Lv 10:14 - Chuj San Sebastian Bible

^14-15 A no xepu tzeyac' tz'a'oc, junn̈j tzeyutj eyi'n 'och no yet' no sn̈i sc'ojl tzb'achx 'och 'a yojltac Jehová cha, yet' no xub'. A no sn̈i sc'ojol yet' no xub' cha, eyic yaj no'. Ata tza chi no yet' eb' onnal yet' eb' esl 'a junc lugar to wach' yaji, yujto a jun tzo'n̈ cha, eyic yaj 'a no xajmb'al yic junc'ojlal tzyac' smasnil eb' israel. A chac'aj no chib'j cha, ec yaj no 'a smasnil tiempo yet' eb' onnal, 'icha 'ix yutj Jehová yaln 'ayin, xchi Moisés cha.

Chuj San Mateo Bible

¹⁴ Axo pax noc' sn̈isc'ol sb'achchajec' d'a yichan̈ Jehová yed' noc' xub', tz'ic'chajel noc', a juntzan̈ chi' eyictaxon yaji. Tza chi yed' eb' uninal yed' eb' isil d'a junoc lugar to vach' yaji icha syal ley, yujto a juntzan̈ chi' eyictaxon yaj d'a silab' sch'oxan sjunc'olal eb' quetchon̈ab' yed' Dios.

Lv 10:14 ပူးပေါင်းရင်းမြစ်များ

Ex 29:33

'Oj sc'ux eb' jun tzo'n̈ cha, yujto a jun xajmb'al chi tz'a'n lajwc can smul eb' yic tzsi'x can 'el eb', mto yic tzchan can eb' yopiso ya'malc 'och sti eb' 'anma 'ayin. Palta may wal junc comn 'anma tztac' scomn c'uxn jun tzo'n̈ cha, yujto wicn̈ej yaji.

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Lv 10:13

Ata tze c'ux 'a yamq'uil Mantiado, yujto a jun ofrenda tz'ajx tz'a cha, ec yaj yet' eb' onnal. Atn jun tzo'n̈ tic xyal Jehová 'ayin.

Lv 22:13

Palta toto chamnc xo yichmil 'ix, mto spojjnac sb'a 'ix yet' yichmil cha, may pax yune 'ix yic tzc'ochx can 'ix 'a yatut smam, 'icha xon 'a yic cob'sto 'ix, to 'ixta', tztac' cab' sc'uxn 'ix tas tzc'ux smam cha. Palta ax eb' comn 'anma', matz tac' sc'uxn eb' tas tzc'ux winac.

Lv 9:21

Palta, ax no sn̈i sc'ojol, yet' no xub' 'a swach', ton̈j xb'achx 'och no 'a yojltac Jehová, 'icha 'ix yutj yaln 'a Moisés.

Nm 18:11

Tzwa'n jun tzo'n̈ xo tic 'aych yet' eb' onnal, eb' esil yet' 'a smasnil eb' 'ayc' et'oc, atn jun tzo'n̈ ofrenda tzya'ch eb' israel 'a wojltac. A jun tic ley tz'ajcn 'ayx 'a smasnil tiempo. Tzann̈j junc ecan 'ayc' et'oc, cojn toto wach' yaj 'icha yaln ley, tztac' sc'uxn eb' jun tzo'n̈ xajmb'al cha.

Nm 5:9

Smasnil ofrenda tzyac' eb' israel 'ayin, tz'ijx 'at 'a yojltac win ya'mal 'och sti eb' 'anma cha; a jun tzo'n̈ cha, yic win tz'aji.

Jn 4:34

Palta xyaln pax 'ixtc 'a eb': —Caw tzin nib'j tzin b'o tas tznib'j jun checjnacn coti, masnto tzin laj smunljel ya'jnac 'ayin. A yic tzin b'on jun cha, 'icha to ata tzin wa'i.