il cha, comn yab'iln̈ej. Tzju'n 'el jun 'anma chi spichul. 'Ixta to b'i'an, tztac' yochx 'a scal eb' yit chon̈ab'.

Lv 14:46

Tzann̈j mach tz'och 'a yol jun n̈a chi 'a yol uque c'u cha, 'a yic tox 'ix yal win ya'mal 'och sti eb' 'anma to tzmacx cani, a jun cha, caw man̈ wach'c tz'ajcn 'icha yaln sleyal, masnto yic tzq'uic'b'i.

Lv 14:47

A mach tzwa'i mto tzway 'a yol jun n̈a cha, yowlal tzju'l spichul, sec tzb'ox cani.

Lv 14:8

A mach 'aj tz'ec' jun yab'il cha, yowlal tzju'l spichul, tz'achni, tzjoxn pax 'el sb'a, yic tzb'ox can 'el'chi, sec tztac' yochx 'a yol camplamento, palta uque to c'u tzcan 'a spatc 'el smantiado.

Lv 15:13

A yic tzb'ox sc'ojl junc winc chi yuj tas tz'el 'a 'a, yowlal tzb'is uque c'ual yic tzb'ox can sc'ojol. Tzlajw cha, tzju'n 'el spichul, tz'achn pax 'a junc spac'b'a', sec tzb'ox can 'el'chi.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.

Lv 15:5

Tzann̈j mach tzyamn junc waynub' chi 'aj tzway jun winc cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 16:26

Ax win tz'at 'a'noc can no chiwo chi 'a lum cusltac lum cha, a yic tzjawi, yowlal tzju'l win spichul, tz'achn paxi. 'Ixta to b'i'an, tztac' yochx win 'a yol camplamento.

Lv 16:28

A win tz'a'n tz'a no cha, yowlal tzju'l win spichul, tz'achn paxi, 'ixta to b'i'an, tztac' yochx 'a yol camplamento cha.

Lv 17:15

Tzann̈j israelal mto chuc chon̈b'al tzchin schib'jal junc no noc' mun tzchami, mto a junc no calte'al noc' tzmilni, yowlal tzju'l jun 'anma chi spichul, tz'achn paxi, palta mant wach'oc masnto yic tzq'uic'b' 'ejmi. Tz'e'cn jun cha, 'ixta to b'i'an tzb'ox can paxi.

Lv 22:6

Toto man̈ wach'c yaji, matz tac' sc'uxn tas to wic yaji, masnto yic tzq'uic'b' 'ejmi, tz'achn can paxi.

Zacarías 13:1

A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Nm 19:10

A mach tz'i'n 'el jun tan̈ cha, yowlal tzju'l spichul, tz'achn paxi, palta man̈ wach'oc masnto yic tzq'uic'b'i. A jun tic ley tz'ajcn 'ayx ax israel ex tic 'a jun 'ejmn̈ej, yet' 'a eb' chuc chon̈b'al cajn 'ec' 'a e cal.

Nm 19:19

A junc mach wach' yaj cha, a tzicn 'och a a chi 'a jun man̈ wach'c yaj cha, 'a schab'jial tzicx 'och a 'a 'a, ax 'a yucl c'u cha, ax sb'ox can 'el'chi. A junc 'anma man̈ wach'c yaj cha, tzju'l spichul, tz'achn paxi, sec tzb'oxcan yuj a a cha. Palta man̈ wach'oc masnto yic tzq'uic'b'i.

Nm 19:7

Tzlajw cha, tzju'n 'el win spichul, tz'achn paxi, 'ixta to b'i'an, tztac' yoch 'a yol camplamento cha, wach'xam mant wach'c wal 'icha yaln ley, to masnto 'a yic tzq'uic'b'i.

Nm 19:8

Ax win winc tz'a'n tz'a no wacx cha, yowlal tzju'l pax win spichul, tz'achn can paxi, palta man̈ wach'c jun winc cha, masnto yic tzq'uic'b'i.

Nm 31:24

Ax 'a yucl c'ul cha, tze ju'l e pichul. 'Ixta tzex 'aj e b'ox cani. 'Ixta to b'i'an, tztac' eyochx 'a yol camplamento, xchi Eleazar.

Jn 13:8

—Palta may xon b'a'n̈ 'oj wac' a b'icl woc tic, xchi Pedro cha. —Toto matz ac' in b'icl jun, to 'ixta', toxn may aln ec wet'oc, xchi Jesús 'a 'a.

A Tas Sc'ulejnac Eb' Schecab' Jesús Hechos 22:16

A ticnec, ¿tas tza tan̈wej? Q'uen̈ wa'an, 'ac' 'ajxc bautisar a b'a. Al a b'a 'a Jesucristo, sec 'oj 'ajxc can lajwc a mul, xchi win Ananías chi 'ayin.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

A Sb'ab'el Carta San Pedro 3:21

A jun a cha, ch'oxnb'il yaji. Yujto a jun a yic bautismo, tzon̈ colchjec yuj ticnec. A jun bautismo tic, man̈ yopisooc yi'n 'el slumal qui niwnal. Palta yu'uj, tzqui c'annec 'a Dios to tzwach' b'o qui nab'en. Tzon̈ colchjec, yujto pitzwnac pax Jesucristo,

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.