Lv 10:4 - Chuj San Sebastian Bible

⁴ 'Ix yawtn cot Moisés win Misael yet' Elsafán, atn eb' yunnal Uziel, win yican Aarón, xyaln 'a eb' 'ixtic: —Cotn̈ec ax tic, 'ijc 'el sniwnal ewin eyican xcham 'a Mantiado tic, 'ijc 'el 'a spatquil 'el camplamento, xchi 'a eb'.

Chuj San Mateo Bible

⁴ Ix lajvi chi', axo vin̈aj Moisés chi' ix avtan vin̈aj Misael yed' vin̈aj Elzafán, eb' yuninal vin̈aj Uziel yicham vin̈aj Aarón chi', ix yalan vin̈ d'a eb' vin̈: —Nitzeccot e b'a a ex tic d'a sti' mantiado b'aj ayec' snivanil eb' e c'ab' eyoc chi', iq'uequel eb' d'a spatiquel campamento, xchi vin̈.

Lv 10:4 ပူးပေါင်းရင်းမြစ်များ

1 Cr 6:2

A eb' yunnal Coat: atn Amram, Izhar, Hebrón yet' Uziel.

Ex 33:7

'Ix xuyn chan̈ Moisés jun Mantiado yic Jehová, najt 'ix yij 'el 'a stz'ey camplamento cha, ax 'a sti 'el chi sb'ox cha'an̈. 'Ix ya'n scuch Mantiado 'aj tzqui chaj qui b'a yet' Dios. Toto 'ay mach tznib'j c'umnoc Jehová, yowlal ata tz'at 'a jun Mantiado 'ay 'a sti 'el camplamento cha.

Ex 6:18

A win Coat cha, 133 ab'il 'ix yila. Ax eb' yunnal, atn eb' tic: Amram, Izhar, Hebrón, yet' Uziel.

Ex 6:22

Eb' yunnal Uziel, atn Misael, Elzafán yet' Sitri.

Nm 3:19

A eb' yin̈tl Coat; atn Amram, Izhar, Hebrón yet' Uziel; eb' yin̈tl Merari, atn Mahli yet' Musi. A jun tzo'n̈ eb' tic, yajl yaj eb' 'a junjn macn̈ eb' yin̈tl Leví.

Nm 3:30

A mach yajl yaj 'a jun tzo'n̈ eb' tic, atn Elizafán yunnal Uziel.

Lc 7:12

Ax yic wan sc'och eb' 'a jun chon̈b' cha, 'ix yiln eb' wan s'at jun xi'lb'a mucxoc yuj eb' 'anma chi ta'. Til wal eb' 'aj chon̈b' chi wan s'at yet'oc. A win xcham cha, yune jun 'ix chamnc yichmil, cojn jun c'otn̈ yune 'ix cha.

A Tas Sc'ulejnac Eb' Schecab' Jesús Hechos 5:6

Ax jun tzo'n̈ eb' quelmtac winc xc'ochi, xit' sb'a'nc 'och eb' jun nip 'a sniwnal winac. 'Ix yi'n 'at eb', xit' smucnc can eb'.

A Tas Sc'ulejnac Eb' Schecab' Jesús Hechos 8:2

Xlajwn̈ej scham Esteban, 'ay jun tzo'n̈ winc 'aych snab'en 'a Dios, 'ix yi'n 'at eb' sniwnal, x'at smucnc eb'. Caw x'oc' eb' yu'uj.