Lv 11:24 - Chuj San Sebastian Bible

²⁴ Toto tzeyam jun tzo'n̈ no noc' tic, caw man̈ wach'c tzex 'ajcni. Tzann̈j mach tzyamn sniwnal junc chamnc noc', caw man̈ wach'c tz'ajcn yu'uj, masnto yic tzq'uic'b'i.

Chuj San Mateo Bible

^24-28 Tato tze yam juntzan̈ noc' noc' sval tic ayic chamnacxo noc', man̈ vach'oc tzex ajcani icha yalan ley, masanto sq'uic'b'iemi. Masanil noc' noc' ay yech palta man̈ chaxechan̈oclaj, max sjaxpax yan̈, a juntzan̈ noc' chi' nachajocab' el eyuuj to man̈ vach'oc noc'. Yaln̈ej tas noc'al to chan̈e' yoc palta tzijtum yech mocab' vach'oc noc' d'a yol e sat. Yuj chi' yaln̈ej mach syaman junoc noc' noc' chi' tato chamnacxo noc', man̈ vach'oc tz'ajcani, icha yalan ley. Icha pax chi' junoc mach tz'ic'anchaan̈ noc' chamnac noc' chi', yovalil sjuq'uel spichul, palta manto vach'oc tz'ajcani masanto sq'uic'b'iemi. Man̈ vach'oc juntzan̈ noc' chi' icha yalan ley.

Lv 11:24 ပူးပေါင်းရင်းမြစ်များ

Is 22:14

Ax Jehová tztac' yuj smasnil, a 'ix sch'ox sb'a 'ayin, 'ix yaln 'ayn 'ixtc 'a stojlal: Ma'oj wac' niwnc'ojlal 'a eb' 'anma tic yuj stenmtacl cha, palta to 'oj cham eb' yu'uj, xchi.

Lv 11:23

Palta ax smasnil no cotc noc' tz'ec' jen̈n̈oc mto tzb'ey 'a sat lu'um, a no cha, may sleyl tze chi no', yowlal tzeyojquej 'eli chajtlto yajb'il 'el no'.

Lv 11:25

Tzann̈j mach tzsi'n chan̈ sniwnal junc no chamnc noc', yowlal tzju'l spichul, palta man̈ wach'c tz'ajcn yu'uj masnto yic tzq'uic'b'i.

Lv 11:31

A smasnil no tic, man̈ wach'c no'. Tzann̈j mach tzyamn junc no noc' tic 'a yic chamnc xo, man̈ wach'c tz'ajcni, masnto yic tzq'uic'b'i.

Lv 11:8

Matz tac' e chin jun tzo'n̈ no noc' tic, caw matz tac' eyamn pax no 'a yic chamnc xo no'.

Lv 14:46

Tzann̈j mach tz'och 'a yol jun n̈a chi 'a yol uque c'u cha, 'a yic tox 'ix yal win ya'mal 'och sti eb' 'anma to tzmacx cani, a jun cha, caw man̈ wach'c tz'ajcn 'icha yaln sleyal, masnto yic tzq'uic'b'i.

Lv 15:10

Tzann̈j mach tzyamn junc tas 'aj tz'em wocn jun winc 'ay tas tz'el 'a 'a, a jun cha, mant wach'oc masnto yic tzq'uic'b' 'ejmi. Tzann̈j mach tz'i'n 'at junc tas cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 15:11

Toto a jun winc 'ay tas tz'el 'a cha, mantzac sb'ic sc'ab' yic tzyamn junc xo mach, a jun 'anma tzyam cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.

Lv 15:21

Tzann̈j mach tzyamn junc tas 'aj tzway 'ix cha, mto tzyam junc tas 'aj tz'em wocn 'ix, a jun cha, man̈ wach'c tz'ajcni. Yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 15:27

Tzann̈j mach tzyamn jun tzo'n̈ cha, man̈ wach'c tz'aji, yuj cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 15:5

Tzann̈j mach tzyamn junc waynub' chi 'aj tzway jun winc cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 15:6

Tzann̈j mach tz'em wocn 'a 'aj tz'em wocn jun winc cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 15:7

Tzann̈j mach tzyamn junc winc to 'ay tas tz'el 'a swincal cha, yowlal tzju'l spichul, tz'achn paxi, palta mant wach'oc masnto yic tzq'uicb' 'ejmi.

Lv 15:8

Toto a jun winc 'ay tas tz'el chi 'a 'a, tzub'wj 'och 'a junc xo mach, ax jun mach 'aj tz'och stzub' cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 16:26

Ax win tz'at 'a'noc can no chiwo chi 'a lum cusltac lum cha, a yic tzjawi, yowlal tzju'l win spichul, tz'achn paxi. 'Ixta to b'i'an, tztac' yochx win 'a yol camplamento.

Lv 16:28

A win tz'a'n tz'a no cha, yowlal tzju'l win spichul, tz'achn paxi, 'ixta to b'i'an, tztac' yochx 'a yol camplamento cha.

Lv 22:4

May cab' junc eb' yin̈tl Aarón 'aych lepra 'a sniwnal, mto tztob' yin̈tl 'a swincal, tzc'uxn tas to wic yaji, palta masnto tzb'ox sc'ojol, 'ixta to b'i'an, tztac' sc'uxni. Toto 'ay mach tzyamn junc tas man̈ wach'oc, yuj junc chamnc 'anma', mto tzyam junc mach tztob' yin̈tl 'a swincal,

Lv 22:5

mto junc mach tzyamn junc no noc' tzjucsb'a 'a sat lu'um, atn no man̈ wach'c 'icha yaln ley, a jun tzyamn no cha, tzjuw can 'eli, man̈ wach'c tz'ajcn yuj tas tzyam cha.

Lv 22:6

Toto man̈ wach'c yaji, matz tac' sc'uxn tas to wic yaji, masnto yic tzq'uic'b' 'ejmi, tz'achn can paxi.

Lv 5:2

Q'uinloc 'ay junc mach tzyamn junc tas man̈ wach'oc, mto tztench sb'a 'a sniwnal junc no chamnc noc', wach'xam calte'al noc', mto cajb'il noc', mto junc no tzjucsb'a 'a sat lu'um, a jun 'anma cha, man̈ wach'c tz'ajcn yuj jun cha. Tz'ochcn jun chi smuloc, wach'xam mantzac yil cot sb'a.

Lv 7:21

A junc 'anma tzyamn junc tas to man̈ wach'c 'a sat ley, junc tas 'ay 'a sniwnal junc 'anma', mto 'a junc no noc', junc tas yajb'il wu'uj, tzlajw cha, tzchin pax schib'jal no xajmb'al yic junc'ojlal tz'ajx 'ayin, a jun 'anma cha, yowlal tz'ijx 'el 'a e cal, xchi Dios 'a Moisés.

Nm 19:7

Tzlajw cha, tzju'n 'el win spichul, tz'achn paxi, 'ixta to b'i'an, tztac' yoch 'a yol camplamento cha, wach'xam mant wach'c wal 'icha yaln ley, to masnto 'a yic tzq'uic'b'i.

1 Co 15:33

Caw man̈ e cha 'ixtxoc paxti e b'a yuj junc 'es. Toto 'ay eb' maysch'olnil jun tzon̈ 'ec' yet'oc, 'oj juwc 'el qui wach' b'eyb'alec yuj eb'.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

Ef 5:11

Man̈ eya't e b'a 'a scal jun tzo'n̈ tas tzlaj sb'o eb' q'uic'q'uinl to yaj spixan, yujto a jun tzo'n̈ tas tzlaj sb'o eb', may jac yopiso. Yel xo wach' tzeyal-li, tze ch'oxli, to may yel'ch jun tzo'n̈ cha.

A Scarta San Pablo D'a Eb' Aj Colosas 2:20

A ticnec, chamnc on̈c yet' Cristo 'a sat Dios, man̈x 'a yel'ch jun tzo'n̈ comn cuynb'il yic yolyib'n̈q'uinl tic 'ayn̈ec. Yuj cha, ¿tas yuj an̈j 'ijnoc e b'eylb'an sb'eyb'al eb' yic yolyib'n̈q'uinl tic? ¿Tas yuj an̈ja tzeya'ch e nab'en 'a jun tzo'n̈ comn checnb'il yic eb' 'anma'?

A Ch'an̈ Carta D'a Eb' Hebreo 9:26

Q'uinloc man̈toc jun 'ejmn̈ej xyac' sb'a Cristo xajmb'alil. Toto 'ixta', tecn yowlal caw niwn 'ejm chamnac, yictax sb'ocn yolyib'n̈q'uinl tic. Yujto a 'a yic jun slajb' tiempoal tic, cojn jun 'ejm wulnc 'eq'ui. Caw a ya'jnac sb'a xajmb'alil, yic yi'n 'el qui mul 'ayn̈ec.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.