Lv 11:13 - Chuj San Sebastian Bible

^13-19 'Ixta pax 'a scal no ch'ic, may sleyl tze chi jun tzo'n̈ no 'oj wal tic, yowlal tzeyojquej 'eli, to yajb'il 'el e no': no salt'iw, no niwc xulem, no salt'iw yic a mar, no milano, smasnil no niwc c'uc'um, smasnil no joj, no avestruz, no tonton, no gaviota, smasnil no salc'uc'um, no cujub', no cormorán, no ibis, no cisne, no pelícano, no 'usej, no cigüeña, smasnil no julm chay, no abubiya yet' no sotz'.

Chuj San Mateo Bible

¹³ An̈eja' pax d'a scal noc' much, man̈ ol yal-laj e chi'an juntzan̈ noc' ol val tic, yujto man̈ vach'oc noc': Icha noc' d'iv, noc' vacavoc, noc' ch'acb'a yic a a',

Lv 11:13 ပူးပေါင်းရင်းမြစ်များ

Job 28:7

A jun b'e yic minas cha, may junc no ch'ic, may pax junc no 'usj 'ojtnac.

Job 38:41

¿Mach tz'a'n tas tzc'ux e no joj tza na'a, yic tz'ec' saync e no tas tzc'ux e no cotac, yic tz'el yaw e no sc'ann tas tzc'ux 'ayin?

Jeremías 4:13

'Ix yaln pax Jehová 'ixtic: 'Iltec wal scot eb' 'ajc'ojol, lajn wal scot eb' 'icha junc 'asun. A wal scaruaje eb', lajn sb'ey 'icha junc chacxuxm 'ic'. 'Ec'b'al sb'ey schej eb' 'a no salt'iw. Alc 'ixtic: ¡'Oltacn̈ec wal an̈ec tic, caw wal 'oj qui satc 'eli! xe chi.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Jeremías 48:40

Tzyaln Jehová pax 'ixtic: A jun 'ajc'ojl yajch 'a Moab, 'ix c'och lemnjoc 'a 'a, 'icha sc'och jen̈n̈oc junc no c'uc'um.

Lm 4:19

A eb' tzon̈ pechn b'eyc'oc on̈, yel xo jeln sb'ey eb' 'a no c'u'm tz'ec' 'a satcha'an̈. Tzon̈ spech eb' 'a lum jolmctac witz on̈, tzon̈ smac eb' 'a lum cusltac lum on̈.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Lv 11:11

Man̈ e chi schib'jal no', yujto yajb'il 'el no', caw matz tac' eyamn pax no', yic chamnc xo no'.

Lv 11:12

Smasnil no noc' 'a yol a', no may sma'lab', yet' no may solcal, yowlal tzeyojquej 'eli, to yajb'il 'el no'.

Habacuc 1:8

Ax schej eb' tzc'ana, yel xo wal jeln sb'ey no 'a yib'n̈ no leopardo. Ax eb' soldado 'ay q'ue 'a yib'n̈ no', yel xo wal ow eb' 'a yib'n̈ no 'ocs tz'ec' 'a 'ac'wal. Caw man̈x yalnb'ilc sb'isl schej eb' cha, najtto 'ay e no', tz'at lemnjoc e no 'a owl cha, 'icha wal s'at lemnjoc no c'uc'um yic tzyamn no schib'ej.

Zacarías 5:9

'Ix wiln paxi, 'ay chawn̈ 'ix, 'ay sc'axl eb' 'icha no julm chay. 'Ix cot jen̈noc eb' xwul stza'nc eb' jun 'echtab' cha, 'ix 'atx jen̈noc eb' muc'uc.

Mt 24:28

'Icha pax 'aj tzcheclj sniwnal junc no chamnc noc', yujto ata tzyam sb'a no 'usej, 'ixta 'oj 'ajoc.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.