Lv 10:9 - Chuj San Sebastian Bible

⁹ A yic 'oj ocht ach tic, mto eb' onnal 'a yol Mantiado tic, man̈ eyuc' yal uva, mto junc xo tas jawnc xo sti', sec matz ex chami. A jun tic ley tz'ajcn 'a e cal 'a smasnil tiempo yet' 'a eb' eyin̈til.

Chuj San Mateo Bible

⁹ —Ayic ol ach och a ach tic, ma eb' uninal d'a yol mantiado b'aj tzin ch'ox in b'a, man̈ eyuc' vino, ma tastac pajb'inacxo, axo talaj tz'aji tzex chami. A jun tic ley tz'ajcan d'a e cal d'a masanil tiempo.

Lv 10:9 ပူးပေါင်းရင်းမြစ်များ

Ex 27:21

Ax Aarón yet' eb' yunnal, a eb' tz'och 'ajcuentail ya'n 'och sc'a'l jun tzo'n̈ cantil cha, sec 'ayn̈j 'och sc'a'l 'a wojltac an Jehová in tic yic tz'ec' 'ac'wl 'a yojl in Mantiado, atn 'a yojltac 'elt te cortina 'aych yen̈loc scaxail in trato. A jun tic, ley tz'ajcn 'ayx yet' 'a eb' eyin̈tl b'aq'uin̈, xchi Dios.

Pr 20:1

A eb' tz'u'w 'an̈, tzlaj b'ajwj eb', tzq'ue somnjoc eb' ya'n owal, a mach 'ay snab'en, matz ya't sb'a 'a scal 'u'l 'an̈ cha.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

Ez 44:21

May cab' junc eb' tz'uw 'an̈ yic tz'ochch 'a yojl 'och 'aj 'ay 'amc' cha.

Os 4:11

Yuj 'ajmulal yet' yuj 'u'l 'an̈, tzsat snab'en eb' 'anma'.

Lv 10:8

'Ix yaln pax Jehová 'a Aarón 'ixtic:

Lv 3:17

Man̈ e chi xepual no noc' yet' schic'l no'. A jun tic ley tz'ajcn 'ayex yet' 'a eb' eyin̈til, yaln̈j 'ajtil 'ayx 'eq'ui, xchi Dios 'a Moisés.

Nm 6:20

'Oj lajwc cha, ax sb'achn 'och win ya'mal 'och sti eb' 'anma chi jun tzo'n̈ chi 'a wojltac an Jehová in, atn sn̈i sc'ojl no xajmb'al yet' pax xub' no'. To tzsi'x can 'el jun tzo'n̈ cha, yic win ya'mal 'och sti eb' 'anma chi tz'aji. Ax yic tzlajw 'ec' jun tzo'n̈ cha, a jun xya'ch sb'a nazareoal cha, tztac' xo yu'n pax yal uva cha.

Lc 1:15

Caw niwn 'oj 'aj 'el'ch 'a sat Dios. May xon 'aj 'oj yuc' yal uva. May 'aj 'oj yuc' pax 'an̈. A yic 'oj 'aljoc, ax yochcn Yespíritu Dios 'a 'a.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.

1 Ti 3:3

Caw matz tac' yu'n eb' 'an̈. Matz tac' sma'wj pax eb'. [Matz tac' snib'n eb' yac' ganar stumn 'a spatc maysch'olnil.] Yowlal niwn tzyutj eb' sc'ojol. Matz tac' ya'n eb' owl yet' junc xo mach. Man̈ pec' tumnoc eb'.

1 Ti 3:8

Tic tzwalb't pax 'ayach, tas yowlal tzb'eylb'ej eb' diácono. Yowlal caw wach' tzyutj eb' sb'eyb'al 'a sat eb' yit 'anma'il. Man̈ chab' nab'enaloc tzyutj sb'a eb'. Caw matz tac' yu'n eb' 'an̈. Matz tac' snib'n eb' yac' ganar stumn 'a spatc maysch'olnil.

1 Ti 5:23

Tzwalb't 'aych yuj jun a c'ojol, yujto an̈ja ya. Man̈ cojnoc a a tzoq'uej, tztac' o'n jac yal uva jawnc sti', sec 'oj b'oxc a c'ojl cha.

Tito 1:7

Yujto a eb' tz'och yilmalc eb' yit creyenteal, yowlal caw wach'n̈j tzyutj eb' sb'eyb'al, yujto yilmal smunljel Dios yaj eb'. Matz tac' axn̈ej eb' tznib'j tzyal yico'. Matz tac' 'utzn tzyutj eb' sc'ojol. Matz tac' yu'n eb' 'an̈. Matz tac' sma'wj pax eb'. An̈jtona', matz tac' snib'n eb' yac' ganar stumn 'a spatc maysch'olnil.