Lv 10:12 - Chuj San Sebastian Bible

¹² Xlajw cha, xyaln Moisés 'ixtc 'a Aarón, 'a Eleazar yet' pax 'a Itamar, cha: —'Ijec cot 'ixm harina xcan 'a 'ixm ofrenda stz'a 'a yojltac Jehová, tze b'on 'ixm pan may yich, tze wan 'a stz'ey yet'l xajmb'al, yujto a jun cha, yic Jehová yaji.

Chuj San Mateo Bible

¹² Ix lajvi chi' ix yalanpax vin̈aj Moisés chi' d'a vin̈aj Aarón yed' pax d'a eb' yuninal vin̈, aton vin̈aj Eleazar yed' vin̈aj Itamar: —Iq'ueccot ixim harina ixto can d'a ofrenda ix tz'a d'a yichan̈ Jehová, tze b'oan ixim pan malaj yich d'a yichan̈ altar, yujto a jun ofrenda chi' yic Jehová yaji.

Lv 10:12 ပူးပေါင်းရင်းမြစ်များ

2 Cr 31:14

A Coré, yunnal Imna yin̈tl Leví, a yajl yaj 'a yib'n̈ eb' stan̈mal spuertail yatut Jehová 'a stojlal 'aj tzq'uel c'u, 'aych pax 'a yib'n̈ schan ofrenda to tz'el 'a sc'ojl eb' 'anma ya'ni, yet' ofrenda to tzpojx 'eq'ui, yet' tas to yic Jehová yaji.

Ex 29:2

Tza'n b'o pax 'ixm pan yet' harina caw wach'. Tza'n b'o 'ixm niwc pan may yich; caw wach' tz'aj scalx yet' aceite; tza'n b'o pax 'ixm c'oxox pan may yich, tzicx 'och pax aceite 'a 'a.

Ex 29:33

'Oj sc'ux eb' jun tzo'n̈ cha, yujto a jun xajmb'al chi tz'a'n lajwc can smul eb' yic tzsi'x can 'el eb', mto yic tzchan can eb' yopiso ya'malc 'och sti eb' 'anma 'ayin. Palta may wal junc comn 'anma tztac' scomn c'uxn jun tzo'n̈ cha, yujto wicn̈ej yaji.

Ex 6:23

Ax Aarón 'ix yij sb'a yet' 'ix Elisabet, yisl Aminadab yanb' Naasón, xlajw cha, 'ix 'alj yunnal eb', atn Nadab, Abiú, Eleazar yet' Itamar.

Ez 44:29

Smasnil tas tzeyac' ofrendail 'ayin, yic eb' yaji, a eb' 'oj c'uxnoc. 'Icha no xajmb'al tz'ajx yuj mul, no tztojn lajw mul yet' jun tzo'n̈ tas tzc'uxxi.

Lv 10:13

Ata tze c'ux 'a yamq'uil Mantiado, yujto a jun ofrenda tz'ajx tz'a cha, ec yaj yet' eb' onnal. Atn jun tzo'n̈ tic xyal Jehová 'ayin.

Lv 21:22

Tztac' sc'uxn eb' jun tzo'n̈ ofrenda cha, yet' smasnil jun tzo'n̈ xo tas to wic yaji,

Lv 24:9

Ax jun tzo'n̈ 'ixm pan tz'elcn cha, yic Aarón tz'ajcn yet' eb' yin̈tl 'a smasnil tiempo. Yowlal ata tzwaj eb' 'ixm pan chi 'a junc lugar to sic'b'il 'eli, yujto niwn yel'ch 'ixm pan chi 'icha jun tzo'n̈ xo xajmb'al tz'ajx tz'a 'a wojltac, xchi Dios.

Lv 7:9

'Ixta pax smasnil ofrenda mayb'il 'a yol jorna, mto 'a yol chen, mto 'a yol xalten, yicn̈ej win tz'aji, atn win tz'a'n 'och jun ofrenda chi 'a wojltac.

Nm 3:2

Eb' yic Aarón: atn Nadab win b'ab'l 'unnab'il, tza'n win Abiú, Eleazar yet' Itamar.