Lv 11:2 - Chuj San Sebastian Bible

^2-3 Alc yab' smasnil eb' eyit israelal cha, to a 'a scal smasnil no noc' 'ay 'a sat lum lum tic, 'ay no wach' e chini: atn no tzjax yan̈, no chaxaln̈ cab' yech.

Chuj San Mateo Bible

² Alec d'a masanil eb' eyetchon̈ab' to a d'a scal masanil noc' noc' ay d'a sat luum tic, aton juntzan̈ noc' tic syal e chi'ani:

Lv 11:2 ပူးပေါင်းရင်းမြစ်များ

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Dn 1:8

A win Daniel cha, 'ix sna sb'a winac to man̈ wach'c tzcan win 'a sat Dios toto tzc'ux win tas tzc'ux win rey, yet' yal uva tzyu'j winac. Yuj cha, 'ix tew 'och win 'a win Aspenaz cha, chajtlto matz tz'ajx pural sc'uxn jun tzo'n̈ cha yic matz 'och smul.

Lv 11:1

'Ix yaln Jehová 'a Moisés yet' 'a Aarón 'ixtic:

Lv 11:11

Man̈ e chi schib'jal no', yujto yajb'il 'el no', caw matz tac' eyamn pax no', yic chamnc xo no'.

Lv 11:13

'Ixta pax 'a scal no ch'ic, may sleyl tze chi jun tzo'n̈ no 'oj wal tic, yowlal tzeyojquej 'eli, to yajb'il 'el e no': no salt'iw, no niwc xulem, no salt'iw yic a mar, no milano, smasnil no niwc c'uc'um, smasnil no joj, no avestruz, no tonton, no gaviota, smasnil no salc'uc'um, no cujub', no cormorán, no ibis, no cisne, no pelícano, no 'usej, no cigüeña, smasnil no julm chay, no abubiya yet' no sotz'.

Lv 11:21

Palta ax no 'ay yip yoc sb'atjchan̈ 'a sat lu'um, wach'xam tzjen̈w no', wach'xam tzb'ey pax no 'a sat lu'um, tztac' e chin no'.

Lv 11:29

An̈jtona smasnil no noc' tzjucsb'a 'a sat lu'um, caw man̈ wach'c no', atn no tic: no chaclajway, no ch'o'ow, no pajtza' yet' smasnil no tzjucsb'a, no q'uix'uchum, no 'ayin, no lagarto, no 'intam, no patix, yet' no tzaljcab'.

Lv 11:34

Smasnil tas wach' sc'uxx 'aj tz'ejm a a 'ay 'a yojl lum chen cha, man̈ wach'c tz'ajcn yu'uj. Mto 'ay 'ejm 'uc'b'il 'ixm 'a yol jun chen cha, an̈jtona man̈ wach'c tz'ajcn yu'uj.

Lv 11:39

Q'uinloc 'ay mach 'aj tzcham junc no noc', no to tzchix xoni; a mach tzyamn sniwnal no chamnc noc' cha, man̈ wach'c tz'ajcn jun 'anma chi yuj no', masnto yic tzq'uic'b'i.

Lv 11:4

Palta 'ay jun tzo'n̈ xo no 'oj wal tic, ma'oj stac' e chin no', wach'xam tzjax no yan̈, toto man̈ chaxaln̈oc yech no', yowlal tzeyojquej 'eli, to may sleyl tzchix no': no cameyo tzjax no yan̈, palta man̈ chaxaln̈oc yech no'; no chich tzjax no yan̈, palta niwn yech no'; no liebre tzjax no yan̈, palta niwn yech no'; no chitam chaxaln̈ yech no', palta matz jax no tas tzc'uxu.

Lv 11:9

Ax pax no 'ay 'a yojl a', no 'ay 'a yojl a mar mto 'a yojl a b'eymal a', a no 'ay sma'lab' yet' no 'ay solcal, cojn no tztac' e chini.

Mt 15:11

A jun tzo'n̈ tas tz'och 'a qui ti', matz on̈ juw yuj 'a sat Dios. Palta a jun tzo'n̈ tas tz'elt 'a qui ti', a tzon̈ 'a'n juwc 'eli, xchi 'a eb'.

A Ch'an̈ Carta D'a Eb' Hebreo 13:9

Man̈ e cha 'ijxoc 'at e b'a yuj jun tzo'n̈ tzann̈j chuc cuynb'ilal tzalxi. Caw wach' toto tz'ajx ste'nal qui nab'enec yuj swach'c'ojlal Dios tzyac' 'ayn̈ec. Al jun tzo'n̈ comn checnb'il tzyal yuj tas tzqui c'uxu, matz tac' tzte'nb'i qui nab'enec yu'uj. Yujto a jun tzo'n̈ checnb'il cha, may jac yopiso sb'on snab'en eb' tzb'eylb'ani.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.