Lv 10:17 - Chuj San Sebastian Bible

¹⁷ ¿Tas yuj ma'ix e chi no xajmb'al 'a yamq'uil Mantiado? A jun xajmb'al cha, yicn̈ej Jehová yaji. Yuj cha, xya'n no 'ayex, yujto a yic tze chin no', tze cuchn can smul eb' chon̈ab', sec 'ixta wal tzyutj Jehová ya'n lajwc can smul eb' cha.

Chuj San Mateo Bible

¹⁷ —¿Tas yuj maj e chi noc' silab' d'a yamaq'uil scajnub' Jehová? A jun macan̈ silab' chi', yic Jehová yaji, yuj chi' ix ac'ji d'ayex, yuj e chi'an noc', yic tz'ic'jiel smul eb' molanec' d'a yichan̈ Jehová.

Lv 10:17 ပူးပေါင်းရင်းမြစ်များ

Ex 28:38

'Ixta wal 'oj yutc Aarón yi'n b'ey jun chi 'a snan̈l sat, yujto a yic tzya'n eb' israel yofrenda 'ayin, wach'xam 'ay spaltail eb', palta yuj jun placa cha, tzin chan yofrenda eb' cha.

Ex 28:43

Yowlal tzya'ch Aarón jun tzo'n̈ pichl chi yet' eb' yunnal yic tz'ochch eb' 'a yol in cajnub' 'aj tzin chaj in b'a eyet'oc. Yowlal 'aych yuj eb' yic tz'ochch eb' 'a stz'ey yet'l xajmb'al yic tzyiln eb' yopiso, sec wach' ma'oj 'och smul eb', ma'oj comn cham eb'. A jun tic, ley tz'ajcn 'a Aarón yet' 'a eb' yin̈tl b'aq'uin̈, xchi Dios 'a Moisés.

Lv 16:22

A yic tzsatcn 'at no chiwo chi 'a lum cusltac lum cha, tzyi'n can 'at no smul eb' israel chi 'a 'aj man̈x 'a 'anma'.

Lv 21:22

Tztac' sc'uxn eb' jun tzo'n̈ ofrenda cha, yet' smasnil jun tzo'n̈ xo tas to wic yaji,

Lv 22:16

Toto comn xoj tze chaj c'uxxoc, ax jun mul cha, matz can 'a yib'n̈ eb' tzc'uxn cha, palta to a 'a eyib'n̈ tzcani. A mach tzc'uxn cha, yowlal pax tztojo, yujto scomn c'uxej. An Jehová in, an tzwala, to wic yaj jun tzo'n̈ cha, xchi Dios.

Nm 18:1

'Ix yaln Jehová 'a Aarón 'ixtic: Ach tic yet' eb' onnal, yet' pax smasnil eb' yin̈tl Leví, eb' 'aj locn ach 'a en̈til, toto 'ay mach tz'och smul 'a in cajnub', yuj jun mul cha, 'oj jawc yailal 'a eb'n̈ yet' eb' onnal, yujto tz'och e mul 'a eyopiso, to ya'mal 'och sti eb' 'anma eyaji.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.