Lv 10:3 - Chuj San Sebastian Bible

³ Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Chuj San Mateo Bible

³ Ix lajvi chi', ix yalan vin̈aj Moisés chi' d'a vin̈aj Aarón: —Aton jun tic syalelc'och slolonel Jehová ix yala': A yuj eb' tzin ac'an servil, ol in ch'ox in b'a, to A inxon̈ej ochi. A d'a masanil in chon̈ab' ol in ch'ox in tziquiquial, xchi Jehová, xchi vin̈. Ix em numnaj vin̈aj Aarón chi', man̈xalaj tas ix yal vin̈.

Lv 10:3 ပူးပေါင်းရင်းမြစ်များ

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

Job 2:10

Yuj cha, xyaln win 'ixtic: —Ach 'ix, a wal tzwab'i, lajn a paxtin yet' eb' 'ix 'ix may xon jac snab'en. An̈ tic, tox xqui chaj smasnil syaxilal Dios. ¿Tom at wal yailal ma'oj qui cha'? xchi winac. Wach'xam 'aych syailal Job, palta may tas tu 'ix yal 'a spatc Dios.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Salmos 148:14

A 'ix 'a'n qui jelnal an̈ schon̈b' on̈c tic, sec tzon̈ b'inaxec an̈ yiclum on̈c tic, yujto an̈ yin̈tl on̈c Israel tic, an̈ on̈ yijec 'ochch 'a stz'ey. ¡Alx cab' wach' paxti 'a Jehová!

Salmos 39:10

'Ijcan 'el in yailal 'ix a'chi, yujto wan in lajw 'ejm tzwab' yu'uj.

Salmos 39:9

'Icha to matz tac' in paxtini, 'ixta xwutj in b'a, may tas xwala, yujto ach xa'ch jun tzo'n̈ yailal tic 'ayin.

Salmos 46:10

'Ix yaln Dios chi 'ixtic: 'Actjec eya'n owal, 'ojquejec 'eli chajtlto an ton Dios in. 'Oj alxoc 'el wab'xil 'a jun tzo'n̈ nacion̈ 'a smasnil sat lum lum tic, to cojn in niwn wel'chi, xchi.

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

Salmos 93:5

Mamin Jehová, a wal jun tzo'n̈ a paxti tic, caw wal 'ay yip 'a jun 'ejmn̈ej. A atut niwn yel'chi yujto ecn̈ej yaj 'a smasnil tiempo.

Ex 14:17

Ax wa'n pax pitb'oc 'el snab'en eb' 'aj Egipto cha, ax cob' yochx tza'n eb' eyuj snani, atn wal ta 'oj in ch'oxn in poder 'a win rey, 'a eb' soldado, 'a smasnil jun tzo'n̈ caruaje, 'a smasnil no chej yet' pax 'a smasnil eb' 'anma ajun yet' winac.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

Ex 19:22

An̈jtona eb' ya'mal 'och sti eb' 'anma tz'ochl xon 'a in tz'ey an Jehová in, yowlal tzsacb'tzej sb'a eb'; toto ma'ay, xin milt cham eb', xchi.

Ex 19:24

'Ix yaln pax Jehová: —Paxn̈ 'ejm jun 'ejm xo, a yic tzach q'uexwuli, ajun xo cab' Aarón et'oc, ax eb' ya'mal 'och sti eb' 'anma', yet' smasnil eb' chon̈ab', matz tac' xon sc'axw 'e't eb' 'a 'ajtil 'aycn 'ejm yechl o'oj, sec matz q'uel eb' 'a 'aj 'ayn 'ec' tic; to ma'ay, xin milt cham eb', xchi Dios.

Ex 30:30

Tza tzicch pax perjuma chi 'a Aarón yet' 'a eb' yunnal, sec 'ixta tzotj a'n can 'och eb' ya'malc 'och sti eb' 'anma 'ayin.

Is 39:8

Xlajw cha, 'ix yaln Ezequías 'ixtc 'a win Isaías: —A jun paxti 'ix al 'ayn yuj Jehová, caw wal wach', xchi. 'Ix yal 'ixta', yujto a snani to 'ay junc'ojlal yic 'ayt 'och 'a yopiso cha.

Is 49:3

'Ix yaln 'ayn 'ixtic: Ach yin̈tl Israel in checb' 'aji, ojn̈ej ax checlj 'eli to niwn wel'chi, xchi.

Is 52:11

'Eln̈ecta, 'eln̈ect 'a yol schon̈b' eb' 'aj Babilonia, man̈ eyam tas man̈ wach'c 'ay 'a jun chon̈b' cha. A mach tz'i'nb'ey jun tzo'n̈ yamc'ab' yic Jehová, man̈x eya't e b'a 'a scal maysch'olnil.

Ez 20:41

A yic tox ex wij 'elt 'a jun tzo'n̈ nacion̈ cha, yet' 'a jun tzo'n̈ chon̈b' 'ajtil sactzicnac eyajcn 'at ticnec, ata 'oj in ch'ox eyila', to niwn wel'ch 'a e sat yet' 'a sat jun tzo'n̈ xo nacion̈. 'Oj ex in cha 'icha junc incienso to su'q'ui sjab'.

Ez 28:22

Al 'ixtc 'a 'a: To an Jehová in, an tzwal 'ixtic: An tzwal 'aych ach Sidón to tzin 'och 'ajc'ojlal 'ayach. O'oj ax in yi'n chan̈ jun tzo'n̈ xo chon̈b' yuj tas 'oj ach wutoc, ax yojcan 'el eb' to an ton Jehová in, to cojn in ton Dios in, a yic 'oj in b'eyc'ojlanc eb', ax scheclj chan̈ in poder 'a scal eb'.

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

Ez 40:46

Ax jun cuarto q'ueln 'at 'a stojlal norte, yic eb' ya'mal 'och sti eb' 'anma', eb' tzn̈usn no xajmb'al, atn eb' yin̈tl can Sadoc, yet' eb' yin̈tl can pax Leví, cojn eb' tztac' ya'n servil Jehová, xchi 'ayin.

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Lv 21:15

sec man̈toc comn 'anma xoj tz'aj 'el'ch eb' yin̈tl 'a scal eb' yit chon̈ab', yujto an Jehová in tic, an in si'jnac 'och wico'oc, xchi Dios, xa chi 'a eb', xchi 'a Moisés.

Lv 21:17

Al jun tic 'a Aarón: Ticnec yet' 'a yic b'aq'uin̈, may wal junc eb' yin̈tl 'ay tas palta 'a sniwnal 'oj stac' ya'n 'och 'ixm pan 'a wojltac, 'ixm tz'ajx ofrendail 'ayin.

Lv 21:21

May wal junc eb' tic 'oj stac' ya'n 'och no xajmb'al tz'a 'a wojltac an Jehová in. Toto palta sniwnal cha, matz tac' ya'n 'och 'ixm pan ofrendail 'a wojltac.

Lv 21:6

Wach' cab' tzyutj sb'a eb' 'a in sat an sDiosal in eb' tic. Man̈ cab' yac' b'uchxoc eb' in b'i, yujto a eb' tz'a'n tz'a no xajmb'al, tzya'n pax 'och eb' 'ixm pan ofrendail 'a wojltac. Yuj cha, yowlal to wach'n̈j tzyutj sb'a eb'.

Lv 21:8

'Ay cab' sjelpal eb' 'a e sat, yujto a eb' tz'a'n 'och 'ixm pan ofrendail 'a wojltac. Yuj cha, chuc cab' yel eb' 'a e sat, yujto an Jehová in tic, caw wach'nn̈ej, an xin si'cn 'el eb' sec caw wach' tz'ajcn eb'.

Lv 22:9

Al 'a eb' to tzyiclj eb' in checnb'il tic, yic wach' matz 'och smul eb', sec matz cham eb' yuj may yel'ch in checnb'il 'a sat eb'. Yujto an Jehová in, an in si'jnac 'och eb' wico'oc.

Lv 8:35

Yuj cha, uque c'u, uque 'ac'wl tzex can 'a yamq'uil Mantiado tic. Tzeyiclni smasnil jun tzo'n̈ schecnb'il Jehová, sec wach' ma'oj e chami, yujto 'ixta xyutj yaln 'ayin, xchi Moisés 'a eb'.

Nm 16:5

'Ix yaln 'ixtc 'a Coré yet' 'a smasnil eb' ajun yet' cha: —Q'ui'nto 'a yic sq'uin̈b'ial, 'oj sch'ox Jehová mach wal eb' yic cha, mach eb' to yel sic'b'il 'el yu'uj, eb' 'ay yaln yic yoch 'a yojltac yet' jun tzo'n̈ xajmb'al. A mach 'oj sch'ox 'a qui calec, atn jun chi 'oj 'a'noc 'och jun tzo'n̈ xajmb'al chi 'a yojltac.

Nm 20:12

Palta ax Jehová, 'ix yaln 'a Moisés yet' 'a Aarón 'ixtic: —Ax tic, ma'in eya'ch wal 'a e c'ojol, ma'in eyij chan̈ 'a yojltac eb' israel tic, yujn̈ej ton wal chi b'i'an, man̈xtoc ax 'oj eyi'ch eb' 'anma tic 'a sat lum lum tzwal wac' 'ayex, xchi.

Mt 10:37

A mach yel xo niwn tzchamc'ojlej smam snun 'a wib'an̈, man̈ smojc eb' yoch wico'oc. An̈jtona', a mach yel xo wal niwn tzchamc'ojlej yunnal 'a wib'an̈, man̈ smojc yoch eb' wico'oc.

Jn 12:28

Mamin, checlj cab' 'eli, chajtlto caw niwn el'chi, xchi Jesús. Xlajw cha, 'ix yab'n eb' yoch jun paxti 'a satcha'an̈, 'ix yaln 'ixtic: —Tox xin ch'oxo chajtlto niwn wel'chi. Al ticnec, 'oj in ch'ox pax jun 'ejm xo, xchi.

Jn 14:13

Tzann̈j tas 'oj e c'an 'a Dios 'a in b'i, 'oj in b'o 'ayex. 'Ixta 'oj in b'o an Yunnaln Dios tic, sec wach' 'oj checljc 'el wu'uj, to caw niwn yel'ch qui Mam Dios.

Dt 32:51

Yujto ax tic e chawn̈il, 'ix e ten tas 'ix wala, ma'ix eyij chan̈ in b'i 'a yojltac eb' eyit chon̈ab', yic 'ayx 'ec' 'a sti a a tzcuch Meriba-cades, 'a lum cusltac lum tzcuch Sin.

2 Ts 1:10

A 'a yic jun c'u yic 'oj jawc Cajlilec, caw niwn yel'ch 'oj 'aj 'a qui satc an̈ yic on̈c xo. Qui masnil an̈ creyente on̈ec, 'oj ca'c 'ejm qui b'a 'a 'a. Locn ex quet' ta 'on̈, yujto eya'jnac 'och e c'ojl 'a jun 'ab'x 'ec' caljnac 'ayx on̈.

A Sb'ab'el Carta San Pedro 4:17

Tox 'oj jawc stiempoal sb'eyc'ojlax smasnil 'anma'. An̈ec yunnaln̈ec xo Dios, 'oj qui b'ab'l b'eyc'ojlaxi. Toto tzon̈ b'ab'l b'eyc'ojlax an̈ec tic, ¿ocxom wal eb' matz yiclni xon jun wach' 'ab'x yic Dios?

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

A Ch'an̈ B'ab'el Libro Samuel 3:18

'Ix yaln Samuel smasnil tas 'ix alx chi 'a 'a, may tas 'ix sc'ub'j can 'eli. Yuj cha, xyaln Elí 'ixtc 'a 'a: —Atn ton wal Jehová 'ix alni, sb'o cab' 'icha tas tznib'ej, xchi.

A Ch'an̈ B'ab'el Libro Samuel 6:20

Yuj cha, xyaln eb' 'aj Bet-semes chi 'ixtic: ¿Mach wal junc tztac' sc'och 'a yojltac Jehová, atn jun Dios caw 'ay smay? Mach wal 'aj tz'at ca'c can te', yic tz'el te 'a qui tz'eyc tic? xchi eb'.